Ola a todos e todas! Como ben sabedes, este curso o noso proxecto de investigación centrouse no arco da vella. E como oúltimo que sabedes é como escollemos o tema, agora chegou o momento de facer o resumo de todo o que aprendemos e algunhas das actividades que levamos a cabo.

Unha parte moi importante do traballo, foi o rexistro da información. A medida que aprendemos sobre o tema, rexistramos toda a información a través de distintas fontes e medios de expresión. Pintamos, recortamos, coloreamos, escribimos... Deste xeito, non só ampliamos coñecementos sobre o tema, senón que ademais utilizamos a escritura de xeito práctico e contextualizado; en algúns casos con axuda do profe e noutros autónomamente.

Complementariamente, tamén fixemos moitas actividades de expresión artística relacionadas coa temática. No caso das fotos que adxuntamos aquí, podemos ver o arco da vella que fixemos usando a técnica do collage. Primeiro pintámolo no papel con cada cor na súa orde, e despois xuntamos un montón de revistas para recortar imaxes de distintas cores e pegar cada unha na cor que lles corresponde. Ademais, tamén pintamos co corpo, en concreto coas mas, simulando como cremos que quedarían as nosas mans se puideramos tocar un arco da vella.

Como non podía ser doutro xeito, a nosa participación no Salón do Libro tamén xirou en torno ao noso proxecto. Dende o principio sabíamos perfectamente que queríamos esta temática, e tras darlle un par de voltas, pensamos que o noso libro fose un libro co que puidesemos ler, cantar e xogar. E como resultado, fixemos o noso conto "Cociñando o arco da vella", e a mellor parte é que o fixemos aportando cando un o noso graniño de area.

No referente a información sobre o tema, recurrimos a tres fontes de información distinta: internet, recursos apoortados polas familias e libros. Neste caso, dous dos libros que máis nos gustaron foron: "Lola busca el arcoiris" y "¿Puedo tocar un arcoiris?". Ambos nos axudaron tanto a aprender porqué non podemos tocar o arco da vella, as súas cores, cando aparece, como podemos facer nós un...

Tamén fixemos xogos de búsqueda de pistas polo colexio. Queríamos coñecer as distintas lendas sobre o arco da vella para responder a pregunta de si ten poderes máxicos ou non. Foi plantexar esta pregunta cando, ao longo do colexio apareceron imaxes nas que se presentaba unha lenda. Así que buscamos todas, e contamos a lenda correspondente para logo reflexionar sobre a maxia que esconde o arco da vella.

Tamén ao longo de curso fomos recopilando fotos do arco da vella tomadas polas familias do alumnado. Chegado xuño, pechamos o periodo para enviar fotos e votamos pola que máis nos gustaba. Finalmente, a gañadora foi a nosa compañeira Julia, que recibiu o premio do noso concurso de fotografía.

Outra forma de comprender aspectos como o ciclo da auga, a refracción, a intensidade da onda da luz... Foi a través de experimentos. Creamos os nosos propios arcos da vella artificiais, calculamos o tempo que tardan en explotar os globos según a súa cor, levamos a práctica o ciclo da auga dentro da nosa clase e moitas cousas máis.

Pero o traballo do arco da vella non so o fixemos co profe Pablo, o resto de profes tamén nos ensinaron moitas cousas. Por exemplo, a profe Bea en inglés ensinounos moitas cousas sobre os Leprechauns; e o profe Jose Luis ensinounos unhas cancións super chulas que podedes escoitar no noso dossier.

E xa para rematar, como premio despois de unha investigación tan completa, os nenos e nenas da clase recibiron uns premios moi especiais. O profe Paulo, que estivo moi contento coas marendas tan saudables da clase; e o profe Pablo, que sabe que os nenos e nenas esforzaronse e traballaron moito; decidimos dar un agasallo aos nenos para que continuen amosando ese entusiasmo tanto en aprender como en leva un estilo de vida saudable.

Seguro que pensabades que me olvidei da entrada de maio... Pois non! O que pasa é que estivemos tan ocupados estas últimas semanas que foi imposible atopar un momento para compartir o que fixemos. Así que non vos facemos esperar máis, vamos alá!

