O luns, 7 de marzo, os alumnos de 1º ESO visitaron o Parque Eólico Experimental Sotavento, situado na serra da Loba, entre os concellos de Xermade ( Lugo) e Monfero (A Coruña).
É unha visita que todos os anos organizamos desde o Departamento de CC NN porque aínda que está algo lonxe, dúas horas e cuarto de bus, merece a pena a viaxe xa que fomenta o aforro e a eficiencia enerxética tan necesarios nos tempos que corren.
Nada máis chegar , sobre as 11:15 h, nos invitaron a un chocolate con leite quentado nunha cociña solar, para entrar en calor e empezar a visita con ánimo.
A todo o grupo déronlle unha charla introdución das vantaxes das enerxías renovables, do aforro enerxético que supoñen e da súa interacción co medio ambiente. Logo, repartiron ao alumnado en tres grupos e cada un coa súa guía percorreu as distintas fases da visita:
- Vivenda bioclimática: Trátase dunha vivenda demostrativa na que coa orientación axeitada, os materiais de construción da contorna e o uso de enerxías renovables aforra moita enerxía sen renunciar ao confort. Esta visita gustoulles moito porque viron como se pode aforrar enerxía nun fogar e que con pequenos hábitos que eles mesmos poden levar a cabo se consigue moito aforro.
- Funcionamento dun aeroxerador e entrada nun deles.
- Experimentos con placas solares .
Sobre as 14: 15h remataron as actividades. Pasamos a comer e sobre as 15:00h collemos o bus de regreso.
Todo estivo moi ben e ademais tivemos un día soleado que a esa altitude agradécese.
