1º trimestre

O Goethe Institut dentro da iniciativa Pasch organizou o concurso Europa Challenge para todos os alumnos dos centros Pasch de toda Europa. Os participantes do noso centro foron os alumnos tanto de 1º coma de 2º de Bacharelato que cursan alemán. De maneira individual realizaron un vídeo para instagram falando da importancia de formar parte da Unión Europea e dos valores, vantaxes e retos que ten a mesma actualmente. Dende o departamento de alemán agradecemos a participación e celebramos ter tres alumnas gañadoras entre todos os participantes. Parabéns!

As gañadoras son: 6º posto Ana Bruzos de 1º Bacharelato G.

8º posto Sabela Saavedra de 1º Bacharelato E

e Alba López Bruzos de 2º de Bacharelato F.

 Parabéns!

  Alumnado do IES Nosa Señora dos Ollos Grandes visitou a exposición itinerante "Energy Challenge" os días 4, 5 e 6 de novembro.

  A Fundación Naturgy trouxo a Lugo a Energy Challenge, "unha experiencia itinerante e innovadora para achegar aos máis novos coñecementos actualizados sobre a transición enerxética, a economía circular, a calidade do aire e as novas tecnoloxías enerxéticas"

  Nesta actividade os rapaces e rapazas simularon formar parte da tripulación dun voo espacial que despegaba da terra. Durante a “viaxe” recibiron información sobre aspectos negativos do desenvolvemento tecnolóxico, sobre o planeta (contaminación, xeración de residuos, sobreexplotación dos recursos, quecemento global), así como, posibles medidas para paliar estes efectos, como son o aproveitamento do material de refugallo para a xeración de enerxía e o concepto de economía circular.

FELIZ NADAL!

O EDLG felicita o Nadal cunha árbore no que todos os membros da comunidade educativa do IES Nosa Señora dos Ollos Grandes están invitados a aportar unha tarxeta cos seus desexos para estas festas.