Unha das actividades que máis nos gustou, foi a que fixemos como parte das nosas sesións de Plurinfantil. O que fixemos foi unha gran "Tea Party" onde falamos inglés, bebimos té, comemos pastas, fixemos xogos... Foi super divertido, incluso tivemos representantes da realeza con nós, a única e ingualable "Queen B".

Como tamén puidechedes ver durante "Lecturas na Carballeira", elaboramos unha liña temporal con autores e publicacións importantes da historia da literatura galega. Cunha estructura xa preparada, os nenos e nenas elaboraron as suas propias viñetas, que completaron cunha foto de cada libro, o ano de publicación, o nome do autor o autora... Quedou super ben, e aprendimos un montón da nosa propia cultura.

Como xa é costume, tamén argallamos moitos proxectos de arte na aula. Coloreamos moito, pero tamén experimentamos un pouco con outros materiais. Este mes tamén fixemos nubes de cartón con algodón tinxido na propia aula; e ademáis, fixemos velas ecolóxicas con aceite e colorante. Foi super divertido!

Seguimos coas actividades do calendario, o cal nos levou a reflexionar e facer distintas actividades para conmemorar: o primer partido de fútbol femenino en España, aprendemos sobre o corpo humano, tentamos resolver un cubo de Rubik, recitamos trabalinguas co micrófono... Unha chea de cousas!

Como parte de Lecturas na Carballeira, presentamos os nosos carteis para participar no concurso que se organizou dende a biblioteca. Quedaron xenial, e ao final o gañador foi un dos compañeiros da nosa clase, polo cal nos alegramos un montón.

A nosa plantación de cenorias no invernadoiro foi todo un éxito. Como podedes ver na foto, empezamos con brotes moi pequenos, e ao final rematamos por recoller unha chea de cenorias. Pero esas fotos as gardamos para futuras publicacións!

A pesar de que estábamos a piques de rematar o curso, continuamos introducindo novos xogos para traballar distintas habilidades de lóxica matemática. E claro, como cada vez sabemos máis cousas, os xogos vanse complicando e como podedes ver os nenos están totalmente entregados.

Xa casi non nos acordamos porque pasou fai moito tempo, pero tamén fixemos os regalos do Día da Nai. Uns lapiceiros con forma de ourizo, e por suposto, con todas as cores do arco da vella. Foi tan bonito facelos como entregalos como agasallo as familias.

E xa para rematar, surxiron unha chea de actividades que non esperábamos, pero que tamén foron do máis interesantes. Miramos a través do microscopio unha mostra recollida polos alumnos de 6º, animamos aos nosos compañeiros e compañeiras de primaria durante as actividades de Deporte Escolar, visitamos a nova biblioteca e aprendemos como utilizar os distintos espazos, o profe Paulo ensinounos a trepar polo rocodromo, os alumnos e alumnas de 3º e 4º leron poesía para nós... Podese dicir que foi un mes ben completo!

A de cousas que fixemos en abril! E iso que bastante tempo do mes estivemos de vacacións de Semana Santa. Pero como volvemos coas pilas moi cargadas, decidimos aproveitar e sacar o máximo partido a esta enerxía renovada.

Aínda que o pasamos moi ben, houbo momentos un pouco tristes, como foi a despedida de unha das profes que os nenos máis queren do cole. De feito, fixeronlle uns debuxos super chulos de regalo, para que levase un recordo de cada un dos nenos e neas. Seguro que nos volvemos a ver moi pronto!

Tamén retomamos unha das nosas tarefas favoritas, o coidado do invernadoiro. Nesta ocasión sementamos cenorias, que por certo están a crecer moi ben. Pero claro... Como no van a crecer con todo o agarimo co que as regamos todos os días!

Nas nosas clases de inglés conxuntas, seguimos a aprender cousas novas. Dende os animais, aos números ou as cores; todas as semanas temos algun xogo novo para ampliar o noso vocabulario e aprender inglés mentres o pasamos xenial.

