O pasado 9 de febreiro celebramos o ENTROIDO no cole, cun desfile, no que para seguir o fío do noso proxecto de centro, viaxamos polo mundo. Isto axudounos a aprender un pouco máis da cultura de cada un dos lugares sobre os que estamos traballando nas aulas.
Deixámosvos aquí as fotos coas carautas que creastes nos fogares para decorar a entrada do colexio.
MENUDAS OBRAS DE ARTE!!
Moitísimas grazas a todos e todas por participar.
 |
 |
 |
 |
 |
 |
Nas seguintes imaxes podedes ver como se celebrou ou Entroido no centro.
Durante a semana fomos seguindo os MANDADIÑOS DO MECO e os nenos e nenas de 1ºA amósanvos como nos tocou disfrazarnos.
E o venres chegou o día máis esperado. A celebración do ENTROIDO seguindo a temática do MUNDO DA MÁXIA.
Unha vez feitas as fotos dos distintos grupos comezamos co tradicional DESFILE polo patio.
Como en todo DESFILE que se precie, non podía faltar a MÚSICA e para iso contamos coa CHARANGA LIKOR-K grazas á COLABORACIÓN DA ANPA.
O pasado venres celebramos o ENTROIDO logo dunha semana seguindo os mandatos do MECO. Canta cor había no cole. Deixámosvos aquí as fotos da semana.
Xa se achega o tempo de ENTROIDO e no cole imos comezar o luns cos MANDATOS DO MECO para ir entrando en acción.
O venres 25 celebraremos o Entroido no cole e podedes vir disfrazados como máis vos guste e propoñémosvos un RETO:
CREADE O VOSO DISFRACE ÚNICO, ESPECIAL, ENXEÑOSO E CREATIVO CON MATERIAIS QUE TEÑADES POLA CASA.
Farase unha mención especial na web aos disfraces que participen no RETO.
Animádesvos?
QUE EMPECE A FESTA!!
Déixámosvos aquí os mandatos para que non perdades ningunha consigna.
É TEMPO DE ENTROIDO
E QUIXEMOS TROULEAR!!
A PESARES DESTA PANDEMIA...
DISFRAZÁMONOS E BAILAMOS SEN PARAR!!
Así o fixemos o pasado venres, 12 de febreiro. Respectando as medidas de seguridade sanitaria previstas no protocolo Covid-19. Os nenos e nenas viñeron disfrazados de forma libre ao colexio, é dicir, cada un co disfrace da súa elección.
Organizouse un pequeno desfile para que todos os grupos se puidesen ver, logo cada grupo-clase bailou e trouleou, no espazo que teñen asignado para os recreos, ao ritmo de música "entroideira".
Aínda que dun xeito diferente, foi unha xornada divertida para todos/as!!
Na seguinte presentación tedes unha selección de imaxes deste entroido 2021:
E o noso entroido no suplemento XORNAL ESCOLAR do xornal LA REGIÓN:
Xa nos estamos achegando cara á celebración do ENTROIDO, pero este ano, por causa da situación sanitaria que padecemos, tamén teremos unha celebración algo distinta, esta semana non celebraremos a tradicional semana das ordes do Meco, aínda que esperamos disfrazarnos o vindeiro venres, 12 de febreiro.
Pero os alumnos e alumnas de 3º de Educación Primaria xa participaron nun obradoiro sobre esta celebración tan arraigada no pobo galego, e particularmente no ourensán. Ao centro desprazáronse uns monitores do Concello de Ourense, entidade que patrocinaba a actividade, para realizar un obradoiro sobre AS MÁSCARAS DO ENTROIDO OURENSÁN que consistiu en dúas partes ben diferenciadas:
- Unha parte teórica: nun mapa da provincia de Ourense, os monitores fóronlles sinalando as vilas ourensáns onde se celebra esta festa de forma máis relevante, explicándolles cales eran os seus os costumes e os traxes típicos.
- Unha parte lúdica e plástica: os nenos e nenas decoraron en principio 4 das personaxes típicas do entroido ourensán: A PANTALLA DE XINZO DE LIMIA, O CIGARRÓN DE VERÍN, O BOTEIRO DE VIANA E O PELIQUEIRO DE LAZA. Finalmente tamén decoraron un BOTEIRO DE VILARIÑO DE CONSO.
O principal obxectivo do obradoiro era: "contribuír a conservación das nosas tradicións dunha maneira lúdica e pedagóxica traballando distintas áreas de coñecemento como son a plástica e a pintura, a lingua galega e as ciencias sociais".
Aos alumnos e alumnas encantoulles esta actividade que remataron adornando a porta da súa aula coa máscara dun BOTEIRO DE VIANA.
|
|
|
Xunta de Galicia - Consellería de Educación, 2013 | ||
