Este curso escolar, a materia de EPV para 5º de Primaria está enfocada en mulleres artistas e pintoras de diferentes épocas e partes do mundo, e para o 1º trimestre, os alumnos e alumnas traballaron nun proxecto moi complexo no que tiñan que mesturar acuarelas, rotuladores e emocións. 

Tras falar brevemente de Helen Frankenthaler e Yayoi Kusama e ver obras de estas artistas, inspirámonos nos dous estilos abstractos (con acuarelas e patróns ou puntos) para representar o que sentimos e o que comprendemos cando falamos de multiculturalidade, igualdade, solidariedade, e da importancia de respetar as diferentes culturas do mundo. Como banda sonora tivemos a canción "We are the others" de Miyavi que estamos a traballar na materia de Música.

Deixámosvos por aquí un collage con todos os proxectos rematados, tendo en conta que o fixeron con acuarela e o escáner non capta ben as cores pouco intensas:

Este xoves os nenos e nenas de 1º de EP asistiron á obra musical de Pulcinella no Auditorio de Galicia. Que ben o pasamos! A obra falaba dun comediante que desexaba convertirse no novo Pulcinella para amosar o seu talento nas festas do entroido en Nápoles, e da súa amiga Colombina que desexaba liberarse das ataduras de vivir en palacio e traballar como sirivienta, xa que quería fundar, co seu talento para a danza,a comedia e os negocios, unha compañía de teatro de comedia. 

Unha máscara roubada, unha rapaza con grandes soños de liberdade, e a Real Filharmonía de Galicia poñendo a banda sonora de esta historia tan divertida.

E ata tivemos a sorte de saudar aos artistas!

No que levamos de ano, xa van 51 mulleres asasinadas! Cómpre reflexionar e pensar que hai moitas cousas que deben cambiar na nosa sociedade. No noso centro fixéronse actividades moi variadas, adaptadas a cada nivel e entre elas destacamos a visualización de vídeos, lectura de contos, traballo con cancións... Todas as clases colaboraron na decoración dos corredores e portas das aulas, sendo partícipes da importancia de reivindicar este día.

Ademais, as titorías de 4º, 5º e 6º de E.Primaria sumáronse á campaña posta en marcha polo Concello de Arzúa polo 25 de novembro. Baixo o lema xenérico “Acabouse!”, a campaña ten como fío condutor diferentes citas que podemos achar en famosas series, películas e contos, convidando a reflexionar sobre as violencias machistas que representan e que habitualmente normalizamos.

Esta é unha mostra do traballo que se está facendo nas distintas titorías do centro.

Traballos das nenas e nenos da aula de 3 anos-A:

Traballos do alumnado de 3ºB:

Cartel das nenas e nenos de 2ºB:

Mural do alumnado de 4º A:

Mural do alumnado de 4ºB:

Mural do alumnado de 5ºA:

Cada 20 de novembro celébrase o Día Mundial da Infancia, unha data para reivindicar a importancia de protexer os dereitos de todos os nenos e as nenas e unha ocasión para impulsar accións que permitan seguir construindo un futuro mellor.

Este día recorda que todos os nenos e nenas teñen dereito á saúde, á educación ou á protección, independentemente do lugar do mundo no que naceron.

Para traballar e reflexionar sobre a importancia desta data traballamos co libro “YO SERÉ TRES MIL MILLONES DE NIÑOS” deAllain Serres – Judith Gueyfier onde, con diferentes contos, se mostra a realidade de moitos nenos e nenas, que carecen destes dereitos.

Cada nivel traballou un conto, reflexionou sobre as carencias que aínda hoxe en día sofren moitos nenos e nenas de todo o mundo, e plasmouno nun debuxo nunha cometa.

Ademais, o Departamento de Cultura do Concello de Arzúa convidounos, un ano máis, a gozar duns espectáculos para celebrar esta data con todos os nenos e nenas do colexio.

O luns, 13 de novembro os cativos e cativas de Educación Infantil desfrutaron do espectáculo “Soñando Inventei” de maría Faltri e Jorge Juncal.

O martes, 14 de novembro os nenos e nenas de 1º, 2º e 3º de EP desfrutaron do concerto “Bravas. O rexurdir da luz” de A Gramola Gominola.

O mércores, 15 de novembro os rapaces e rapazas de 4º, 5º e 6º de EP desfrutaron do concerot de Femininoplural.

