CEIP Plurilingüe A Fraga

Dendo o día 16 de xaneiro ata o vindeiro 6 de febreiro está aberto o prazo para a reserva de matrícula para cursar 1º da ESO no IES Castro da Uz, centro ao que estamos adscritos, para o vindeiro curso 2023-2024. Pola contra, os que queirades soliticar praza noutro centro disitinto deberedes realizar a solicitude de admisión no centro que elixades.

Para facer dita reserva podedes cubrir o impreso de reserva de matrícula  de forma manual que se da dende a titoría e entregándose neste centro ou tamén se pode facer a través da páxina web edu.xunta.gal-admisión alumnado-solicitudes-reserva-crear ( para a presentación electrónica será necesario dispoñer da Chave 365 ou certificado electrónico).

Calquera dúbida preguntade na secretaría do centro.

O pasado 28 de outubro celebramos o Samaín con unha morea de actividades como a queima dos medos coas meigas que nos visitaron este ano, merenda de castañas, decoración por parte das familias de cabazas, vasoiras e sombreiros e como remate final dunha xornada perfecta participamos nunha xincana con once xogos. Si pinchas na imaxe podes ver unha mostra do moito que gozamos.

O mércores 19 de outubro tivemos a colaboración das compañeiras da Escola Galega de Consumo. Fixeron actividades moi interesantes co alumnado onde aprenderon a mercar con responsabilidade  en datas especiais como o Samaín. Poderedes ver as fotos das actividades na aula virtual no apartado de Dinamización da Lingua Galega.