O curso, que dá comezo cunha ponencia de carácter teórico sobre as relacións entre o cine e a historia, estrutúrase a continuación en tres partes diferentes, aínda que interconectadas: un cinefórum, un obradoiro de cine e un panorama sobre a práctica educativa. O cinefórum persegue, a través da proxección de fragmentos de varias películas consideradas "clásicas" e do seu comentario e debate, afondar en diferentes aspectos temáticos reflectidos no cinema (ideoloxía, sociedade, conflito bélico) dende un punto de vista tanto cinematográfico como histórico e pedagóxico. A práctica educativa busca afondar no aspecto da aplicación didáctica do cinema na aula de historia, así como dar a coñecer diferentes perspectivas metodolóxicas no devandito emprego. Tras unha primeira parte de certa amplitude temática, a segunda parte do curso estreita o abano temático para centrarse nun único tema: o estudo da historia a través da cidade. O obradoiro de cinema consistirá precisamente na elaboración, por parte dos asistentes, dun pequeno documental sobre a cidade de Santiago e a súa historia. 

O curso contará coa presenza de destacados relatores, procedentes tanto do eido universitario como do ensino secundario: Ángel Luis Hueso Montón (Catedrático de Historia da Arte - Historia do cine, Universidade de Santiago), José Búa González (Asesor de Medios Audiovisuais, Consellería de Cultura e Educación) e os Profesores de Xeografía e Historia Víctor Santidrián Arias (IES de Arzúa) e Manuel González Álvarez (IES Concepción Arenal, Ferrol). Así mesmo, co fin de complementar a visión docente coa puramente cinematográfica, o curso inclúe dúas ponencias de dous destacados directores de cine galego: Antón Caeiro e Xurxo Chirro (Novo Cinema Galego), que presentarán e comentarán dúas das súas películas en relación coa historia. 

Por último, a actividade, dirixida en especial a profesores de ensino medio e bacharelato da especialidade de ciencias sociais, xeografía e historia, abrangue un total de 35 horas de formación. 

A implantación da formación do profesorado en cursos en rede esixe dispoñer de creadores de cursos de formación así como de titores que desenvolvan os cursos a través de Platega.  Polo tanto cómpre formar a profesoras e profesores para que sexan quen de crear un curso de formación, por exemplo a través dunha licenza de formación, e titorizalo en Platega.

Destinatarios:

• Profesorado creador de cursos para a formación en rede.
• Profesorado titor de cursos en rede, en Platega
• Profesorado relator de cursos de formación.
• Profesorado creador de cursos virtuais complementarios do ensino presencial co seu alumando de ESO, Bacharelato, FP...

Competencias e obxectivos:

• Desenvolver a competencia pedagóxica e didáctica precisa para a planificación, o deseño e a xestión dun curso en rede.

Obxectivos:

• Manexar cursos a distancia, creados con Moodle.
• Integrar contidos dixitais e multimedia en paquetes de contidos para os cursos virtuais, creados con eXeLearning.
• Deseño da avaliación para os cursos virtuais.
• Respectar a propiedade intelectual e os dereitos de autor e coñecer licenzas de autor para publicar recursos propios.
• Crear cursos virtuais que respecten a normativa básica sobre accesibilidade.

Contidos

• Deseño e creación de secuencias didácticas en cursos virtuais (nivel 3 de agregación).
• Creación de cursos virtuais con Moodle.
• Creación de paquetes de contidos con eXeLearning para incorporalos en cursos virtuais.

Coñecementos previos necesarios:

• Manexo básico de Moodle como creador de cursos.
• Manexo básico de eXeLearning como creador de paquetes de contidos.
• Non é obxectivo deste curso ensinar o manexo de Moodle ou de eXeLearning, aínda que se facilitará documentación e información sobre eles. Estas dúas ferramentas usaranse para crear cursos virtuais e os seus contidos.

Temporalización e características:

O curso ten unha duración de 60 horas, das cales 53 son en rede e 7 presenciais. Impartirase dende o 11 de marzo ata o 30 de maio de 2014. Para a selección de participantes, teranse en conta os criterios de selección indicados na ficha da actividade en fprofe. Esta actividade ofértase con 100 prazas, estando aberto o prazo de inscrición ata o vindeiro 11/02/2014. Referencia: G1301083

Ligazón á ficha da actividade en fprofe.

O CERN, xunto coa Fundación Príncipe de Asturias (FPA), desexan promover a importancia da ciencia e a tecnoloxía nas nosas vidas, así como a importancia do esforzo colectivo para acadar obxectivos tan ambiciosos como o descubrimento do bosón de Higgs. Neste senso, o Premio Príncipe de Asturias de Investigación Científica y Técnica de 2013 recoñeceu aos físicos teóricos Peter Higgs e François Englert, que propuxeron a teoría do bosón de Higgs, e aos científicos e enxeñeiros do CERN polo seu descubrimento no LHC, onde hai unha importante participación española.

