Cincuenta e un alumnos de Francés segunda lingua estranxeira dos cursos 3º e 4º de ESO, así como de 1º de Bacharelato do IES Xograr Afonso Gómez de Sarria, acompañados de tres profesores, participaron nunha actividade lingüístico-cultural, proposta polo departamento de Francés. Desplazáronse a Lugo con este fin o pasado martes 29 de novembro, onde traballaron e pasaron unha divertida e compreta mañá nun día tipicamente outonal.
Escomezaron a xornada cunha actividade baseada nunha sinxela lista de preguntas de temática moi variada sobre Lugo e provincia, preguntas en lingua francesa que, unha vez traducidas, debían contestar coa axuda de viandantes, peóns, comerciantes, etc.
A segunda parte era a asistencia á representación teatral “Le Petit Prince”, adaptación da coñecidísima novela do escritor Antoine de Saint-Exupéry e pensada para un público da idade dos alumnos sarriaos. Unha obra teatral que se detía en todos os personaxes que configuran o texto do escritor nado en Lyon e que fai unha interesante reflexión sobre a vida e o ser humano.
Para rematar a completa matinal, proseguiron cunha actividade de simulación, que incluía tres itinerarios diferentes pola zona vella da vila das murallas. Distribuídos en dez grupos, contaban cun diverso material en lingua francesa preparado polos seus profesores e planos da capital da provincia. Así, os estudantes xograrinos tiñan que descubrir unha serie de pistas e poder responder a unha batería de preguntas sobre temáticas dispares de