Continuamos tamén coa celebración dos cumples, neste caso a nosa compañeira Noa cumpriu 6 anos. E claro, unah ocasión tan especial requería unha coroa e unha camiseta especial para ela. A homenaxeada escolleu que quería unha camiseta do arco da vella, así que coa axuda do profe, fixémoslle unha que agardamos que lle gustase moito!

Outra das nosas actividades principais, foi continuar co noso proxecto. Ademais de seguir aumentando o noso mural de fotos do arco da vella; fixemos varios experimentos para entender porqué aparece no ceo, continuamos decorando a clase coa estética do arco da vella, comezamos a elaborar o noso dossier con información do tema... E ata fixemos unha visita a tenda para mercar o material necesario para os experimentos!

Estreamos moitos xogos de lóxica matemática, e ampliamos a nosa colección con xogos para o traballo da motricidade fina. Agora, ademais de todos os xogos que temos, tamén contamos cun arco da vella para completar usando pinzas,e ademais unhas láminas con diferentes retos motrices para continuar traballando e aprendendo a través do xogo.

As actividades de calendario siguen sendo a nosa forma de comezar cada mañá; e este mes entre outras moitas cousas: aprendemos a interpretar as horas do reloxo, descubrimos a verdadeira historia de porqué o "Rato Pérez" recolle dentes e ata hidratamos, observamos, manipulamos e ata aprobamos para tinxir algas secas! Cada día é unha sorpresa nova co noso calendario!

Como xa sabedes, visitamos o Salón do Libro a mediados de mes. Pero como aínda nos quedaban cousas por facer, rematamos de elaborar as fichas para o noso xogo da oca xigante; ademais de xogar co conto que elaboramos na aula e ver que fixeron os compañeiros e compañeiras das outras clases.

Coloreas, collage, tinxir algodóns para facer nubes... Este mes puxémonos moi creativos e aproveitamos todos os materiales que tiñamos para crear e experimentar. Estes nenos e nenas están feitos uns artistas!

E por suposto, fixemos o experimento deste mes. Con leite, colorante, xabón e bastoncillo fixemos unhas explosións de cor chulísimas. De feito; Ana, Julia, Diego e Xose grabaron como podemos fácelo por se o queremos repetir na casa. Podedes velo aquí.

Está visto que a puntualidade non é o forte de EI1. Pero, aínda que sexa un pouco a destempo, temos unha publicación chea de novidades e información sobre todo o que fixemos durante o mes de marzo. Listos! Imos alá!

Nas clases de inglés conxuntas seguimos a traballar a través do xogo cada vez máis vocabulario relacionado con aspectos tan variados como os productos do mercado, a familia, os animais... Pero tamén nos divertimos un montón con actividades como as que implican mancharnos ata as orellas de colorante alimentario.

Outra tarefa que nos tivo moi ocupados, foi a preparación do noso conto para o salón do libro. O plan foi elaborar un super taboleiro de oca, acompañado do seu dado e as fichas para xogar. A nosa clase quedou encargada de facer as fichas, e en relación co noso proxecto sobre o arco da vella, decidimos facer unha ficha azul, outra vermella, outra amarela... e unha ficha de todas as cores do arco da vella! E xusto dentro desa ficha, vai o noso conto, que podedes ver aquí.

No referente as actividades artísticas, este mes demoslle un descanso as lavadoras da casa e deixamos a tempera gardada. Nesta ocasión nos centramos nos olores, pois estivemos facendo os nosos propios cadros de flores con petalos perfumados, e traballando diferentes técnicas artísticas como o puntillismo.

En marzo, tamén recibimos unha invitación moi especial. Os alumnos e alumnas de primeiro e segundo invitáronnos á sua clase para un contacontos. Os compañeiros e compañeiras non só o fixeron xenial, senón que ademais, ensinaronnos a súa aula e foron introducindo aos alumnos a e alumnas de 6º de Educación infantil a que será a súa aula o curso que ben. Incluso comezaron a elixir que sitio queren!

