Cando comezou o mes de febreiro, anotamos nos nosos calendarios online, unhas datas moi importantes. O día do desfile do Entroido e os días dos obradoiros de disfraces, cando as nosas familias virían ás nosas aulas para axudarnos a facer o disfraz, nun obradoiro que teríamos que organizar antes de que viñeran.

Este curso, todo o coleixo disfrazaríase "do Circo" e a nós correspondeunos convertirnos en "DOMADORES".

Visionamos na web do colexio todo o que fixeramos na celebración do curso pasado: o desfile, as instrucións de Serafín, o obradoiro de disfraces coas nosas familias, e festa cos doces, rematado o desfile do Entroido.

Cada día da semana do Entroido, o Porcoespín Serafín, a mascota da biblioteca, foinos "mandando" traer posto algo diferente (cada un dos grupos de compañeiros e compañeiras do colexio, foron os encargados de escollelo). 

Anotámolo cada día nun nota que levamos para casa.

Para o LUNS había que vir vestido dunha profesión, esa foi a decisión dos compañeiros e compañeiras de 5º e 6º de primaria.

Para o MARTES, os de 3º e 4º, escolleron que había convertirse en DEPORTISTAS.

Para o MÉRCORES había que vir con roupa de DURMIR, posto que así o decidiran os compañeiros e compañeiras de 1º e 2º.

A nós, en INFANTIL, tocounos elixir que mandaría traer Serafín o XOVES. Decidimos que se podía vestir o disfraz favorito de cada quen.

Anotámolo nun cartel que penduramos xunto a Serafín, para que o puidese coñecer todo mundo.

Así de guapos e guapas viñemos XOVES, con candanseu disfraz favorito.

Cada un dos días fomos pegando as fotos de grupo, coas instrucións de Serafín, nun panel individual. Escribimos tamén, nun pé de foto, cal era a instrución dese día.

Antes de que viñeran as nosas familias, a participar no obradoiro de disfraces, había que acordar, crear e escribir as instrucións de como facer o disfraz de domador, para que os nosos familiares puideran lelas e seguilas o día do obradoiro. 

Descubrimos como facer o disfraz, repetindo os pasos coa axuda dos mestres Pablo e Óscar.

Ata que demos un deseño fantástico, así quedou o modelo unha vez rematado.

Entre todos e todas creamos as instrucións, onde se explicaba paso a paso, como crear o disfraz.

Así quedaron as instrucións unha vez rematadas, listas para ser consultadas polas familias nos obradorios.

Cando chegoron os días que tiñamos marcados no calendario online, por fin viñeron as nosas familias a participar no obradoiro de disfraces que, como xa vos contamos, xa tiñamos organizado.

Nunha lista puidemos comprobar se nos tocaba na primeira ou na segunda quenda, e en que día, buscando o noso nome, e vendo se estabamos antes (enriba) ou despois (debaixo) do recreo. 

Encantounos poder traballar coas nosas familias na clase, e poder explicarlles cales eran os pasos que había que seguir para facer o disfraz, que previamente deseñaramos.

Así de guapos e guapas quedamos co disfraz xa rematado:

Tamén visionamos o percorrido que faríamos no desfile nun mapa na pantalla, que finalmente non puidemos levar a cabo por culpa da choiva.

Creamos tamén a nosa pancarta para o desfile.

Cando chegou o día do desfile, que tiñamos anotado nos nosos calenadarios online, fomos recollendo os postres do Entroido que trouxemos da casa para o fin de festa.

Fomos probando un anaco de cada un deles, e coñecendo os nomes dos diferentes postres típicos do Entroido, antes de xuntalos cos do resto dos compañeiros e compañeiras do colexio, para deixalos listos para a festa posterior.

Comentamos cales nos gustaban máis ou menos a cada un.

Minutos antes de comezar o desfile xa estabamos listos para marchar cara ao pavillón, pero antes unha foto de grupo.

Despois do recreo, e xa con todo preparado, non puidemos percorrer as rúas do concello no desfile do Entroido, como estaba previsto, por mor da choiva... por iso trasladamos o desfile ao pavillón, acompañados e acompañadas polas nosas familias, asì como dos compañeiros e compañeiras de todo o colexio.

