VISITA A SOTAVENTO
|
O Departamento de Tecnoloxía ten programada para o venres 3 de febreiro unha saída educativa co alumnado de 3º ESO que se achegará á Serra da Loba para coñecer as instalacións do Parque Eólico Experimental Sotavento. |
|
LECTURA DA CARTA QUE EINSTEIN ESCRIBIU AO PRESIDENTE ROOSEVELT EN 1939
O luns 30 de xaneiro o alumnado de 4º ESO, 1º Bach e 2º Bach con Física e Química dará lectura á carta que Albert Einstein escribiu ao presidente norteamericano Roosevelt en 1939.
O Departamento de Física e Química celebrará con esta actividade o día da paz.
PROGRAMA A PONTE. VISITA Á USC
O vindeiro día 9 de febreiro o alumnado de 2º de bacharelato visitará diversas facultades da USC no marco do programa "A ponte entre o ensino medio e a USC".
Esta visita organizada polo Departamento de Orientación, complementarase cunha charla informativa que terá lugar no noso centro o día 15 de marzo a cargo da profesora Mª Teresa Flores Arias.
MEMORIA DA NOSA LINGUA
Coa exposición "Memoria da nosa lingua" inaugúrase unha serie de exposicións no marco da actividade anual de centro que este ano xira "Arredor da memoria".
"Memoria da nosa lingua" recolle o traballo que o alumnado de 3º ESO realizou a partir do libro "Historia da lingua galega" de Pepe Carreiro.
A profesora Mariña Pérez Rei acompañou ao alumnado na elaboración dos seus traballos.
 |
|
|
EN COLABORACIÓN. EFECTO INVERNADOIRO
Un grupo de alumnos e alumnas de 2º de Bacharelato fai unha demostración do efecto invernadoiro para o alumnado de 1º de ESO. Foi nos dous recreos do día 12 de xaneiro, medindo a temperatura no exterior e no interior do noso propio invernadoiro. O alumnado de Bacharelato aproveitou para explicar ao de ESO o problema do efecto invernadoiro a nivel planetario... Un problema grave, de certo. Que podemos facer dende o instituto para contribuir a evitalo?
|
|
|
|
VISITA AO MUPEGA E AO MUSEO DO POBO GALEGO
O vindeiro martes día 29 de novembro o alumnado de 1º ESO realizará unha saída educativa a Santiago de Compostela para visitar o Mupega e o Museo do Pobo Galego.
Esta actividade, promovida dende Proxecto Interdisciplinar, desenvólvese no marco da actividade anual de centro, que este ano xira "Arredor da memoria".
 |
SAÍDA Á FACULTADE DE QUÍMICA E AO CICUS
O alumnado de Física e Química de 1º e 2º de bacharelato realizará unha saída o vindeiro día 25 de novembro á Facultade de Química da USC e ao CIQUS, dentro do programa "Acércate á Química!".
Entre outras actividades terán a oportunidade de visitar a exposición "Entre moléculas", producida polo CSIC con motivo do Ano Internacional da Química.