Despois de un par de meses sen cumpreanos na nosa aula, retomamos as celebracións. Nesta ocasión preparamos todo para celebrar o aniversario da nosa compañeira Ana, que cumpre xa 5 anos. A homenaxeada pediu unha camiseta da "Patrulla canina" e con todo o noso agarimo fixémoslle unha, xunto a súa coroa de agasallo.

E como, remitindonos ao primer parágrafo, en EI1 a puntualidade non é o noso forte, fixemos dous experimentos este mes. No caso do que podedes ver a continuación; Noa, Matías e Mario foron os encargados de grabar a posta en práctica do experimento do papel que non se molla. Aínda non o víchedes! Podedes atopalo no seguinte enlace.

En marzo tamén celebramos unha data moi importante, o 8M; ou en outras palabras, o Día da Muller. Na sesión conxunta de inglés ocelebramos debuxando a muller máis importante da nosa vida; e xunto a o resto do colexio o fixemos visibilizando a grandes mulleres ecoloxistas que fixeron do noso planeta un lugar máis verde no que vivir. No noso caso investigamos e elaboramos un mural informativo sobre a vida de Rachel Carson que podedes ver un pouco máis abaixo.

Como xa é tradición, tamén continuamos enchendo o noso calendario de datas importantes, persoaxes ilustres, xogos e aprendizaxes coas que abrimos todas e cad aunha das mañas de clase. Dende unha revisión a táboa periódica, a xogar ao "London Bridge" ou unha visita ao fondo do mar; xa non sabemos que sorpresas agardar co noso divertido calendario de aula.

Outra constante deste curso son as emocións, que están presentes todos os días e en moitas das nosas actividades. Por exemplo... Recordades os nosos disfraces de emoticonas? Pois ben, para aproveitar todo o cartón invertido nos disfraces, fixemos un "Memory" xigante para emparellas emocións. Imaxinade como de grande é, que precisamos de toda a aula de usos múltiples para montar o xogo. E por suposto, tamén estivemos a traballar na nosa táboa periódica de emocións, que podedes revisar nesta publicación.

Entre traballo non nos olvidamos das familias, pois sacamos un ratiño para facer un regalo para os pais do noso alumnado. Este ano nos decantamos por unha foto decorada cun marco feito polos nenos e nenas, e envolto en papel de regalo feito por eles mismos tamén.

Tamén introducimos novos xogos de lóxica matemática e motricidade fina, é como podedes ver foi un verdadeiro éxito. O certo é que esta hora termina pasando voando, pois entre xogo e xogo, ademais de divertirnos moito, afianzamos conceptos como a clasificación, seriación, tira numérica, concepto de número...

E por último, coa axuda das familias, celebramos o Día da Poesía no colexio cun recital de poesía no que regalamos a cada alumno ou alumna un verso adicado. Permitindo así fortalecer as relacións e crear un mellor clima de convivencia no centro. 

Ola a todos e todas! Sabíades que hoxe é o Día Mundial do Arco da Vella? Sí, oíchedes ben, hoxe é o día do ano que lle dedicamos a un dos fenómenos naturais máis recoñecidos, máis bonito é con máis significado a nivel cultural de todos: O Arco da Vella.

Como xa sabedes os habituais que ledes estas entradas, na nosa clase estamos a investigar esta temática. De feito, descubrimos que este día se celebra grazas ao noso compañeiro Matías, que xunto a súa familia achegounos moita información que nos foi de gran utilidade, entre ela, a data da celebración deste acontecemento.

Pois ben, quixo a sorte que este día coincida coas vacacións de Semana Santa, e que non poidamos celebralo no cole. Pero iso non impide que, aproveitando a data, amosemos qué e o que levamos feito en relación ao noso proxecto. O primeiro é máis importante, e que falamos un montón para compartir os nosos coñecementos previos, que sentan a base da investigación.

Pero non fixemos o traballo solos e solas, as familias de compañeiros e compañeiras como Mario, Noa e Manuel, compartiron información, experimentos, manualidades e moito máis material para continuar ampliando os nosos coñecementos sobre o arco da vella. De feito, como podedes ver aos fotos, os nenos e nenas disfrutaron un montón de convertirse en profes e compartir o seu traballo!