Por esta razón o CERN e a Fundación Príncipe de Asturias lanzan conxuntamente, coa colaboración do Centro Nacional de Física de Partículas, Astropartículas y Nuclear (CPAN), un concurso dirixido a estudantes españois para que conten a súa percepción da ciencia, da tecnoloxía, dos retos futuros e de como ven como a ciencia pode crear un mundo mellor.

O concurso está dirixido a estudantes de centros educativos españois (Primaria, Secundaria e Bacharelato), que poden presentar tanto un Debuxo / Foto / Vídeo como un Artigo / Historia / Nova sobre un ou varios dos temas enumerados nas bases do concurso.

Algúns dos temas propostos son: ¿En que mellorou a Ciencia / Tecnoloxía fundamental a túa vida? ¿Que é a Ciencia / Tecnoloxía para ti? ¿Cambiará o bosón de Higgs un día a miña forma de ver as cousas?

A data límite para presentar o traballo é o 31 de xaneiro ás 23:59.

Todos os traballos seleccionados recibirán un agasallo sorpresa pola organización do concurso (50 por modalidade e categoría de idade).Tamén recibirán un agasallo os centros educativos e profesores que estimulen a participación dos seus alumnos/as.

Os 6 gañadores serán invitados a visitar a sede do CERN en Xenebra (Suíza) durante dous días con un programa adaptado a súa idade.

Os gañadores daranse a coñecer o 7 de marzo, e a visita ao CERN farase do 16 ao 17 de abril de 2014.

Máis información:

Web do concurso en CERNL:    http://www.cernland.net/concurso/

Descarga o póster do concurso para Primaria

Descarga o póster do concurso para Secundaria

Descarga o póster do concurso para Bacharelato

O profesorado participante no curso de formación S1301078 Propostas de aula para indagar sobre a meteoroloxía, tivo ocasión de lanzar unha radiosonda con motivo da visita ás instalacións de Meteogalicia en Santiago de Compostela.

Outra das visitas programadas foi á estación meteorolóxica que Meteogalicia posúe no Campus Sur.

Dentro dos sistemas de observación meteorolóxica de MeteoGalicia, a radiosondaxe constitúe unha referencia moi importante para o coñecemento da estrutura vertical da atmosfera sobre Galicia.

MeteoGalicia lanza semanalmente un radiosondaxe dende a súa sede en Santiago de Compostela e tamén en circunstancias de especial interese meteorolóxico. Neste caso tivo a xentileza de cambiar a data e hora para que fosen os propios profesores quen puidesen facer o lanzamento da radiosonda.

Unha radiosondaxe meteorolóxica consiste no lanzamento dunha sonda que, impulsada por un globo, ascende ata acadar uns 25 km de altitude, prolongándose este ascenso entre hora e hora e media. Para o ascenso da radiosonda, emprégase un globo de látex cheo de helio de aproximadamente 1,2 m de diámetro,unha vez inflado e antes do lanzamento. A velocidade de ascenso varía entre 4 e 7 m/s. O globo ao ascender e achegarse a presións máis baixas termina por estoupar, regresando de novo a terra. A velocidade de caída vese minorada mediante un paracaídas.

A sonda mide e transmite datos de temperatura, humidade relativa, presión e posición (GPS) ao longo do seu percorrido, de xeito que se obteñen tamén os datos de velocidade e dirección do vento dende a superficie ata a estratosfera. A través dunha antena de radiofrecuencia e un receptor GPS recíbense os datos da sonda nos equipos electrónicos do radiosondaxe, para logo ser almacenados e postos a disposición dos usuarios interesados.

Máis información en Meteogalicia:

http://www.meteogalicia.es/observacion/radiosondaxe/radioIndex.action

Acceso aos contidos do curso: http://www.edu.xunta.gal/centros/cafi/aulavirtual/course/view.php?id=397

S1301079 Recursos do portal educativo do Instituto Galego de Estatística para matemáticas

Data de comezo: 11/11/13

Data de finalización: 02/12/13

Lugar de celebración: Centro Autonómico de Formación e Innovación

Nº de horas totais: 20 horas das cales 12 son presenciais, os días 11, 18 e 25 de novembro e 2 de decembro de 17:00 a 20:00 horas e 8 horas non presenciais

Enlace a Fprofe: https://www.edu.xunta.gal/fprofe/

Imaxe: http://www.flickr.com/photos/safari_vacation/5961260280/

Ao longo do mes de novembro e parte de decembro, desenvólvese, organizado polo CAFI e celebrado no CIFP Compostela e no propio CAFI, o curso de formación de profesorado que leva por título ESCENARIOS DA CONDICIÓN POSTMODERNA. Dirixido ao profesorado de bacharelato e de ensinanza secundaria obrigatoria, ten unha duración total de 30 horas. Nel participarán, como relatores, destacados profesores do ensino medio da comunidade galega, da Universidade de Santiago, representantes do Centro Galego de Arte Contemporánea (CGAC), así como escritores e filósofos galegos. O obxectivo principal do curso consiste en analizar o concepto de postmodernidade, facer un percorrido polas diferentes manifestacións da postmodernidade en diferentes áreas de coñecemento (filosofía, historia, ciencia política, arte, literatura, saberes científicos e educación) e salientar as principais figuras do pensamento postmoderno.