try another color:
try another fontsize: 60% 70% 80% 90%

PROCEDEMENTO ADMISIÓN E RESERVA CURSO 2016/2017

NOTA INFORMATIVA:

 

GARANTÍA DE PERMANENCIA NO CENTRO DOCENTE:

 

  • O alumnado matriculado nun centro docente público ou privado concertado ten garantida a súa permanencia nel nos termos establecidos no artigo 5.1 do Decreto 254/2012, do 13 de decembro, polo tanto, o cambio de curso, ciclo, nivel ou etapa non requirirá un novo procedemento de admisión, agás que coincida cun cambio de centro.
  • Sen prexuízo da garantía de permanencia, nais, pais ou representantes legais do alumnado poderán presentar solicitude de admisión noutro centro educativo na forma e dentro do prazo establecidos na orde do 12 de marzo de 2013, da CCEOU, e, ao mesmo tempo, deberán remitir ao centro de orixe copia da solicitude de admisión presentada no novo centro.

     

    PROCEDEMENTO ORDINARIO DE ADMISIÓN DO ALUMNADO

 

  • PRAZO: 1 ao 20 de marzo (Cando o último día do prazo sexa inhábil, entenderase prorrogado ao primeiro día hábil seguinte)

  • Cada alumna/o só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle.

  • O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

  • O alumnado que ten reservada praza nun centro, se presenta solicitude de admisión noutro distinto deberá comunicar a renuncia a reserva antes do inicio do prazo de presentación de solicitudes de admisión.

 

A SITUACIÓN DOS DEREITOS HUMANOS NO BRASIL

Emotiva conferencia sobre a situación dos dereitos humanos no Brasil, a cargo de Renata Nede, xeógrafa e especialista en planificación e política urbana, e mais Ana Paula, pedagoga. A charla tivo lugar no IES Ribeira do Louro, grazas á colaboración da sección de Vigo de Aministía Internacional. No noso centro, a actividade foi coordinada por Virxinia Calviño.

TORNEIROS CONTRA A VIOLENCIA DE XÉNERO

A comunidade educativa de Torneiros conmemora o Día contra a violencia de xénero (25 de novembro do 2015), cunha cadea humana, unha lectura de poemas e narracións, e unhas verbas finais da alcaldesa do Porriño. E todo iso con algúns retrincos musicais do tema Porco blues, da extraordinaria Sés.

VISITA DO GRUPO DE TEATRO DO IES TABOADA CHIVITE AO NOSO CENTRO

Hai un ano, o grupo de teatro do Equipo de Dinamización Lingüística do noso centro ía ao IES Taboada Chivite, en Verín, a representar o Edipo rei, de Sófocles. Pois ben, neste 10 de novembro foron eles os que viñeron ao noso instituto para montar de xeito maxistral As troianas, de Eurípides. Foi unha auténtica lección de teatro que podemos ver neste vídeo que gravamos:

LISTAXE PROVISIONAL DE APROBADOS NAS PROBAS LIBRES ESA

Publicación das listas provisionais de aprobados nas probas libres para a obtención do título da ESO, realizadas no centro o pasado 9 de setembro de 2015.

 

Prazo de reclamacións: 5 días hábiles 

 

RELACIÓN DE LIBROS DE TEXTO E MATERIAL. CURSO 2015/2016

Relación de libros de texto e material por ensinanzas:

 

ESO

BACHARELATO

CICLOS

ESA

HORARIO DE PRESENTACIÓNS CURSO 2015/2016

Presentación curso escolar 2015/2016

 

Martes, 15 de setembro de 2015, ás seguintes horas:

 

1º ESO 10:00 H.
2º ESO 10:45 H.
3º e 4º ESO 11:15 H.
1º e 2º BACHARELATO 11:45 H.
F. P.BÁSICA 12:15 H.
CICLOS MEDIOS F.P. 12:45 H.
CICLOS SUPERIORES 13:15 H.

PROBAS LIBRES ESO MAIORES DE 18 ANOS

Os exames da 2ª convocatoria da proba libre da ESO para maiores de 18 anos terán lugar o vindeiro mércores, 9 de setembro de 2015 nas instalacións do IES RIBEIRA DO LOURO (Ribeira, s/n, Torneiros, O Porriño).

 

O chamamento comezará ás 8:30 horas.

RELACIÓN DE LIBROS DE TEXTO E MATERIAL ESO E BACHARELATO

Publicación da relación de libros de texto e material para o curso 2015/2016 (Rectificado agosto 2015)

 

Distribuir contido