Cada un dos grupos, unha vez rematado o desfile levou a cabo a actuación "circense" que tiña preparada.

No noso caso un baile de domadores... se queres velo, así como o desfile completo,  podes facelo no vídeo que atoparás ao final desta entrada.

Cando rematamos de desfilar e actuar, como fin de festa, degustamos os postres típicos do Entroido.

De seguido, podes ver o vídeo do ben que o pasamos durantea celebración do Entroido 2024.

Podes ver tódalas fotografías do desfile do Entroido, de todo o colexio, actuacións e celebración posterior cos postres típicos na seguinte galería fotográfica:

• GALERÍA FOTOGRÁFICA:  (2023-2024) Entroido 2024: Benvidos e benvidas ao circo

Quen dixo que xaneiro dura 31 días, minte de forma descarada. Xaneiro dura, como mínimo 300 días, ou al menos iso foi o que pareceu xuzgando por todo o que fixemos o último mes. A continuación, faremos un breve resumo dalgunhas das actividades máis destacadas dende a volta das vacacións da Nadal.

Na nosa clase sempre facemos un oco para a expresión artística e a creatividade, iso si, aplicando distintas técnicas. Este mes creamos inspirándonos en obras de artistas que descubrimos a través do noso calendario de efemérides, o que nos levou a crear con formas, difusores de cores, auga, goteiros, recortes das nosas cousas favoritas... e moito máis!

Non nos podemos esquecer do cumple da nosa compañeira Zahara, que cumpliu 4 anos. Un día tan importante requiriu unha celebración acorde coa sua tarta, a súa camiseta de regalo, a súa coroa para a celebración, a súa festa... O pasamos xenial, e ademáis foi o primeiro cumple de Zahara dende que chegou ao cole, así que seguro que queda no seu recordo con agarimo para moito tempo.

Outra actividade que ocupou bastante do noso tempo, foi a celebración da "II Carreira Solidaria pola Paz", un evento que acollimos con moita ilusión e ganas. Fixemos un inventario das doazóns que recollimos na nosa clase, o cal nos permitiu traballar lectoescritura e conteo ao mesmo tempo; e ademáis axudamos cos numerosos preparativos para celebrar a carreira. Foi super divertido, pois sempre e xenial reunir a toda a comunidade educativa para actividades coma esta.

Este apartado que ven agora é unha mestura de actividades que fixemos como parte do noso calendario tan especial, xogos e demáis situcións que foron surxindo na aula. Como xa sabedes isto é Educación Infantil, e aínda que as semanas e o traballos sempre están programadas, sempre hai espazo para a improvisación e para facer paradas para indagar nos distintos intereses e focos de aprendizaxe de nenos e nenas. Por iso aquí podedes atopar momentos como merendas ao sol, colgantes de flores, xogos de mesa, elaboración de avións de papel, actividades de motricidade... E ollo, que pode ser que grazas a falar de Caroline Herschel como parte de "Revolucionarias", o noso PDI de biblioteca dentro do marco de CPInclúe - Iguala-T, atopasemos a nosa temática para o proxecto deste curso... Podedes adiviñar cal é?

Como na nosa clase vivimos co lema: "Mellor tarde que nunca". POR FIN, comezamos a facer a proposta de temas para o noso proxecto de aula. Durante a votación, xuntamos os nosos calendarios como apoio para propor posibles temas de investigación. Mickey Mouse, os planetas, sillas, gatos... As propostas foron do máis variopintas, agora só nos queda votar para decidir con cal nos quedamos.

Ao mesmo tempo, seguimos traballando a lectoescritura, centrando cada semana nunha letra. Cal? Pois a que desparece da nosa clase, pois aínda que temos o alfabeto colgando do teito, as letras sempre atopan o xeito de escapar, coller a maleta e ir polo cole en busca de aventuras. Por sorte, os nosos nenos e nenas son grandes detectives e sempre atopan as letras desaparecidas, e tamén as súas maletas que poden traer dende laurel ata esencia de vainilla.

