Skip to Content

Programa de actividades

Correlingua 24

Mér, 08/05/2024 - 21:39

O sol iluminounos nesta nova mañá de Correlingua: percorrido festivo pola Muralla, música, e confraternización entre alumnado dunha chea de centros, reunidos para lembrar a importancia do emprego da nosa lingua. E para berrar con forza, unha e outra vez que "dende aquí ate acolá, galego xa!"

Enredando co galego

Lun, 06/05/2024 - 20:55

Hoxe tivemos no noso centro a presentación do programa Enredando co Galego.

Contamos coa asistencia de Anxo Lamelo, que se encargou de presentar o acto e explicar aos asistentes os obxectivos deste programa e os posibles xeitos de participación.

E para motivar ao alumnado e animalo a participar, desfrutamos dun excepcional recital poético do que se encargaron os poetas Silvia Penas e Samuel Merino.

A bo seguro que o noso alumnado de 3 da ESO atopou unha excelente fonte de inspiración que os levarán a enredar co galego con entusiasmo e creatividade ao longo das vindeiras semanas!

Concurso de escritura rápida 8M

Xov, 29/02/2024 - 12:37

A BIBLIOTECA e o EDLG convocan un concurso de escritura rápida para conmemorar o 8M.

Anímate e participa!

HidratArte

Xov, 29/02/2024 - 12:00

O Equipo de Dinamización da lingua Galega propón unha interesante actividade: un grolo de lectura

Día de Rosalía de Castro

Lun, 26/02/2024 - 20:37

O alumnado do IES Nosa Sra dos Ollos Grandes celebrou o Día de Rosalía de Castro.

 

O acto consistiu nun pequeno recitado acompañado por música (acordeón e zanfona, alumnado de 2 Eso; recitado 1 BAC). Danza (alumnas de 1 BAC).

E todo iso co telón de fondo dun retrato de Rosalía (alumnado de Expresión Artistica 4 eso) e traballos realizados por alumnado de 3 ESO.

Obradoiro OPS!

Ven, 17/11/2023 - 19:33

Hoxe tivo lugar no IES Nosa Señora dos Ollos Grandes o obradoiro OPS! (O portugués simples).

Este obradoiro, deseñado e xestionado pola Asociación Galega da Lingua, pretende achegar ao alumnado a esta fermosa lingua, tan próxima á nosa, amosarlles o coñecemento real que xa teñen dela sen se apenas decatar, e conciencialos da vantaxe que iso lles supón nos planos persoal, cultural, económico, laboral...

 

Exposición Toponimia Galega Castelanizada

Xov, 28/09/2023 - 09:10

Alumnado de 2º ESO do IES Nosa Señora dos Ollos Grandes visitou a exposición sobre toponimia que está exposta no corredor do instituto.

Trátase dun traballo elaborado pola profesora Luisa Diéguez, do Equipo de Dinamización Lingüística do IES Puga Ramón de A Coruña, e que está a ser exposto en diferentes centros de ensino. Permanecerá no noso por espazo de dúas ou tres semanas.

Enredando co galego

Ven, 19/05/2023 - 17:57

Alumnado de 4º ESO do IES Nosa Sra dos Ollos Grandes asistiu a Gala de Enredando co galego, no Gustavo Freire.

 

A gala contou coa ctuación de “Fillas de Casandra”.

É de premio lotes de libros e un iPad.

EnRedando co Galego 2023 é unha actividade da Asociación de Escritoras e Escritores en Lingua Galega (AELG), en colaboración coa Área de Cultura, Turismo e Promoción da Lingua do Concello de Lugo que promove o uso do galego na poboación escolar así como a creación literaria e artística a través da lingua.

Foliada das Letras Galegas

Mar, 16/05/2023 - 06:52

Hoxe celebramos a Foliada das Letras Galegas co Grupo de baile e música tradicional do IES Nosa Sra dos Ollos Grandes.

Esta actividade estivo organizada polo EDLG do IES Nosa Sra dos Ollos Grandes.

Correlingua 2023

Xov, 11/05/2023 - 19:28

Alumnado de 1º ESO do IES Nosa Sra dos Ollos Grandes participou na festa do Correlingua 2023

O Equipo de Dinamización da Lingua Galega do IES Nosa Sra dos Ollos Grandes participou nunha proposta de carácter lúdico-educativo, un acto de reivindicación do dereito a medrar en galego e a exercer como galegos e galegas a través do uso do noso idioma.

Alumnos de 16 centros participaron na festa do Correlingua. Praza de Santa María.

Distribuir contido


by Dr. Radut