Parece que a incertidume sobre o acceso á universidade para este curso vaise despexando (non sen tempo!). A Comisión Interuniversitaria de Galicia (CIUG) vén de publicar as notas de corte para este curso, e parece que o exame de acceso vai ser tan parecido á Selectividade que non se vai diferenciar dela en prácticamente nada.

Como comentaremos nas sesións informativas nos grupos de bacharelato, a nota de corte é só un dato orientativo que nos indica a nota da última persoa que entrou nesa titulación o ano anterior. Non quere dicir que esa sea a nota coa que se vai acceder este ano porque iso depende da demanda, aínda que en xeral non adoita haber moita variación dun curso para outro.

O pasado venres conmemorouse o Día Mundial contra a Violencia de Xénero. No noso IES foron varias as iniciativas que se levaron a cabo para berrar, con máis forza se cabe que nos outros 364 días do ano, o noso rexeitamento a tódalas formas de violencia que sofren as mulleres e as nenas polo feito de selo.

Neste vídeo podedes ver o fantástico traballo do alumnado de 1º de Bacharelato da materia de Volume, feito coa colaboración do de Educación Plástica, Visual e Audiovisual de 4º de ESO.

Ao longo de todo o corredor da entrada temos carteis de cor morada no cal toda a comunidade educativa pode expresar os seus sentimentos, pensamentos, etc, sobre o machismo e a violencia de xénero.

No segundo recreo todo o alumnado, o profesorado e persoal non docente xuntámonos no patio para celebrar un pequeno acto de reflexión e de rexeitamento da violencia machista. Andrea Raña de 1º de ESO e María Gramunt de 1º de Bacharelato leron dous poemas relacionados co tema:

Ao longo de toda a mañá estívose proxectando no corredor que leva á sala de profesorado este audiovisual realizado polo alumnado de Educación Plástica, Visual e Audiovisual

E como non, tamén Radio emBrión quixo facer un programa especial. Nel participou Pilar Martínez, psicóloga dos Servizos Sociais do Concello de Brión, que charlou sobre violencia de xénero con Alba Gil de 2º de Bacharelato, Sara Molinos de 1º de ESO, Xosé Lois de 1º de Bacharelato e Manuel Fernández de 1º de ESO.

Nas semanas previas a esta data dende o Concello nos presentaron, nos distintos niveis da ESO, o Plan de Igualdade municipal. Tamén nas titorías se traballou no fomento da igualdade de xénero e o rexeitamento da violencia. Porque o 25 de novembro é unha data un pouco máis sinalada, pero no IES de Brión cremos en 365 días de respecto e igualdade.

O pasado martes 8 de novembro tivemos a visita dun grupo de persoas internas do centro penitenciario de Teixeiro  acompañadas de varios técnicos. O motivo da súa visita era contarnos, a través dunha representación teatral primeiro e logo a través do seu testemuño, as consecuencias que pode ter o consumo de drogas.

A actividade estaba prevista para 4º de ESO e 1º de Bacharelato mais cara o final da mesma incorporouse tamén 2º. Na aula de usos múltiples non collía ninguén máis e sen embargo o silencio era total. Todos, o alumnado e o profesorado que estabamos alí, estabamos impactados. (NOMES) son persoas coma nós, veñen de familias traballadoras como as nosas, estudaban nun IES coma o noso. Só que nun momento determinado non foron quen de dicir que non. A maneira, tan humana pero tan crúa ao mesmo tempo, de describir a súa experiencia creo que non se nos esquecerá en moito tempo.
O inicio en drogas mal chamadas “brandas”. As amizades que parecen tan sólidas e que cando tes problemas desaparecen. A necesidade de encaixar no grupo. Todas esas cousas que tantas veces repetimos nas charlas de orientación, en primeira persoa.
Como orientadora, e Ana como vicedirectora, non podemos estar máis contentas co resultado da actividade. E non só por parte das persoas internas que viñeron. Todas as alumnas e alumnos que alí estiveron tiveron un comportamento exemplar, fixeron preguntas do máis pertinente e cun grao de reflexión e de sensibilidade que, de verdade, fai sentir a unha moi orgullosa de traballar aquí.