Pero ademais de buscar información para responder as preguntas plantexadas, tamén aproveitamos para convertir a nosa clase nun espazo cheo de cor e información sobre o noso proxecto de investigación. Dende nubes de cores, ata un arcoiris xigante feito coa técnica do collage ou estrelas; cada día aparece un material novo para continuar coa transformación da nosa aula.

Pero non pensedes que fora da clase non pasa nada, todo o contrario. Coa colaboración das familias unha vez máis, estamos a organizar un concurso de fotografía, onde os nenos e nenas da clase amosan fotografías do arco da vella en diferentes paisaxes e zonas da nosa contorna. E por se iso fora pouco... Tamén tivemos un arco da vella dentro do colexio! E no lugar onde nace, un conto moi chulo que nos axudou a resolver moitas dúbidas.

E así chegamos a actualidade. Xa temos a base para empezar a traballar, así que este tercer trimestre, toca resolver as preguntas que plantexamos ao comezo da investigación. Así que, nenos e nenas, aproveitade para cargar as pilas, pois nos espera un terceiro trimestre moi movido e cheo de sorpresas!

E por suposto... FELIZ DÍA DO ARCO DA VELLA A TODOS/AS!

Un més que tachamos do calendario solo pode significar unha cousa... Unha nova entrada do blog!

Ao longo de febreiro, na páxina do cole, puidechedes ver algunhas das actividades que fixemos ao longo destas semanas, como por exemplo a recollida de alimentos solidaria ou a marcha que fixemos polo noso concello polo Entroido.

Pero dentro da clase tamén pasaron moitas cousas, e aprendemos outras tantas. No que se refire a lóxica matemática, seguimos introducindo novos xogos para traballar con nenos conceptos básicos, a tira numérica, as formas, clasificación, seriación... Sen duda esta hora estase a convertir en unha das favoritas da semana.

Tamén fixemos o experimento deste mes, que tiña como protagonistas os globos e a electricidade estática. E como calquer oportunidade e boa para reciclar e traballar a motricidade, estivemos cortando anaquiños moi pequenos de papel con restos que tiñamos gardados. Deste xeito, puidemos comprobar ata que punto podiamos cargar os globos de electricidade ao frotalos no noso pelo acercandoos a estes anacos de papel.

Tamén foi un mes moi artístico, xa que estivemos explorando diferentes formas de expresión. Recortamos formas xeométricas, as estampamos, coloreamos... E ata pintamos usando unha xiringa! Deste xeito o noso dossier de láminas de expresión artística sigue aumentando, estamos desexando que o vexades!

Como ben sabedes xa os pais e nais, estivemos moi liados co Entroido. Non so organizamos paso por paso como facer o disfraz, tamén tivemos que escoller que emoticono elaboraría cada un, fixemos as parellas e recibimos ás familias no cole. Todos o pasamos xenial, e o resultado dos disfraces o reflictiu perfectamente.

Pero tampouco descoidamos a lectoescritura. Non so escribimos de forma contextualizada todos os días na aula, tamén levamos a cabo distintos xogos para aprender as letras, sílabas e palabras de xeito divertido. Este e o caso das nosas ocas fonolóxicas, a elaboración dos diccionarios, rexistros de contos e experimentos, contrasinais diarias da aula...

E con isto nos despedimos... por agora; xa que pronto estaremos de volta con máis actividades tanto dentro da aula, como co resto de cole. Estade atentos e atentas, porque ven un mes moi completo!

Feliz ano novo a todos e a todas! Despois de cargar as pilas durante o Nadal, estamos xa de volta con moitas sorpresas e cousas que facer. O plan este mes foi, retomar as nosas actividades de rutinas, iniciarnos en algunhas combinacións de consoantes e vogais e afianzar o concepto de número... E así é como o fixemos!

