Skip to Content

ANUNCIOS

Lun, 20/05/2024 - 19:11 — mariajpardinas
21/05/2024   Axudas para material escolar_Curso 2024-25 Novo
15/05/2024   Admisión 2024/25: Listaxes definitivas de alumnado admitido 
30/04/2024   Corrección de erros na listaxe provisional de alumnado seleccionado e suplente nas actividades formativas en linguas extranxeiras da Consellería de Educación 

Calendario de exames - Convocatoria extraordinaria 2º Bacharelato

Lun, 20/05/2024 - 19:06 — antonio.galdo

No enlace que aparece a continuación pódese consultar o calendario de exames correspondentes á convocatoria extraordinaria de 2º de Bacharelato e de pendentes de 1º de Bacharelato.

CALENDARIO

  • 21 lecturas

Despedida da promoción de 2º de Bacharelato 2024

Mér, 15/05/2024 - 21:56 — miruca

Chegou o día tan desexado para o alumnado de 2º de Bacharelato, a data da súa graduación.

O martes, día 14 de maio, celebramos a cea de despedida. Reunímonos 51 alumnos e profesores para celebrar o final dunha etapa bonita a pesar do paso dunha pandemia mundial.

Moitos parabéns a Ana, Ester e Ramón por levar matrícula de honra con 10. Mais tamén queremos felicitar a Paula López Martínez, Nerea, Paula Rodil, Ivana, Manuela e Lucía por sacar unha media superior a 9.

Moita sorte a todxs na ABAU e/ou outros destinos!

Promoción 2018-2024: Luna, Juanma, Pablo Balseiro, Melanie, Abril, Mario, Jorge, David, Raúl, Simón, Imanol, Daniel, Paula Fraga, Carmen, Nerea, Ana, Sabela, Roi, Noa Gudín., Yorel, Paula L. Calvo, Paula L. Martínez, Ivana, Diego, Noa Martínez, Saray, Pablo Méndez, Pablo Míguez, Iago, Jorge Neira, Mateo, David José, Celia, Mara, Jaime, Gabriela, Félix, Lucía, Laura, Ramón, Pablo Rivas, Ester, Paula Rodil, Lola, Marta, Marina, Andrés, Manuela, Andrea, Denisa, Silveria.

Podedes acceder a máis imaxes AQUÍ. 

  • 194 lecturas

Letras galegas 2024: Luísa Villalta

Mér, 15/05/2024 - 14:53 — miruca

O alumnado de 4º ESO de Proxecto competencial elaborou este curso a exposición de carteis das Letras galegas, dedicadas a Luísa Villalta. 

Podedes encontrar máis información sobre Luísa Villalta no Portal da Lingua. Alí podedes acceder a outras exposicións de carteis sobre a autora. 
  • 31 lecturas

Admisión 2024/25: Listaxes definitivas de alumnado admitido

Mér, 15/05/2024 - 14:44 — mariajpardinas

No taboleiro de anuncios de secretaría están publicadas as listaxes definitivas de alumnado admitido na ESO e en Bacharelato.

Poden consultalas persoalmente ou chamando ao teléfono do centro: 982 870102 

 

  • 67 lecturas

II Día da literatura caboverdiana

Lun, 13/05/2024 - 22:00 — karina
Imos celebrar o IIº Día da literatura caboverdiana coa lectura continuada de "Siriaco e Mister Charles" de Joaquim Arena, novela galardoada co premio Oceanos. 
 
O martes 21 e mércores 22 de maio de 18:00 a 19:00h haberá sesións de animación á lectura da obra. 
 
O martes 11 de xuño terá lugar a lectura continuada na biblioteca do IES Perdouro .
  • 11 lecturas

Encontro literario con María Reimóndez

Lun, 13/05/2024 - 21:46 — karina

O martes 14 de maio María Reimóndez conversará co alumnado de 2º de ESO sobre a obra Furia.

 

 

  • 18 lecturas

Presentación da charla formativa aberta: "As altas capacidades"

Dom, 12/05/2024 - 21:06 — miruca
Programamos unha ponencia sobre as altas capacidades. Olalla Méndez Arias, orientadora, axudaranos a coñecer e comprender mellor as altas capacidades para contribuír ao desenvolvemento intelectual, social e emocional dos nosos adolescentes. Saberemos como detectar as altas capacidades, como evolucionan e como atendelas ao longo da vida.

Conferencia aberta a todas as familias de adolescentes ou preadolescentes. É preciso anotarse chamando ao 982 87 01 02. 

Non faltedes á cita. Vémonos na biblioteca do IES Perdouro.

Mércores 08/05/2024 ás 18h30

 
Accede á presentación AQUÍ
  • 83 lecturas

Encontro e Ruta literaria con Lois Pérez

Mér, 08/05/2024 - 21:27 — karina
O xoves 09 de maio teremos a Lois Pérez na biblioteca para conversar co alumnado de 1º de ESO sobre a obra A Tribo do mar. 

Logo fará unha pequena ruta ata o pavillón Vista Alegre con alumnado de 4º ESO PDC e co alumnado do club de lectura do IES Monte Castelo.

 

  • 2 lecturas

Pílulas formativas do alumnado de Xeoloxía e Ciencias Ambientais de 2º de Bacharelato

Lun, 06/05/2024 - 21:29 — miruca

O alumnado de Xeoloxía e Ciencias Ambientais de 2º de Bacharelato leva preparando nas últimas semanas breves pílulas formativas para explicarnoss de maneira doada algúns dos conceptos que estudan na aula. 

Con estes experimentos e exposicións gráficas entenderemos moito mellor a Xeoloxía e as Ciencias Ambientais. Grazas polo voso labor de divulgación. 

Aquí están os últimos vídeos que prepararon para explicarnos a densidade, a presión e a illa de calor: 

  • 56 lecturas

Rúa da Microrrede - Exposición da Microrrede de Bibliotecas Escolares da Mariña

Lun, 06/05/2024 - 21:12 — miruca

 

O martes 7 de maio, ás 17h00 inaugúrase a exposición anual da Microrrede de Bibliotecas Escolares PLAMBE da Mariña á que pertencemos. 

As obras que aí se presentan brinda unha pequena homenaxe a Ibañez, humorista gráfico creador de Mortadelo e Filemón.

O cartel é obra da alumna de 2º de bach de Arte do IES Monte Castelo, Laura González Freire que agradecemos por brindarnos a portada que abre as portas ao noso traballo colaborativo. 

A exposición conta con 20 cadros e dun cómic artístico colaborativo, un por cada biblioteca da Microrrede, e poderá verse no salón multiusos do Concello de Viveiro de 18h a 20h do 7 ao 10 de maio de 2024.

Accede o programa AQUÍ.

MICRORREDE DAS BIBLIOTECAS ESCOLARES DA MARIÑA 

  1. EEI SAN ROQUE (Viveiro)
  2. CEP LOIS TOBÍO (Viveiro)
  3. CEIP de CELEIRO (Celeiro-Viveiro)
  4. CEIP Plurilingüe de COVAS (Covas-Viveiro)
  5. CEIP Plurilingüe SANTA RITA (Galdo-Viveiro)
  6. CEIP O VICEDO
  7. CEIP Plurilingüe PEDRO CASELLES ROLLÁN (Xove)
  8. CEIP PENÍNSULA DA PAZ (San Cibrao)
  9. CEIP de CERVO (Cervo)
  10. CEIP Fondo Nois (Foz)
  11. CEIP Plurilngue SANTA MARÍA DO VALADOURO (Valadouro)
  12. CEIP Plurilingüe VISTA ALEGRE (Burela)
  13. CEIP GREGORIO SANZ (Ribadeo)
  14. IES MARÍA SARMIENTO (Viveiro)
  15. IES VILAR PONTE (Viveiro)
  16. IES ILLA DE SARÓN (Xove)
  17. IES MONTE CASTELO (Burela)
  18. IES PERDOURO (Burela)
  19. IES ALFOZ-VALADOURO
  20. EOI Luz Pozo (Viveiro)

 

  • 28 lecturas

Taller de minerais

Lun, 06/05/2024 - 21:07 — miruca
O pasado xoves catro de abril tivemos o pracer de recibir o renomeado xeólogo Fran Canosa no noso centro para que nos impartira unha agradable clase. Nela explicou, a fume de carozo e de xeito ameno e exemplificado, as propiedades dos minerais. Non era a primeira vez que se realizaba unha actividade con este xeólogo, quen destaca tanto polo ensino como por ser un bo divulgador e defensor do patrimonio xeolóxico. 
 
O taller foi impartido no laboratorio para o alumnado de primeiro da ESO e para o de Bioloxía de segundo de Bacharelato. Cabe destacar as capacidades pedagóxicas do xeólogo, pois explicaba dun xeito tal que os pequenos comprendían perfectamente propiedades mineralóxicas que sorprenderon ata aos máis maiores, profesorado incluído. 
 