Este mes foi o noso turno de facernos cargo do experimento, así que puxémonos mans a obra para descubrir que pasa cando mezclamos auga con pementa, e como actúa o xabón cando entra en contacto con ela. Os resultados foron unha gran sorpresa, pero creo que mellor que a miña explicación, e mellor que vexades como sucedeu todo a cargo de Yara, Zahara e Matías. Por suposto, ao reamatar rexistramos o proceso e os resultados no noso caderno para deixar constancia de todo.

Outras das horas máis divertidas da semana é a hora de alternativa a relixión, onde sempre facemos manualidades moi chulas. Este mes creamos unha nube co arco de vella usando algodóns e paus de madeira, ademáis de pintar un cadro soplando con paxiñas de plástico. Pero isto non é nada, solo agardade a ver o que temos preparado para febreiro...

Na nosa clase hai moitos nenos e nenas maiores que pasan a primeiro, e como as suman xa están máis que entendidas, este mes comezamos a traballalas en papel. O que facemos e relacionar o proceso manipulativo, coa conta plasmada no papel, de xeito que poidamos estar o mellor preparados posible para dar todo en primeiro en primaria! E mentres os maiores introdúcense nas operacións, os máis pequenos traballan a tira numérica e o concepto de número, para dentro de moi pouco facer o mesmos que fan os seus compis de cinco anos.

Se pensades que isto e todo, estades moi equivocados! Pois o cole esta cheo de maxia e sorpresas, e o Porco Espín Serafía tamén fai das súas cando os nenos e neas están en clase. O que fai, e levar a mochila, escribir un mensaxe para os nenos e nenas na libreta viaxeira e ademais decide quen leva a mochila esa semana, personalizando sempre o material en función de quen leva a mochila.

Unha nova actividade que comezamos este mes, é o deseño do menú saudable. Cada clase encárgase de propor un menú equilibrado para a semana. Neste caso, nos fixémonos cargo de crear unha cea saúdable. Así que usando o prato onde repartimos os distintos tipos de alimentos, os recortables que preparou o profe Paulo e con moita imaxinación, deseñamos unha ensaladamariñeira deliciosa. Os nenos e nenas escolleron os ingredientes que querían usar, e os profes demoslle unha pequena volta para darlle sentido. E unha vez decidido, plasmámos o menú en plastilina que, non é por nada, pero tiña un aspecto moi apetitoso.

Antes fixemos mención de "Revolucionarias", o Proxecto Documental Integrado que levamos traballando dende principio de curso. Grazas a él, este mes resolvemos misterios con Agatha Christie, descubrimos os planetas con Caroline Herschel, cruzamos o mar con Ellen MacArthur, coñecemos outras culturas con Indira Gandhi, soñamos con Hedy Lamarr... E ao mesmo tempo coñecemos como, a pesar de ser invisibilizado durante anos, o rol das mulleres na historia foi fundamental para os avances sociais, científicos e políticos dos últimos séculos.

Puidemos rascar tamén algo de tempo para xogar con plastilina, tanto libremente como de forma dirixida. Destacou por canto lles gustou, un xogo para traballar a motricidade fina que fixemos con plastilina, pasta e contas de facer pulseiras. Sen duda repetiremos esta actividade moi pronto.

E xa para rematar, os globos tamén estiveron presentes estemes, pero acompañando un tema no que non paramos de facer fincapé: A igualdade. Iso é, falamos de igualdade a través dos deberes da infancia, pois un destes é tratar ben as persoas, sen discriminar por xénero, etnia, posición social... pero dun xeito divertido, pois tivemos liberar os deberes do interior dos globos usando dardos. Se queredes saber máis sobre esta actividades, podedes consultar esta entrada.

E con isto nos despedimos ata o mes que ven, que por sorte xa vai durar un pouco menos que este xaneiro eterno!

No mes de xaneiro, á volta das vacacións de Nadal, na nosa aula sucedeu todo isto, que xa vos comentamos en entradas anteriores:

30/01/24: [Infantil xuntos] (2023-2024) Organizamos e participamos na II marcha e carreira solidaria, polo día da Paz 
27/01/24: (2023-2024) Experimentamos con pementa e xabón. Queres saber que sucedeu? 
26/01/24: (2023-2024) Continuamos a investigar sobre os peixes e xa temos as primeiras respostas ás nosas preguntas 
25/01/24: [Infantil xuntos] (2023-2024) Celebramos os aniversarios do mes de xaneiro 

Pero ademais tamén tivo lugar todo o que vos contamos de seguido:

Cada día o encargado ou encargado foi o/a responsable de anotar o  calendario online, levar a cabo os rexistros e outra chea de responsabilidades.

