Skip to Content

Complementarias

21 DE DECEMBRO. XORNADA DA SOSTIBILIDADE

Dom, 2019-01-06 13:40 — Anónimo
21/12/2018

O IES de do Son deséxavos un feliz 2019! Un 2019 sostible, xusto, libre, igualitario, pleno nos dereitos, identitario e con vontade universal...

O 21 foi unha festa, unha Xornada da Sostibilidade, para ir asentando alicerces firmes! Pensar, actuar, comprometerse para plantar sementes que han de agromar na esperanza de futuro para o planeta! Grazas a tod@s! O alumnado, o profesorado, as nais... por facer desta xornada un día de celebración!

Xornada da Sostibilidade

More presentations from etikeles

CON LEDICIA COSTAS E "A SEÑORITA BUBBLE"

Xov, 2018-12-20 23:50 — Anónimo
20/12/2018

Hoxe estivo connosco Ledicia Costas para falar co alumnado de 1º de ESO sobre a obra que leron neste trimestre en Lingua Galega: A señorita Bubble. Podedes ler máis sobre a visita no blog da biblioteca.

PRIMEIRO ENCONTRO EN XOGADE

Mér, 2018-11-28 10:34 — Anónimo
28/11/2018

 

 

O pasado Venres 23 de Novembro desprazáronse a Noia un total de 55 deportistas de 1º, 2º e 3º de ESO para competir na proba de Campo a Través nas diferentes categorías. As primeiras en tomar a saída foron as rapazas do equipo Infantil feminino, ás 11.45, acadando un 5º posto na súa categoría. Tras elas tocoulles aos Infantís masculinos, quedando no posto 11 por equipos. A continuación a representación do equipo Cadete Feminino fixo unha excelente carreira, acadando o 2º posto por equipos e a nivel Individual Xiana Filgueiras quedou en 3ª posición. Por último, competiu o equipo Cadete Masculino acadando un traballado 2º posto por equipos, e a nivel individual Alejandro Vázquez chegou en 3ª posición e Rafael Sampedro nunha meritoria 5º praza.

  

Equipo cadete feminino e Alejandro Vázquez competindo

No centro estabamos manifestándonos en contra da Violencia de Xénero, pero esta protesta tamén se levou a Xogade. Ben sabemos da discriminación e o machismo que aínda se vive no ámbito do deporte. Reflexionar e tentar mudar esta realidade forma parte tamén do día a día da educación. Dende o IES de Porto do Son queremos ter voz e actuar!

 

    

A seguinte carreira, xa clasificatoria para a seguinte fase, será no parque do Loreto (Porto do Son) o vindeiro Mércores 19 de Decembro.

Noraboa a tódolos/as participantes polo seu esforzo e comportamento!!!

Moito ánimo e pronta recuperación aos lesionados/as.

DÍA INTERNACIONAL CONTRA A VIOLENCIA DE XÉNERO. LIBRE!!!

Ven, 2018-11-23 17:46 — Anónimo
23/11/2018

Escoitádenos LIBRES.

O berro nunca é suficiente.

A violencia de xénero aparece cada día nas vidas das mulleres, das mozas, das nenas.

Miradas que nos ven como obxectos. Obxectos para seren posuídos, agredidos, violados, asasinados. Miradas debedoras dunha longa sombra que vén do alén dos tempos. Opresoras. Primitivas. 

 

Por iso os berros nunca son suficientes. E "Debuxamos portas violetas"!!

 

O PROFESOR SUSO MONTERO FÁLANOS DA AULA MENTOR

Ven, 2018-11-23 15:46 — Anónimo
23/11/2018

 

O profesor Suso Montero, docente do IES Campo de S. Alberto e administrador da Aula mentor de Noia, impartiu onte unha charla sobre  Aula Mentor ao alumnado do ciclo formativo Condución de Actividades Físco- Deportivas no Medio Natural.