Fran, despois de deixar ben clara a diferenza entre rocha e mineral, explicou o hábito, a dureza, a cor da raia o brillo... e as propiedades que máis chamaron a atención: a fluorescencia e a fosforescencia. Sempre de xeito interactivo e cunha peza a disposición para exemplificar cada unha das explicacións, porque o alumnado científico do centro quere convencerse a base de probas. 
 
Podedes acceder ás imaxes aquí.
 
 Gabriela Pedre Lastra - 2º Bacharelato A
  • 26 lecturas

Exposción Especial BD para a Microrrede

Ven, 03/05/2024 - 15:46 — karina
A Microrrede de Bibliotecas Escolares Plambe da Mariña rinde este ano unha especial homenaxe a Francisco Ibañez. A exposición conxunta que se celebrará en Viveiro no 7 ao 10  de maio leva por título 13 rúa da Microrrede, coincidindo coa edición nº 13 da exposición.

No IES Perdouro, quixemos plasmar nunha viñeta os protagonistas da familia Trapisonda de Ibañez. Para iso, inspirámonos do traballo da artista galega de banda deseñada, Bea Lena, recén galardoada no Festival de BD de Angoulème coa súa obra Corpo de Cristo. Ela borda os seus debuxos en formato téxtil.

Un grupo de alumnado de 4º ESO confeccionou empregando a técnica das arpilleras (cosendo a man e a máquina, bordando e planchado) os elementos que iban a compoñer a viñeta de 95cmx75cm. Os retais foron doados por Arranxos a quenes agradecemos moito a súa xenerosidade. En definitiva, fixemos un traballo cooperativo de custo cero. 

Tamén participamos cunha viñeta nunha tira cómica colaborativa, Supermariña e Martiño, entre os 20 centros que forman a Microrrede. O resultado final desta aventura podera verse na exposicón da Sala de Multiusos do Concello do Viveiro.

Ademais, temos feito uns xogos para medir os teus coñecementos en canto a personaxes de BD. Aceptas o reto? Adiante.

XOGO 1 . Heroes e heroínas de BD

 

XOGO 2: Personaxe de BD francófonos

  • 37 lecturas

Campus de verán XuvenCiencia_2024

Xov, 02/05/2024 - 14:53 — mariajpardinas

Mañá, día 3 de maio ás 15:30h, abre o prazo de inscrición para o Campus de Verán XuvenCiencia.

Pode participar o alumnado de 3º e 4º ESO, BAC e Ciclos Medios de FP.

O obxectivo do Campus XuvenCiencia é poñer ao alumnado en contacto directo coas diversas ramas das ciencias experimentais, sociais e da tecnoloxía así como coa contorna universitaria. Ofertan durante 5 días unha multitude de actividades prácticas, tanto na rama Científico-Técnica como na Científico-Social, coa participación de todas as facultades e escolas universitarias da USC no Campus de Lugo e a colaboración de moitas empresas e laboratorios externos.

Duración do Campus: 30 de xuño ao 6 de xullo.

Custo da matrícula: 250€

Poden encontrar toda a información na seguinte ligazón: https://xuvenciencia.org/campus

 

  • 42 lecturas

Aulas Limpas do mes de marzo: a de 4º ESO B volve a ser a mellor aula

Mér, 01/05/2024 - 23:28 — miruca
De novo a aula 204 volve a ser a máis limpa e ordenada. O mobiliario está sempre en orde e destaca a recollida de pilas e de material escolar. Ademais, o seu taboleiro está ben organizado e con traballos expostos de tamaño mural e A4. 

Séguea en puntos a aula 101, pertencente a 4º ESO PDC, e en 3º lugar está a aula 401, de 4 º ESO A, polo que felicitamos o alumnado de 4º ESO, que este mes ocupou os tres primeiros postos de Aulas Limpas. 

Parabéns e ánimo para o resto dos grupos, que aínda quedan un par de meses para ter a aula máis limpa e ordenada. 

Recordade: todas as aulas deben ter caixa ou recipiente para recoller pilas e material escolar. Lembrade tamén deixar as ventás e persianas dos extremos pechadas e as do medio, abertas. As limpadoras recórdannos que deixemos as mesas separadas das paredes para poder pasar limpando por ambos os lados de todas as mesas e que se revisan estas por debaixo para que ninguén pegue chicles. 

 

  • 34 lecturas
Distribuir contido


by Dr. Radut