Participamos nas actividades organizadas no Centro polo "Día Internacional da Educación", onde descubrimos os dereitos e deberes que temos como nenos/as.

Continuamos a completar a noso dicionario xigante, empregando a aplicación online do dicionario, coas imaxes e textos das nosas palabras favoritas. 

Creamos debuxos xigantes, explorando a nosa creatividade, con obxectos da aula.

Que podes ver no corredor de infantil, co título que cada equipo decidu poñerlle. 

Continuamos co préstamo de libros para casa, os venres, empregando unha aplicación que podes atopar no recanto de infantil.

Participamos na elaboración dun menú semanal saudable, xunto cos compañeiros e compañeiras de todo o colexio. 

Continuamos a levar a mochila "de lecer" para as nosas casas, seguindo as quendas marcadas. 

Ás veces o patio estaba conxelado, e puidemos experimentar coas caracterísiticas do xeo.

"Xogamos a pensar", usando o diáogo como fonte de información e acordo, nas sesión de "Filosofía para nenos/as".

Exploramos o noso potencial creativo pintando con témpera.

Tal vez che interese coñecer como usamos os "carnets QR" na aula, podes facelo na seguinte entrada:

Así empregamos a aplicación do calendario, diccionario e bliblioteca online nas nosas rutinas da aula

Ao igual que sucedera no curso pasado, este ano os compañeiros e compañeiras de infantil participamos na organización dunha "marcha e carreira solidaria", polo día da Paz, na que sería a "segunda edición", e na que contaríamos coa participación e colaboración de todo o colexio.

Nesta ocasión acordamos recoller roupa e material escolar, que logo entregaríamos á "Asociación Boa Vida" de Pontevedra, para que fagan chegar a aqueles nenos e nenas que a precisen.

Os compañeiros de infantil 2, investigaron os diferentes problemas cos que se atopan moitos nenos e nenas para poder ir ao colexio.

Despois de debatir sobre cada un dos problemas, e de analizar as causas, aportaron entre todos e todas posibles solucións. Foron plasmando todo isto nun mural que peduraron no corredor, na zona de recollida de doazóns.

Así quedou, unha vez rematado, o mural da súa pequena "investigación".

Ti tamén podes ver tódolos vídeos que analizaron, e incluiron no mural, no recanto de infantil no apartado de "vídeos", ou directamente desde aquí.

Pola súa banda, os compañeiros e compañeiras da aula de Infantil 1, foron os encargados de organizar a recollida de doazóns da "carreira solidaria". Creando o cartel anunciador e o rexistro de todo o que se podía doar.

Demos recollido, grazas á colaboración de toda a comunidade,  todo este material escolar e roupa para a asociación "Boa Vida" de Pontevedra.

Creamos un mapa co percorrido da marcha solidaria, ata o campo de fútbol, onde tería lugar a "carreira pola Paz", na que estarían convidados a participar as familias de todo o colexio.

Así de fantástico quedou o noso mapa unha vez rematado, cos fitos e lugares máis significativos polos que iríamos pasando. Agora xa sabíamos como chegar sen problema.

Creamos tamén unha pancarta para "encabezar" a marcha ata o campo de fútbol.

Cando chegou o día da Paz, o 30 de xuño, xunto aos compañeiros e compañeiras de todo o colexio comezamos a marcha cara o campo de fútbol. Acompañáronnos as nosas familias, que particpiarían tamén na carreira.

E chegou o momento, todos estabamos listos para participar na carreira...

... que nesta ocasión tiña tamén obstáculos que había que salvar.

Rematada a carreira, e mentras participaban os compañeiros e compañeiras dos demais cursos, repuxemos folgos de forma saudable, cun plátano e unha botella de auga.

Como despedida, e despois de recibir a chapa conmemorativa, unha foto de grupo para o recordo. 

E por suposto, un foto todos xuntos, incluídas ás nosas familias.

Grazas a todos e a todas por participar, e formar parte desta "II marcha solidaria pola Paz".

O segundo gran experimento deste curso precisaría usar xabón, pementa, auga e un prato. Que poderíamos facer con este material?.

Por quendas, e a través dunha choiva de ideas, fomos aportando diferentes teorías do que tería lugar ao mesturar os materiais. Comentamos tamén como pensábamos que era a orde na que tiñamos e ilos mestrurando.

Despois de varias probas, descubrimos que unha pouca de pementa, que exploramos sensorialmente, na auga, "fuxía" cando a tocábamos co noso dedo cheo de xabón.  

Chegamos á conclusión de que é o mesmo que sucede coa suciedade cando lavamos as nosas mans.

Rematado a experimentación e gran grupo, cada un dos equipo cooperativos organizouse para seguir os mesmos pasos , dialogando e acordando os diferentes roles, para que todo o mundo participase no proceso.

Finalmente todos os equipos deron conseguido reproducir os pasos satisfactoriamente, e conseguiron que "pementa fuxira" en contacto co xabón.

Despois de levar a cabo auto-avaliación figuroanalóxica, chegou o momento de anotar, nos cadernos de campo individuais, as observacións deste segundo experimento.

Nesta ocasión foron os compañeiros e compañeiras de Infantil 1 os encargados de facer o vídeo do experimento. Así de fantástico lles quedou.

No próximo gran experimento seremos os encargados de crear o respectivo vídeo; ata entón podes ver os vídeos que creamos, de  cada un dos experimentos neste curso, na seguinte ligazón.

Experimentos do curso 2023-2024

Podes ver os pasos previos desta investigación nas seguintes entradas publicadas neste mesmo blog:

30/11/23: (2023-2024) Decidimos investigar sobre "os peixes" e damos comezo ao noso primeiro proxecto do curso 

Co paso dos días fomos recopilando moita información tanto non noso recanto de información "virtual", na web do colexio (recanto de infantil); así como libros e diferentes documentos impresos, no recanto da información da aula.

A primeira das preguntas que investigamos, todos xuntos en gran grupo, foi saber que "comen os peixes".

Acordamos anotalo no mural da investigación deste xeito.

No apartado de "Como nos organizamos" fomos anotando o número da pregunta que íamos respostando, tanto en gran grupo, como cada un dos equipos.

Novamente en gran grupo buscamos a resposta a se os "tabeiróns comían peixes", que era outra das preguntas que decidimos investigar.

Atopamos a resposta nun dos vídeos do noso recanto virtual da investigación.

Despois de discriminar no vídeo, a información que respostaba á pregunta, acordamos como plasmalo no mural da investigación.   

E así quedou plasmada a resposta no mesmo.

A medida que íamos atopando a resposta a cada pregunta, fomos marcándooa na lista que escribimos ao comenzo.

En equipos cooperativos, atopamos a resposta a tres das preguntas que tiñamos plantexadas, acordando cada equipo que fonte de información poderían usar, e como plasmarían a resposta no mural da investigación.

Os peixes fan pis?

Os peixes fan caca?

Os peixes fan peidos?

Así quedou plasmado, coa parte de cada un dos tres equipos cooperativos, no mural da investigación.

Finalizado o traballo de investigación destas tres preguntas, cada un dos equipos contoulle ao resto dos compañeiros e compañeiras, o que descubriran na súa investigación. Agora todos coñecemos a resposta ás tres preguntas plantexadas. 

Así está de momento o noso mural de investigación, nas vindeiras semanas continuaremos completándoo coa resposta ás diferentes preguntas que aínda quedan pendentes.

Cando rematou o mes de xaneiro, tal como tiñamos sinalado no calendario online, celebramos os aniversarios do mes, nesta ocasión cumprira anos ZAHARA, quen foi a encargada de escoller unha tarta do noso libro de receitas.

Seguindo os seus pasos crearía unha torta coa que convidar a todos os compañeiros e compañeiras das dúas aulas de infantil, nunha fantástica festa.

Xunto aos compañeiros e compañeiras da súa aula, prepararon a camiseta de agasallo e a coroa. Quedaron fantásticas!

