Co patrocinio de //Afundación, o  xoves día 11 de febreiro os alumnos de 3º e de 4º de primaria acudiron ao auditorio municipal para presenciar o espectáculo musical Cousas de catro do grupo galego Odaiko Percussion Group.

O grupo traballa desde o ano 2003 –ano da súa formación- a percusión na música tradicional de diferentes pobos.

Realizan actuacións no noso país e por todo o mundo, levan a cabo espéctaculos didácticos -coa idea de espertar nos nenos e rapaces o interese pola música- e tamén realizan cursos de percusión por toda a xeografía española. Se vos interesa ter máis información sobre o grupo, podedes acceder á súa páxina web:

http://odaiko.es/                                       

O grupo toma o seu nome do odaiko (大太鼓), o tambor (taiko) xaponés de  maior tamaño e que se toca con baquetas de madeira (bachi).                                                                                                            

No espectáculo, moi divertido, utilizaron como instrumentos de percusión: o propio corpo, as zocas que levaban nos pés, tarrañolas, barrís e tubos de plástico de diferentes tamaños, unha marimba e algúns xoguetes. En repetidas ocasións os nenos acompañaban os artista facendo percusión co corpo e mesmo bailando. Ao final da actuación  apagáronse as luces e só se vían unhas baquetas que brillaban na escuridade e percutían nuns barrís. Resultou espectacular.

ODAIKOS
TARAÑOLAS		MARIMBA
MOMENTOS DA ACTUACIÓN
ALUMNOS E ALUMNAS DE 3º E 4º PRIMARIA

(Fai clic na imaxe para acceder á galería de fotos)

E para rematar a semana tan "entroideira" non podía faltar o remate co noso pequeno desfile polo patio do colexio o pasado venres 5 de febreiro. Grazas a todas as familias por achegarse a vernos e pasar un rato connosco e con todos os nenos e nenas. Aquí vos deixamos unha pequena mostra do mesmo.

Mirade que ben seguimos ao longo da semana os "mandados" do MECO:

O LUNS PUXEMOS UN MANDIL...
O MARTES ADORNAMOS O PESCOZO: GRAVATAS, LAZOS, COLARES, COLGANTES... TODO VALÍA PARA PROVOCAR ALEGRÍA...
O MÉRCORES PUXEMOS LENTES... GRANDES, PEQUENAS, DA PAZ, DO AMOR, MONSTRUOSAS...
O XOVES ADORNAMOS AS CABEZAS: GORROS, CASCOS, FLORES, ORELLAS, DIADEMAS, PERRUCAS E ... ANTENAS!!

E case sen darnos conta xa está aquí o ENTROIDO. Coma todos os anos comezamos coas ORDES DO MECO. Atentos as mesmas e non vos despistedes!!

Como xa comentamos nunha entrada anterior ao longo da semana do 25 ao 29 de xaneiro estivemos traballando nas aulas as propostas dos diferentes equipos dinamizadores para a celebración do DÍA ESCOLAR DA NON-VIOLENCIA E DA PAZ. Aquí vos deixamos unha pequena mostra do que realizamos de forma conxunta:

Un ano máis, o IES 12 DE OUTUBRO, centro de Educación Secundaria ao que están adscritos os nosos alumnos/as unha vez rematada a etapa de Educación Primaria, organiza unha xornada de portas abertas dirixida aos rapaces e rapazas de 6º de primaria e ás súas familias para que coñezan as instalacións do instituto e a oferta educativa do mesmo. Esta visita ás instalacións do citado instituto realizarase o próximo mércores, 3 de febreiro ás 11:45 h. 

É importante que os pais/nais e/ou titores legais acompañen aos seus fillos/as para que o coñezan de primeira man e poidan consultar ou aclarar as dúbidas que teñan sobre a nova etapa educativa que van comezar os seus fillos/as. Para iso poden facer uso do propio autobús no que irán os rapaces e que sairá dende o centro o vindeiro día 3 de febreiro ás 11:30 h.

Picando no enlace poden descargar a ficha adxunta de autorización cos datos da saída:

Notificación ás familias/alumnado 6º EP: XORNADA DE PORTAS ABERTAS NO IES 12 DE OUTUBRO 

Ao longo da semana do 25 ao 29 de xaneiro estamos preparando nas aulas a celebración do DIÁ ESCOLAR DA NON-VIOLENCIA E DA PAZ con diversas actividades  que culmirán o vindeiro venres, 29 de xaneiro, cun pequeno acto conxunto onde se lerán algunhas poesías e cantaremos entre todos dúas cancións alusivas á PAZ. A primeira, do grupo JUANES, titúlase PAZ, PAZ, PAZ. A segunda, EL ROCK DE LA PAZ. Aquí vos deixamos as letras e os vídeos das dúas cancións.

Hoxe damos a noraboa a Miguel Vázquez Iglesias, alumno de 4º curso de primaria, por ser un dos premiados no concurso de cartas ao Apalpador 2015. Esta mañá recibiu no colexio o seu premio consistente en varios libros e unha camiseta, ademais dunha carta moi especial de agradecemento que lle enviou o propio Apalpador.

(Fai clic na imaxe para acceder ao blog da biblioteca escolar onde podedes ler a carta que escribiu Miguel)

Enlace á páxina web oficial do Apalpador onde saiu publicada a relación de gañadores o pasado 01 de xaneiro.

 ttp://www.apalpador.com/as-nenas-e-nenos-dannos-unha-leccion-de-solidariedade-nas-suas-cartas-ao-apalpador/

O luns 18 de xaneiro os alumnos/as de 5º e 6º de Educación Primaria acudiron ao Auditorio Municipal de Ourense para presenciar o espectáculo teatral e musical en inglés titulado ALICE. Espectáculo representado polo grupo BLUE MANGO THEATRE  e promovido pola entidade Afundación dentro das súas actividades para escolares.

A obra é unha versión moderna do clásico de "Alicia no país das maravillas" de Lewis Carroll.

Para coñecer máis sobre esta actividade clicade nas imaxes para acceder ao blog do departamento de inglés.

E o esperado FESTIVAL DE NADAL, coma todos os anos, os alumnos e alumnas, dende infantil ata primaria, mostraron as súas dotes artísticas, aquí tedes o programa:

E as diferentes actuacións: