Un ano máis volven as lecturas ao patio de infantil coas nos@s voluntari@s, as nosas madriñas e os nosos padriños lectores.

Crear afeizón á lectura, desenvolver lazos de amizade e solidariedade entre o alumnado, xogar xuntos... son moitas das cousas que promove esta iniciativa dos apadriñamentos lectores.

Dentro de pouco botaremos tamén a andar o club de lectura dos adultos, que este ano van ler "Senlleiras" de Antía Yáñez, e neste mesmo lugar vos informaremos de como vai indo a cousa.

Entrementres, deixámovos unhas fotos dos nosos apadriñamentos lectores que enfeitan o patio de infantil.