Cos ingredientes que trouxera, un día antes da celebración, preparamos a torta, con axuda dos restantes compañeiros e compañeiras das dúas aulas de infantil, seguindo os pasos da receita elixida.    

Tan só quedaba levala ao frigorífico e deixala alí ata o día seguinte.  

Despois dun noite arrefriando no frigorífico, na data da celebración, só faltaban uns últimos retoques de decoración na mesma.

O día da celebración, contamos, clasificamos, organizamos e preparamos todo material que iamos precisar para celebrar a festa de aniversario.

Antes de probala había que soprar as candeas, e escoitar como lle cantábamos o "cumpleaños feliz"

E por fin chegou o momento de que a homenaxeada repartise a tarta entre os seus convidados e convidadas.

Estaba boísima!!!

Rematamos a festa de anivesrarios con zume de mazá e piña, algunhas patacas fritidas e gusanitos para compartir. 

No vindeiro mes de febreito teremos novos aniversarios e, por suposto, unha nova celebración dos mesmos.

Cando comezou o mes de decembro, chegou a época do ano que máis nos gusta na aulas de Educación Infantil. Se queres ver todo o que fixemos para traballar o Nadal, e como participamos no Festival do colexio, podes facelo de seguido.

En Infantil 2 crearon uns adornos, por equipos para pendurar no corredor. Neles convertíronse en Papa Noel, con barba en todo.

Colaboramos co Parque Arqueolóxico da Arte Rupestre, na elaboración dun "calendario de advento prehistórico", con xogos prehistóricos dentro de cada casiña. 

Nel, ademais de crear os vídeo para o PAAR, tamén fomos abrindo nas quendas acordadas, a casa que se correspondía con cada día.

Creamos unha orixinal árbore de Nadal, do que penduramos bolas que decoramos nas nosas casas, e con doces de Nadal.

Pouco a pouco fomos enchendo a nosa árbore cos adornos que iamos traendo das nosas casas.

O último día de clase, xusto antes de marchar, escollemos os nosos doces favoritos, e nosa bola, para levala para as nosas casas.

Escribimos un cartel para dar a benvida ao NADAL ao noso coelxio.

Para participar no Festival de Nadal do colexio, interpretaríamos unha obra de teatro titulada "A patrulla canina salva o Nadal", acompañado dun baile final.

Ensaiámolo durante varias semanas.

Tamén preparamos o atrezzo da obra de teatro.

Escribimos unha postal, na que saíamos cada un de nos no "pobo do calendario de advento", para poder enviala por correo ás nosas casas. 

Recibimos a visita de Santa Claus ao colexio.

E por fin chegou o gran día, presentaríamos a nosa actuación ante as familias de todos os compañeiros e compañeiras do colexio, no Festival de Nadal.

Así de ben o fixemos durante a nosa participación no "Festival de Nadal", xunto aos compañeiros e compañeiras de todo o colexio. 

Desafortunadamente a nosa compañeira CARLOTA non puido asistir, pero si o fixo no ensaio xeral do día anterior, que tamén podes ver de seguido.

Así nos foi no ensaio xeral, onde si estabamos todos e todas, actuando ante os compañeiros e compañeiras de todo o centro.

Todos e todas, os que estamos en Educación Infantil, alumnado e mestres, queren desexarvos un BO NADAL, e un fantástico ano 2024. 

Este mes non temos claro quen traballou máis, se Papa Noel ou os nenos e nenas de EI1. Foron 21 días que deron para moitísimo... Non o credes? Pois seguide aquí, porque a continuación explicamos algunhas das moitas actividades que fixemos este mes.

En primer lugar, preparamos unha obra de teatro moi chula titulada "A Patrulla Canina salva o Nadal". Tivemos que preparar o decorado, estudar o guión, preparar o escenario, acordar o reparto de tarefas... Foi un traballo complicado, longo, pero moi satisfactorio. O resultado ao final foi o de menos, pois o realmente importante foi todo o que aprendemos durante o proceso. Se queredes ver a obra, podedes facelo aquí.

Pero non só estivemos na zon de usos múltiples, estivemos facendo cousas ao longo de toda a escola. Pasamos moito tempo na biblio, lendo contos, debuxando, xogando... pero tamén aprendendo con materiais como a oca para coñecer Galicia ou a escalada de montañas cun dado e un lapis. Ao final imos pasar máis tempo alí que na clase!

Unha actividade da que as familias estaredes enteradas, foi a decoración de colas de Nadal, pois para esta iniciativa, contamos coa colaboración dos pais e das nais. Os nenos e nenas levaron a base acasa, e con axuda fixeron elementos decorativos tan chulos como os que poidedes ver nas fotos. Logo decidimos exactamente onde queriamos colgala. Foi xenial!

E co curso avanza tamén o calendario, así que cada día temos que abordar unha temática nova. E claro, como nun día pasan moitas cousas, o que aprendemos vai variando moito según a dara. Rosa Parks e a discriminación racial, o coidado do medio ambiente, o analisis de obras de arte... Todo pode pasar cando abordamos o noso traballo de calendario.

Tamén fixemos o experimento do fluido non newtoniano. Pero a falta de unha, o fixemos duas veces... Por qué? Moi sinxelo, porque o profe equivocouse coas medidas (perdoádeo, é de letras). Así que tivemos que poñer aschaquetas, e ir a tenda a mercar máis maicena. Deste xeito fixemos o experimento por segunda vez (esta vez ben feitos), e o resultado deixounos coa boca aberta.

Pero tamén tivemos tempo para xogar, e moito. Este mes comezamos a estrear algún dos xogos que nos chegaron a a aula; ademais de disfrutar de aqueles que máis nos gustan como e o xogo coa area, con crebcabezas, con bloques lóxicos... e moitas cousas máis.

Na nosa clase tivemos de aniversario a Yara, e por suposto, non podiamos esquecernos de prepararlle unha celebración como merece. Así que cunha camiseta de unicornio, unha coroa chea de estrelas e unha deliciosa tarta con moito chocolate; montamos unha super festa para os homenaxeados!

Ah, e unha cousa máis, revisade os buzóns nos vindeiros días. Pois estes últimos días de trimestre estivemos preparada unha sorpresa para as familias... E aquí o imos a deixar, que ao final arruinamos a sorpresa.

E xa para rematar... Recordades os xogos que preparamos en colaboración co Parque Arqueolóxico de Campo Lameiro? Pois ben, este mes o Porco Espín Serafín preparou un calendario onde, cada día, unhadas clases do colexio abría un agasallo elaborado por outra clase. Foi super divertido, e permitiu seguir traballando no noso proxecto de convertir un cole con relacións máis sólidas e menos conflictos, pois na escola somos unha gran familia.

E con isto despedímonos ata o ano que ven. Grazas por outro ano cheo de experiencias e de aprendizaxe; e preparádevos, porque o 2024 ven repleto de moito que facer e moito que aprender!

Cando rematou o mes de novembro, tal como tiñamos sinalado no calendario online, celebramos os aniversarios do mes, nesta ocasión cumprían anos MARTIÑO, NORA e YARA, quenes foron os encargados e encargadas de escoller unha tarta do noso libro de receitas

Seguindo os seus pasos crearía unha torta coa que convidar a todos os compañeiros e compañeiras das dúas aulas de infantil, nunha fantástica festa.

Xunto aos compañeiros e compañeiras de cadansúa aula, prepararon as camisetas de agasallo e a coroa. Quedaron fantásticas!

Cos ingredientes que trouxeron, un día antes da celebración, prepararon a torta, con axuda dos restantes compañeiros e compañeiras das dúas aulas de infantil, seguindo os pasos da receita elixida.    

Tan só quedaba levala ao frigorífico e deixala alí ata o día seguinte.

Despois dun noite arrefriando no frigorífico, na data da celebración, só faltaban uns últimos retoques de decoración na mesma.

O día da celebración, contamos, clasificamos, organizamos e preparamos todo material que iamos precisar para celebrar a festa de aniversario.

Antes de probala había que soprar as candeas, e escoitar como lle cantábamos o "cumpleaños feliz", "parabés para ti" e "Happy Birthday to you". 

E por fin chegou o momento de que o homenaxeado e  ashomenaxadas repartisen a tarta entre os seus convidados e convidadas.

Rematamos a festa de anivesrarios con zume de mazá e piña, algunhas patacas fritidas e gusanitos para compartir.