A primeira sorpresa chegou xa o primer día de volta ao cole. Despois do recreo, os maiores déronse conta de que a biblioteca estaba chea de agasallos. Así que alí fumos a axudar a abrilos. Os agasallos eran libros super chulos, que xa están dispoñibles na biblioteca do colexio e que pódense coller como préstamo ou ler durante as horas de biblioteca.

Tamén retomamos unha das costumes favoritos dos nenos e nenas da clase: os experimentos. Neste caso, utilizamos unha botella, un globo, vinagre e bicarbonato para que reacción se provoca ao mezclar estes ingredientes. Queres saber ti o que sucedeu? Podes facelo no video que Yara, Manuel e Brais fixeron guiándonos paso a paso.

Tras dedicar o primer trimestre ao repaso das vogais coas que xa traballamos o curso pasado, agora dedicamos este segundo as consoantes. Por agora xa estivemos cantando, aprendendo e xogando coas letras "D" e "B/V" e as súas distintas combinación cando as xuntamos con vogais.

Outro momento que xa agardabamos impacientes, era o de escoller a temática do noso próximo proxecto de investigación. En primer lugar, fixemos unha tormenta de ideas onde puxemos en común todos os temas que nos resultaban interesantes: quads, lume, auga, xoaniñas, tigres... e fixemos unha primeira votación, para decidir cales nos gustaban máis. Así, por falta de votos (que recontamos e comparamos para saber que cantidades eran maiores, e cales menores), eliminamos a meirande parte de temas, quedando só con unos poucos: arco da vella, mans, tigres, zapatos, quads e bolboretas. Neste punto, fixemos unha segunda votación, onde ocurriusenos invitar tamén aos profes do cole, e finalmente tivemos un gañador... O ARCO DA VELLA! Así que, listos para comezar, fixemos unha asamblea onde puxemos en común todo o que sabemos sobre o arco da vella. Así quee stade atentos e atenas familias, porque vós tamén podedes participar no noso camiño a convertirnos en expertos e expertas sobre o arco da vella.

No plano artístico, tamén estivemos traballando, pois entre outras cousas fixemos flores con platos de cartón. Cada alumno e alumna escolleu as cores, as combinacións, as mezclas... e os resultados foron tan varipintos como as propias flores que podemos atopar na natureza.

Tamén completamos o noso calendario de xaneiro, conmemorando diferentes sucesos históricos que tiveron lugar neste mes con actividades como: o deseño da nosa propia roupa sobre unha silueta, búsqueda de cadros de diferentes pintores, xeroglíficos exipcios e, como non, as nosas láminas semanais reimaxinando obras de arte famosas.

Pero non todo e pintar e escribir, tamén temos tempo para contar. Como algúns dos compañeiros e compañeiras coñecen os números a perfección, decidimos introducirnos un pouco máis a fondo en sumas e restas básicas. Como é de agardar, as adaptamos a idade dos nosos nenos e nenas, e a través dun xogo motriz onde poñemos en práctica a habilidade de lanzar, comezamos a explicar en que consisten estas duas operación básicas. E por suposto, creamos e xogamos con algúns dos xogos que a profe Zaira sempre trae e que nos encantan!

E como aínda non temos suficiente con todo isto, tamén estamos facendo xogos en inglés para ampliar o noso vocabulario, ou aprender ven os números. Por poñer un exemplo, este mes, entre outras cousas, estivemos xogando ao bingo coa profe Bea. E sabedes que? O xogo saíu moi ben! Tanto os nenos e nenas como Bea a Pablo o pasamos xenial cantando liña e bingo; e tamén pasamos moitos nervios cando agardabamos que cantasen ese número que faltaba para gañar.

E xa por último, introducimos na aula un novo elemento: a piruleta so arco da vella. Esta piruleta a utilizamos para repartir os turnos de palabra, de xeito que so escoitamos a persoa que ten a piruleta. Esta ferramenta nos foi moi útil tamén para resolver os conflictos que surxen na aula, xa que nos permitiu aprender a escoitar e reflexionar sobre como se sinten as outras persoas cando pelexamos o discutimos con elas.

Ola a todos e todas! Xa estamos en decembro, e iso solo pode significar unha cousa... toca despedir o ano! Pero antes de facelo, falta compartir con vós que é o que pasou na aula de EI1. Comezamos!

