xadrez
Xornada de xadrez
Enviado por Vicedirec. o 18 Maio, 2011 - 10:14O martes 24 de maio, en horario de tarde, celebrarase na biblioteca unha xornada de xadrez coa participación de alumn@s que durante todo o curso académico asistiron a esta actividade. A xornada está organizada pola Federación Galega de Xadrez.
Fase final do 2º campionato de xadrez MGB 2011
Enviado por admin o 5 Abril, 2011 - 15:56Da comezo a fase final do 2º campionato de xadrez MGB 2011, cos seguintes emparellamentos:
2º Campionato de xadrez no MGB
Enviado por webmaster o 3 Decembro, 2010 - 17:56Manuel Brea, gañador do campionato de xadrez
Enviado por Anónimo o 31 Maio, 2010 - 07:57Manuel Brea, alumno de 1º de ESO A foi o gañador do campionato de xadrez do MGB, cuxa final se desenvolveu o venres 28 de maio. Como xa se ten dito, a final foi moi disputada e até o último momento ningún dos contendentes dispoñía dunha vantaxe clara.
Neste enfrontamento o nivel de xogo tanto do campión como do outro finalista, Sergio Pampín (2º ESO A), foi en xeral alto, e se ben nalgún momento a precipitación ten tido algunha presenza, cómpre salientar a capacidade dos contendentes de elaborar estratexias para intentar sorprender o rival.
O derradeiro enfrontamento foi breve, trepidante, e unha xogada das brancas de Manuel Brea, pola cal o xaque-mate non admitiu calquera tipo de contestación por parte das fichas contrarias, foi o elemento definitivo dunha final que será lembrada pola intelixencia e habilidade con que foi disputada polas dúas partes.
Desenvolvemento da terceira parte da final de xadrez
Enviado por Anónimo o 26 Maio, 2010 - 09:11Ao longo dos recreos do martes 25 de maio desenvolveuse a terceira parte da final de xadrez, que ficou inconclusa á espera dun desenlace o próximo venres 28.
Constatamos neste enfrontamento un máis que destacábel nivel de xogo por parte dos dous contendentes (Sergio Pampín, con negras, e Manuel Brea, con brancas), que se están a empregar a fondo para facerse cunha vitoria que significa a consecución do título do campionato. Así, puidemos observar como o xogo se move entre o conservadorismo dalgunhas xogadas e o ataque meditado doutras, que dan como resultado un enfrontamento certamente tenso, con avances resolutivos sobre todo por parte das fichas negras, que non deixan de lado a posibilidade dun repregamento en xeral ben pensado.
En resumo, unha partida chea de interese e expectación, cuxo estado actual podemos apreciar coa vista da fotografía adxunta, precedente claro das próximas xogadas que han de dar un gañador definitivo.
Primeira parte da final de xadrez
Enviado por Anónimo o 19 Maio, 2010 - 09:11O pasado 18 de maio ao longo dos dous recreos celebrouse o primeiro dos encontros da final de xadrez do MGB. Resultou ser unha partida emocionante, en que xogaron un papel importante os nervios e certa precipitación por parte dos finalistas (Sergio Pampín, de 2ºA e Manuel Brea, de 1ºA), que, non obstante, fixeron o posíbel por defender a situación e atacar o adversario. Manuel Pampín, coas negras, protagonizou unha das primeiras xogadas importantes, nun duelo entre torres; así mesmo, non demoraron moito as negras en declararen xaque con cabalo, deixando as brancas de cada vez máis desarmadas, con poucas posibilidades de defensa e moito menos dun eventual ataque. Deste xeito, o desenlace da partida non se fixo esperar, e despois dun segundo xaque por parte de cabalo de negras, o xaque-mate chegou a través dunha xogada ben traballada en que as brancas non tiveron outra posibilidade que a de se declararen derrotadas
A segunda parte da final desenvolverase o venres 21 de maio ao longo do primeiro recreo no lugar de costume. Cremos que nas dúas últimas partidas verase acrecentado o xa de por si grande interese do primeiro duelo, á espera dun resultado definitivo.
Final do campionato de xadrez
Enviado por Anónimo o 11 Maio, 2010 - 12:53O martes 18 de maio celebrarase no noso instituto a final de xadrez ao longo do primeiro recreo. Neste certame enfrontaranse Sergio Pampín, de 2º da ESO A, e Manuel Brea, de 1º da ESO A. Esta final, moi agardada polos afeccionados a este deporte, será relatada co maior detalle desde estas liñas, incidindo naquelas xogadas que ofrezan máis interese e emoción.