 Traballos realizados polas distintas titorías:

Deixámosvos aquí algúns recusos para traballar o Día Internacional da eliminación da violencia contra a muller nas aulas:

• Actividades propostas polo Departamento de Orientación do noso centro para E. Infantil e 1º ciclo de EP. Preme aquí
• Actividades propostas polo Departamento de Orientación do noso centro para 2º e 3º ciclos de EP. Preme aquí
• Outras actividades. Preme aquí
• Ficha de lectura "Nin un bico á forza. Preme aquí
• Coplas contra a violencia de xénero para traballar no 3º ciclo EP. Preme aquí
• Ficha 25 N para os máis pequenos. Preme aquí
• Campaña do 25 N do Concello de Arzúa "Cambia o conto" para 2º e 3º ciclos EP. Preme aquí
• As rapazas e os rapaces de 5º de primaria do CEIP Plurilingüe do Carballal elaboraron este fantástico videoclip no que versionaron unha canción de Alaska dos anos 80 e crearon unha coreografía para ela. O alumnado quixo lembrar deste xeito tan orixinal o Día Internacional da eliminación da violencia contra a muller e facer un chamamento para que ningunha muller agredida fique calada.

Deixámosvos aquí algúns recursos que podedes empregar nas vosas aulas para conmemorar o Día da Infancia. 

• Lecturas, cancións e lista de dereitos. Preme aquí
• Dereitos para imprimir. Infantil e 1º ciclo. Preme aquí
• O alumnado do CEE A Barcia de Santiago de Compostela lémbranos, a través das imaxes e dos pictogramas deste vídeo, algúns dos dereitos fundamentais dos nenos e nenas; entre outros o dereito a recibir coidados especiais cando teñan impedimento físico, mental ou social ou a non ser discriminados/as e medrar en igualdade. 

O CEIP de Arzúa está a colaborar nunha iniciativa solidaria.

Como parte do noso compromiso coa comunidade e a educación en valores, estamos organizando unha recollida solidaria de alimentos que beneficiará ás familias necesitadas da contorna. Cremos que esta actividade non só brindará unha valiosa lección de empatía aos nosos estudantes, senón que tamén terá un impacto positivo nas vidas de quen máis o necesitan.

A recollida é os días luns 13 e martes 14 no centro. Invitamos a todas as familias a colaborar nesta causa, traendo alimentos non perecedoiros, como arroz, pasta, conservas, legumes, leite en po e produtos de hixiene persoal (desodorizante, xabóns, xeis...).

Moitas grazas pola vosa atención e compromiso. 

Unha das actividades organizadas con motivo do Día das bibliotecas é esta sesión de animación á lectura, que hoxe desfrutaron todos os nenos e nenas do noso colexio.

Erica González, a contacontos e actriz que nos visitou, preparounos un espectáculo que leva por nome "A volta ao día en 80 mundos". Inspirándose na famosa obra de Julio Verne, Erica achegounos aos distintos continentes e falounos de moitos países, das súas culturas, curiosidades... e, polo medio, contounos algún conto destes lugares. Así, por exemplo, con "Pepita Sarmiento" aprendemos que cando queres a alguén hai que darlle ás para voar, razóns para entender e motivos para quedarse; con "Moussa soña" caímos na conta de que para soñar é moi importante xogar, pero hai nenos e nenas no mundo que deixaron de facelo porque só traballan e xa non soñan con nada fai tempo.

Estas fotos forman parte dalgúns dos catro pases que se fixeron para que todo o alumnado do centro puidera participar nesta actividade. 

Grazas Erica por deixarnos "viaxar" hoxe contigo e recordarnos que o idioma universal é o sorriso. 

O pasado venres 3 de novembro o alumnado de 5º e 6º de primaria asistiu a unha charla contra a Violencia de Xénero dentro do Plan Director.

 Tratáronse temas como:

- Que é a violencia de xénero? É aquela violencia que exerce o home cara a muller coa que ten ou tivo unha relación sentimental.

- Que tipos de violencia de xénero existen? O maltrato físico, sexual e/ou psicolóxico.

- Que é a violencia doméstica e tipos? É aquela violencia que exerce a muller sobre o home. Pode ser física, sexual e/ou psicolóxica.

- Número de teléfono de axuda ás mulleres que sofren violencia de xénero: 016.

- E outras moitas cuestións interesantes.

 Óscar, o Garda Civil Formador do Plan Director, botou man de vídeos ilustrativos que facilitaron que o alumnado comprendera mellor esta realidade sobre a violencia.

Un curso máis, o CEIP de Arzúa participa na campaña de recollida de roupa solidaria.