Celebramos os cumples do mes de decembro, que neste caso foron de Yara e Nora. Ademais de facerlle unha camiseta con estrelas que representan a cada un dos seus compañeiros e compañeiras; tamén lle fixemos unha coroa e unha tarta de cumple moi rica na que tivemos axuda das alumnas de 5º e 6º de primaria.

No plano artístico, continuamos elaborando o noso dossier de laminas onde pintamos cadros de distintos artistas. Pero ademais, tamén continuamos experimentando coa plasti, practicando distintas técnicas e elaborando cousas como unha estatua de nós mesmos.

Outra das actividades plásticas que fixemos, foi unha pequena árbore de Nadal con cartulina. Con pegatinas, cores, cartulinas e todo o que veu a nosa cabeza, elaboramos estes conos que utilizamos para colaborar na decoración do pasillo do colexio.

Como xa puidechedes ver en outras entradas, elaboramos distintos adornos para colgar do teito. Facelo levounos a ter que organizarnos, repartir as tarefas, decidir que pinta cada cousa, que cores imos a usar, como ían ser os equipos... E o resultado foi chulísimo!

Como xa puidechedes ver, tamén estivemos preparando a nosa obra de teatro, o cal nos levou moitisimo traballo. Dende deseñar o monstruo, a levalo a realidade ou todos os ensaios que fixemos; os nenos e nenas fixeronse responsables de todo, e o máis importante, o pasamos xenial durante todo o proceso.

Tamén participamos no concurso de bolas de nadal do concello. Aínda que seguro que as familias recordades ben ese día, xa que volvimos a casa cheos de prupurina ata as orellas.

Outra das actividades que fixemos, foi a de medirnos para reorganizar os nosos sitios na asamblea. E como xa somos maiores, e coñecemos ben os números, cada neno e nena fixose cargo de medir a un dos seus compañeiros e compañeiras. A continuación rexistramos as medidas na pizarra, e ordenamos as alturas de maior a menor.

Estas postales resultan familiares verdade? Probablemente sexa porque xa estarán nas vosas casas. Este mes tamén elaboramos postais de Nadal que, ademais de cubrir cunha mensaxe as nosas familias, envíamos nos mesmos utilizando o buzón de correos do noso concello.

Un dos días máis divertido chegou coa excursión que fixemos ao cine a Caldas. A película que vemos foi super divertida, pero igual de ben o pasamos no autobus de camiño ao cine.

Outro día moi divertido chegou cun experimento que decidimos facer utilizando: imáns, cereais e auga. E aínda que tiñamos os imáns, faltaban os cereais. Por iso, tras pedir permiso, fomos de excursión ao supermercado para mercar o material que necesitabamos.

Din que mellor tarde que nunca, así que en EI1 xa estamos de volta coas nosas entradas (tardías) ao blog do cole. Nesta ocasión, centrámonos en algunhas das actividades que levamos a cabo durante o mes de novembro.

Os que xa léchedes entradas do blog algunha vez, xa saberedes que nos encanta xogar con plasti. Xa que non so é divertido, senón que ademais permítenos traballar habilidades motrices fundamentales. Por iso ao longo do mes fixemos de todo: letras, cucarachas, estatuas de nós mesmos, edificios...

Outro clásico son as nosas actividades de calendario. Cada día centrámonos en celebrar un acontecemento distinto, que sempre trae baixo a actividade unha historia, un baile, un xogo, unha actividade... Entre as que máis triunfaron este mes, están o día que construimos o noso propio robot a través dunha aplicación, as láminas de cadros famosos para reimaxinar ao noso xeito, tocamos a guitarra virtual...

No que se refire a lectoescritura, as principais protagonistas deste primer trimestre foron as vogais. A través de xestos, coa nosa letra protagonista, as contrasinais diarias e diferentes momentos nos que escribimos de xeito contextualizado; estamos feitos xa uns profesionais na temática.

