I.E.S. ILLA DE SARÓN

O día 2 de maio,os alumnos de 4 de Eso realizaron unha visita á cidade de Ourense.

Comezamos a visita nas Burgas,para coñecer a oroxe da cidade e a súa riqueza termal (mesmo nos atrevemos a comprobar de primeira man a temperatura da auga). Seguimos o percorrido pola Praza Maior (a que ten a maior pendente de España), o edificio que alberga o Museo Arqueolóxico,a igrexa de Santa María Nai, e continuamos por outros recunchos da cidade vella, como o Liceo (palacio do S.XV no que se levan a cabo todo tipo de actividades culturais) e a Praza do Ferro,así chamada por ser o lugar de traballo dos Ferreiros da cidade.A través desta visita guiada,os alumnos puideron coñecer de primeira man o entramado urbanístico dunha cidade medieval.

Deixamosvos unhas fotos.

Excursión ao Centro Internacional de Investigación de Sistemas Autónomos Avanzados no Parque Tecnolóxico e Industrial de Rozas, organizada en colaboración coa Axencia Galega de Innovación.

Os alumnos da 4º ESO tiveron a oportunidade de observar de preto os vehículos autónomos, entender sobre o seu funcionamento e coñecer os proxectos de investigación en curso, incluíndo aqueles destinados ao desenvolvemento de vehículos non tripulados específicos para situacións de emerxencia.

Esta visita forma parte do programa 'Fly The Future', dedicado a espertar o interese pola ciencia e a tecnoloxía entre os estudantes de educación secundaria.

Deixamosvos unhas fotos da viaxe:

O Departamento de Ciencias da Natureza do Illa de Sarón organizou unha viaxe a Cantabria e Burgos para o alumnado de 4º de ESO.

O día 3 de abril visitamos a cova de El Soplao, o concello de Comillas, que sorprende pola súa arquitectura modernista e Santillana del Mar onde destacan a colexiata  de Santa Xuliana e a cova de Altamira, considerada a capela Sixtina do arte prehistórico. 

O seguinte día, 4 de abril, estivemos no Museo da Evolución Humana, con percorrido polo Paleolítico Vivo, unha experiencia de inmersión na prehistoria mediante a contemplación de paisaxe e fauna. Pola tarde realizamos un percorrido en tren turístico polo casco histórico de Burgos, incluída a súa impresionante catedral gótica, declarada Patrimonio da Humanidade pola Unesco.

Xa de volta para Xove, fixemos unha pequena parada en León con visita ó Convento de San Marcos.