Do día 20 ao 23 de Marzo, o alumnado de 4º ESO viaxamos a Portugal, puidemos desfrutar dunha gran viaxe organizada por diferentes departamentos, este traballo interdisciplinar tanto cultural, deportivo ... isto é o que marca a diferenza!

Debemos dar as grazas unha vez máis a todo o profesorado, ao gran equipo que fixeron para facer posible a viaxe a Portugal!!

O mércores 22 de marzo, volvemos a repetir xornada co alumnado de 1º C.M. DE GUÍA DO MEDIO NATURAL E O TEMPO LIBRE do CIFP Universidade Laboral (Culleredo), pero nesta nova xornada participamos o alumnado de 2º ESO dos grupos A-B-F. E experimentamos as actividades no medio natural: ORIENTACIÓN - ESCALADA - DEPORTES TRADICIONAIS. 

De novo aproveitamos para dar as grazas a CIFP Universidade Laboral ao profesorado que fixo posible esta xornada - Xurxo, Lucía e Diego!!

O martes 21 de marzo, o alumnado de 2º ESO grupos D-C-E, desfrutamos dunha auténtica xornada de deportes na natureza: ORIENTACIÓN, ESCALADA, DEPORTES DE TEMPO LIBRE. Xornada diferente xa que o alumnado de 1º C.M. DE GUÍA DO MEDIO NATURAL E O TEMPO LIBRE do CIFP Universidade Laboral foron os nosos técnicos, impartindo as diferentes actividades. Desfrutamos moito de toda a mañá organizada por este grupo de futuros profesionais de actividades no medio natural, os cales desexamos moitísima sorte!!

Grazas a CIFP Universidade Laboral ao profesorado que fixo posible esta xornada - Xurxo, Lucía e Diego!!

O xoves 16 de marzo, o alumnado de 3º ESO tivemos a gran oportunidade de poñer en práctica contidos de Educación Física co Club CRAT Coruña, estamos falando do RUGBY. Gozamos dunha gran xornada no campo de Rugby da Laboral - Acea da Ama, ademais de ter a oportunidade de coñecer a un club con grandes xogadoras internacionais e poder aprender con elas.

MOITAS GRAZAS por presentarnos o voso gran deporte  CRAT Coruña!

O luns 13 de marzo en referencia ao 8M, viñeron ao centro deportistas de alto nivel, Helena Roca e Vanesa Rial ex-internacionais de Rugby, con un inmenso palmarés deportivo. Charla que levou a cabo temas como a IGUALDADE E OS VALORES DO DEPORTE. E finalmente puidemos realizar preguntas e saber un pouco máis destas grandes deportistas.

Moitas grazas por acompañarnos en unha gran xornada no IESEBA!!

O martes 14 de marzo tamén chegou a tan esperada 2ª formación para nós, alumnado de 1º e 2º ESO, nesta destacamos outra vez a presenza de RUBÉN EIRIZ e neste caso contamos con DIEGO SÁNCHEZ ROJO actualmente árbitro asistente Internacional FIFA e de 1ª DIVISIÓN, ademais este ano foi premiado como o mellor asistente de 1ª División, destacamos os partidos de Champions League e Europa League, finalizando esta presentación en que o ano pasado estivo na final da Copa do Rey.

Nesta sesión tamén nos acompañaron dende o Concello de Culleredo que sen eles isto non podería saír adiante. 

Moitas grazas a todos/as por facer que IES EBA sexa un centro de formación para moitos/as de nós!!

O xoves 19 de marzo chegou a segunda xornada da formación de árbitros, destacamos a presenza de RUBÉN EIRIZ do Comité de Árbitros de Galicia, varias tempadas árbitro de Segunda B e A, ex árbitro internacional e Mundialista de Fútbol Praia, acompañado de EUGENIA GIL árbitra profesional de primeira división femenino, ademais foi subcampiona de España dos 400 metros lisos. 

Puidemos desfrutar dunha gran xornada con eles, aprendizaxe que levamos á liga interna de fútbol sala do IESEBA. Ademais fomos agasallados con unha camiseta, silvatos e as tarxetas oficiais para poder embarcarnos neste inicio de aventura de cara ao arbitraxe. Debemos de destacar tamén a presenza e colaboración do CONCELLO DE CULLEREDO para que isto fora posible.

Moitas grazas pola vosa profesionalidade e por darnos o voso tempo para vir a impartir a formación ao IESEBA!

Creación do vídeo a Martín de prensa de Culleredo!

O venres 17 de febreiro celebramos  “O ENTROIDO”, como cada ano temos unha temática de referencia e neste 2023 “PELÍCULAS DO 1998”. 

Cada grupo de forma voluntaria participou na coreografía elixida, neste caso grazas a un traballo interdisciplinar que se realizaba dende as sesións de titoría e se levou a outras áreas.

Neste evento traballamos contidos de ritmo, coordinación, movemento corporal e expresivo, os cales teñen unha relación directa para a MELLORA DA SAÚDE, incidindo no benestar da saúde emocional das persoas. Incluso si miramos outras fontes como a psicoloxía, atopamos técnicas terapéuticas activas nas que utilizan a linguaxe corporal e o movemento como parte importante do tratamento. 

As imaxes adxuntas mostran un traballo coreográfico por grupos de alumnado e por profesorado. Polo que agradacemos ao conxunto tanto de alumnos/as como docente que participaron na organización do evento para que isto saíra adiante. Moitas grazas a todos!! 

O 11 de FEBREIRO conmemórase o DÍA INTERNACIONAL DA MULLER E A NENA NA CIENCIA. Motivo polo que durante os días 8, 9 e 10 de febreiro celebramos a “I FEIRA DA CIENCIA IESEBA”, onde destacamos a participación de toda a comunidade educativa participou nos concursos e experiencias científicas. Neste caso presentamos a proposta dende o departamento de EDUCACIÓN FÍSICA coa colaboración de alumnado dos diferentes niveis educativos.

A nosa proposta foi a seguinte para a concienciación dunha VIDA SAUDABLE:

- Medición da presión arterial.

- Medición talla e peso.

- Cálculo da porcentaxe da masa magra e graso.

- Dinamometría da presión manual.

O VENRES 10 DE FEBREIRO tocou ao alumando de 3º e 4º ESO voluntarios á formación arbitral, neste caso de gran acollida para nós e seguir formándonos. Unha gran oportunidade que nos ofrece tanto RUBÉN EIRIZ pertencente ao Comité de Árbitros de Galicia e xunto coa colaboración do Concello de Culleredo.

Foi unha gran sesión de aprendizaxe para todos/as que estamos participando co obxectivo de mellorar como persoas e deportistas nestas prácticas. O cal nos leva a realizar prácticas na liga interna que está realizando o grupo de 1º e 2º ESO nos recreos.

E esperando con emoción pola 2º FORMACIÓN ARBITRAL DE FÚTBOL!!!!