NOVAS

Hoxe terá lugar no Salón Multiusos do Concello de Viveiro a inauguración da exposición EscribirArte na Mariña, da Microrrede A Mariña de Bibliotecas escolares.

Está composta por un total de 16 obras moi orixinais, con diferentes técnicas e un traballo colaborativo que agardamos que sexa do voso agrado. As obras que aí se presentan transpasan as paredes da sala de exposición. Grazas á linguaxe dos códigos QR, achegan o/a visitante a temáticas dispares traballadas nos proxectos dos distintos centros educativos.

A exposición estará aberta ao público no Salón Multiusos do Concello de Viveiro de 18h a 20h do 8 ao 11 de maio.

Máis información no Instagram da Biblioteca do IES Illa de Sarón e na páxina web do centro.

Esperámosvos!

Dende a secretaria xeral da Igualdade, remitíronnos por servizo de mensaxería diverso material para o desenvolvemento do programa Donas de Sí. Con estes novos volumes ampliamos o Espazo Lila situado, de forma permanente,na entrada principal do noso instituto. Este material está á disposición de toda a comunidade educativa, incluídas as familias do noso alumnado.

Anímate a visitala!!!

Para celebrar o Día de Samaín e o Día das Escritoras, cada curso de ESO realizou un "Altar de Mortos" adicado a unha escritora galega. As elexidas foron Emilia Pardo Bazán, Xela Arias, Sofía Casanova, Emilia Pardo Bazán e María Mariño.

Para esta tarefa, adicáronse varias sesión de titoría a investigar sobre a autora escollida para realizar un altar personalizado.

Aquí vos deixamos os resultados.

O pasado 21 de Marzo celebramos o Día Mundial da Poesía con diversas actividades como a selección e exposición dos poemas favoritos do noso alumnado.

Ademais durante o tempo de lecer realizamos a audición e o recitado lírico na biblioteca!

Hoxe aprendimos un pouco máis sobre escritoras xogando co Genially. Que ben o pasamos con parte do alumnado de 1º e de 3º.  Saben moitísimo!!