Entre outros temas  explicou  como acceder a esa formación on-line, a oferta formativa clasificada por familias profesionais, centrándose nos que tiñan máis relación co perfil do alumnado destes estudos, o certificado ofical que  expide o Minsiterio de Educación e a Xunta de Galicia, o proceso de matriculación, o horario da aula e os datos de contacto no IES Campo de San Alberto.

Tamén se referiu aos cursos para profesorado recoñecidos pola Xunta a nivel de méritos (concursos de traslados, trienios, etc). Rematou, animando aos alumnos e alumnas a que complementaran a súa formación con estas ensinanzas non regradas. 

 

"CONTAMOS TODAS", CON TROPA DE TRAPO

Ven, 2018-11-23 08:41 — Anónimo
23/11/2018

CONTAMOS TODAS é unha das actividades promovidas polo Fondo Galego de Cooperación que desenvolvemos no centro nesta semana no marco do Día Internacional contra a Violencia de Xénero en colaboración coa colaboración das áreas de Educación e Xuventude do Concello. O luns o alumnado de 1º de bacharelato asistiu a unha charla-debate con Pilar Díaz e Noemí Pedrós do Centro de Recuperación Integral de mulleres. Onte remataron os obradoiros de 3º ESO de Renacer, o alumnado de 4º de ESO, tivo moito que "contar" e "reflexionar con Tropa de Trapo.

Marta e Brais volveron ao centro. Cando veñen, tráennos as palabras, os contos, as miradas. E os seus silencios, que abren tempos para imaxinar. Imaxinar as avoas de Torneiro a termar dun soño, alí, no campo da escola unitaria baleira das voces dos nenos e as nenas, ollando para unha fileira de bicletas. Ou a Leymah Roberta Gbwee liderando un grupo de mulleres liberarianas que loitando, de forma non violenta, ata conseguir sentar os señores da guera na mesa dos acordos pola paz. Polos esforzos dese berro feminista Ellen Johson Sirlea acabaría sendo a presidenta de Liberia e a primeira muller presidenta en África. Recibiron o Premio Nobel da Paz no 2011. 

 

Os nosos mozos e mozas, e tamén os da asociación Ámbar que onte nos acompañaron, pensaron, falaron, discutiron sobre micro e macro machismos, sobre as formas de violencia contra a muller. Repensaron o mundo no que viven. Seguro que han de melloralo. 

Alí, dende a parede do salón, unha muller espida observa e sorrí.

 

"TEMPESTADES" CON RICARDO FRAZER. TEATRO PARA OS CLÁSICOS

Mar, 2018-11-20 19:57 — Anónimo
20/11/2018

Esta mañá alumnado de 3º e 4º de ESO e 1º de Bacharelato, nunha actividade organizada polo departamento de Lingua Castelá, achegouse á Casa de Cultura de Porto do Son para asistir á representación do espectáculo Tempestades, de Ricardo Frazer. Podedes ler máis na entrada do blog da biblioteca. 

HÉCTOR CAJARAVILLE FÁLANOS DE "O SEGREDO DA CASA DE FORMOSO"

Mar, 2018-11-20 09:05 — Anónimo
20/11/2018

Héctor Cajaraville, recentemente homenaxeado por segunda vez nos Premios Xerais, nesta ocasión co Merlín de Literatura Infantil ,  estivo a semana pasada no noso centro para falar co alumnado de 3º de ESO da obra que leron neste trimestre, O segredo da casa de Formoso. Podedes ler máis no blog da biblioteca. 

O CAMBIO CLIMÁTICO NO PROGRAMA CON-CIENCIA

Mar, 2018-11-13 01:21 — Anónimo
13/11/2018

Unha nova sesión do programa Con-Ciencia para o alumnado de 2º de ESO. Coneñer para actuar. Podedes ler máis no blog da biblioteca. 

"A PESCA NO ENTORNO", NO PROGRAMA CON-CIENCIA

Xov, 2018-11-08 18:10 — Anónimo
08/11/2018

Seguimos coa ciencia en galego, neste caso, coñecendo máis sobre a pesca no noso entorno dentro do programa Con-Ciencia, desenvolvido na biblioteca para o alumnado de 2º de ESO.

Distribuir contido


by Dr. Radut