E isto foi só a primeira parte. O martes 15 1º de Bacharelato participou nunha visita á Unidade Terapéutica Educativa de Teixeiro, na que están internas as persoas que viñeron ao Instituto. Lamentablemente, por motivos de seguridade, o número de persoas que poden participar é moi limitado. Gustaríanos moitísimo que todo o alumnado que estivo na representación puidera vir pero non é posible. Desa visita non haberá reportaxe fotográfica xa que as cámaras e móbiles están prohibidos, pero estou segura de que nas nosas cabeciñas traeremos moitas imaxes difíciles de esquecer.
Deixámosvos algunhas imaxes:

Para os que non participastes na actividade, e para os que si pero queredes coñecer máis da vida e o día a día das persoas internas na UTE, grabamos un programa especial en Radio emBRIÓN. Non o perdades, está cheo de curiosidades e de reflexións moi interesantes destas persoas marabillosas que levaron un cachiño dos nosos corazóns a Teixeiro.

https://radiodoiesdebrion.wordpress.com/2016/11/12/o-carcere-de-teixeiro-na-radio/

WEB: http://www.mecd.gob.es/servicios-al-ciudadano-mecd/catalogo/general/educacion/050130/nu/050130-nu-2016.html

APLICACIÓN ON LINE: https://sede.educacion.gob.es/tramite/login/inicio.jjsp?idConvocatoria=746

Máis información nos arquivos adxuntos.

Resolución de la Secretaría de Estado de Educación, Formación Profesional y Universidades, por la que se convocan ayudas para alumnado con necesidad específica de apoyo educativo para el curso académico 2016-2017

WEB: http://www.mecd.gob.es/servicios-al-ciudadano-mecd/catalogo/general/educacion/050140/ficha/050140-2016.html

APLICACIÓN ON LINE: https://sede.educacion.gob.es/tramite/login/inicio.jjsp?idConvocatoria=748

Prazo ata o 29 de setembro.

Máis información nos arquivos adxuntos.

ABERTO O PRAZO PARA SOLICITAR ADMISIÓN NOS CICLOS FORMATIVOS

SOLICITUDE NA WEB: https://www.edu.xunta.es/ciclosadmision/

Ciclos formativos e módulos con prazas dispoñibles e sen listaxe de espera: http://www.edu.xunta.es/fp/prazas-disponibles-extraordinaria-2016

Admisión: 1ª adxudicación extraordinaria. Convocatoria 2016: http://www.edu.xunta.es/fp/admision-1adxudicacion-extraordinaria-convocatoria-2016

VER ARQUIVOS ADXUNTOS.

PARA MÁIS INFORMACIÓN PASAR POLO DEPARTAMENTO.

Ver arquivo adxunto.

Para máis información pasar polo departamento.

Parámetros de ponderación das materias da FASE ESPECÍFICA da PAU 2016 para o acceso ás ensinanzas universitarias (ver arquivo adxunto)

Calendario xeral PAU 2016 (ver arquivo adxunto)

Notas de corte (ver arquivo adxunto)

Páxina onde podedes encontrar toda a información así como modelos de exame: CIUG

Convocatoria 2016: prazos preinscripción, procedemento e matrícula (arquivo adxunto: convocatoria 2016)

O departamento de Orientación organiza unha charla sobre as probas de acceso á Universidade (PAU) e ramas de coñecemento para o alumnado de 2º de Bacharelato o mércores 18 de marzo de 13:15 a 14:05 horas na aula de usos múltiples do instituto

O departamento de Orientación organiza a visita a distintas facultades da Universidade de Santiago de Compostela situadas no Campus Vida e no Campus Norte o vindeiro mércores 4 de febreiro de 9:30 a 14:05, para o alumnado de 1º e 2º de Bacharelato.