Libro de receitas e chistes

6 Xuño, 2016 - 21:32 — orientacion

Para ir deixando bo sabor de boca de cara o fin do curso. Dende a aula de Pedagoxía Terapéutica, partindo do interés común pola cociña dos alumnos que acoden a mesma . Estamos a elaborar un libro de receitas con comidas de diferentes partes do mundo ademais das típicas do noso país.

Esta actividade naceu da iniciativa dos alumnos/as que de xeito colaborativo quixeron facer este libro xa que a aula acoden alumnos/as doutros países: República Dominicana, Colombia e Bulgaria que falaban de pratos descoñecidos para o resto de alumnos/as galegos/as.

Ademais das receitas o libro tamén conta cun pequeno apartado de chistes.

Así dun xeito un tanto lúdico pretendemos traballar aspectos como: a multiculturalidade, autonomía persoal, habilidades da vida diaria, traballo grupal, presentación dos nosos escritos, redacción….

E como comentamos noutra das entradas deste mesmo blog o dispor dunha biblioteca na aula este libro engadirase, como non, a colección da mesma.

A continuación amósanse algunhas fotos de dito libro. Esperamos que vos guste!!!