Pero se hai algo que fixemos este mes, é vaciar botes, e botes, e máis botes de temperas. Dende pinceis ata froitas, utilizamos todo o que tiñamos a man para pintar. Pero a cousa non quedou ahí, pois tamén fixemos actividades de papiroflexia, decoración para nadal e "gusanos" de papel de cociña. En poucas palabras, en novembro deixamos volar a nosa imaxinación sen límites.

Outra cousa que nos levou un tempo considerable, foi a organización do Magosto. Xa que aínda que moitas (por non decir todas) das cestas que fixemos chegaron medio desmontadas a casa... Levaron un traballiño! Para facelas repartimos o traballo por días e pouco a pouco, decidimos en gran grupo como queriamos decoralas, que cores iamos a usar, como queríamos pegar os nosos paus... Todo para poder recoller un montón de castañas durante a festa do Magosto do cole.

Comentamos xa que a profe Zaira ten os xogos de lóxica-matemática máis chulos do mundo? Pero o mellor e que, cando pensamos que coñeciamos todos, este mes descubremos que todavía ten máis. E como ben pódese ver nas fotos, todos e todas están máis que encantados de probalos.

Por último, tamén fixemos o experimento deste mes, que consistiu en mezclar M&Ms con auga para ver que pasaba. Para os que seguides estas publicacións, xa saberedes que levamos feitos unha chea de experimentos, pero ata o de agora ningún nos tivo tan enganchados como este. Durante un bo rato estivemos observando os platos, vendo o que sucedía, incluso deixamos o chocolate un día enteiro para ver que pasaba.

Cómo sempre, recordade que para máis fotos, podedes consultar a galería fotográfica, onde podedes consultar estas fe moitisimas máis fotografías de todo o que pasa no cole.

Ola! Xa estamos de volta cunha nova publicación no blog de EI1 para contarvos un pouquiño máis sobre as actividades que fixemos en outubro.

Como parte da nosa rutina, fixemos as actividades sorpresa do calendario que elaboramos día a día. Como parte das mesmas, este mes chamamos por teléfono, clasificamos e contamos bombillas de cores, construímos os nosos propios edificios, xogamos con trenes e con peixes...

Tamén chegamos moi moi sucios a casa porque estivemos axudando a pintar no colexio. Ao lado da pista de baloncesto estamos facendo un mural cunha paisaxe de montaña, e como nos gusta moito mancharnos de pintura de pes a cabeza, ofrecémonos en seguida a pintar unha parte.

Pero non só pintamos fóra da aula, pintamos dentro. Cun bote de témperas, caixas de cartón e vasos; fixemos unha chea de cícrculos para decorar o material de almacenaxe. Ademais, tamén decoramos as letras para o mural onde diariamente poñemos os puntos por traer merendas saudables ao colexio.

Pero como mancharnos de pintura non nos chegou, tamén trasteamos moito con plastilina. Aprendimos diferentes formas de manipulala, pero ademais, tamén a usamos para escribir, facendo o noso nome poñendo en práctica as técnicas aprendidas.

Continuamos tamén co traballo de conciencia fonémica, silábica e léxica; e como novidade, empezamos a traballar cos nosos tapóns das letras. Con estes tapóns fixemos de todo, dende crear sílabas ata inventar palabras tan difíciles que nin o profe era capaz de pronunciar.

Celebramos os cumples de Eloy e Xose, un momento que todos e todas levaban agardando dende o día 1 do mes. Como xa sabedes, fixemos unha tarta todos xuntos e tamén os agasallos para os nosos compañeiros; deixando todo preparado para a gran festa que celebramos despois.

E por último, pero non menos importante, este mes implantamos unha nova rutina na nosa clase: a contrasinal. Todos os días o encargado ou encargada, escolle unha contrasinal tendo en conta cal e a letra da semana, e no caso de ser unha consoante, combinandoa coas distintas vogais que xa coñecemos.

E con isto pechamos a entrada do blog deste mes. Recordade que as fotos que publicamos aquí son só algunhas de todas as que temos, se queredes ver máis, as tedes subidas na galería fotográfica do colexio.

Ata a próxima publicación!