O mércores, 4 de novembro, os alumnos/as de 5º e 6º de Educación Primaria acudiron á Escola Municipal de Artes Escénicas para presenciar e participar na actividade promovida polo Concello de Ourense "EN ESCENA": ESPECTÁCULO DE DANZA CONTEMPORÁNEA + OBRADOIRO COA COMPAÑÍA DE DANZA SóLODOS .

Os principales obxectivos desta actividade son os de dar a coñecer a danza contemporánea, animar ao alumnado a practicar danza e experimentar e recoñecer a riqueza expresiva dos movementos corporales, xa sexa postural, xestual ou actitudinal.

Comezou o espectáculo cunha breve explicación e presentación da actividade indicando tamén os principios básicos da danza, despois houbo a representación de dous dúos de danza contemporánea que forman parte do repertorio da compañía SóLODOS E DA COMPAÑÍA Sparber-Martínez.

Finalmente realizouse un obradoiro no que os nenos e nenas participaron activamente e aprenderon conceptos e ideas sobre a danza contemporánea, así como diferentes formas de realizar unha coreografía, fixeron preguntas e traballaron cos bailaríns no escenario. Resultou unha actividade moi interesante e motivadora para o alumnado na que viviron unha nova experiencia ao ser por primeira vez protagonistas enriba dun escenario. 

O día 4 de novembro os alumnos de 3º e 4º curso de primaria acudiron ao Auditorio Municipal para gozar da representación teatral NANA PARA UN SOLDADO do grupo Teatro dos Ghazafelhos 

Dun xeito á vez cómico e poético, móstrase o máis duro da guerra e tamén o máis fermoso das persoas.  

Comeza a representación e comeza a guerra: unha familia de coelliños morre por causa dunha bomba. Segue a representación e  dous soldados inimigos coinciden frente á casa de Aurora, unha muller que espera un bebé. No medio da contenda os tres son quen de compartir o pouco que teñen, pero a guerra é implacable.

 A obra fainos reflexionar sobre o absurdo da guerra que só trae consigo a morte e a destrución. 

Un ano máis xa chegou o día do SAMAÍN - HALLOWEEN, e nocole fixemos diferentes tipos de actividades relacionadas con esta data. Os alumnos/as de Educación Infantil traballaron unha unidade didáctica sobre o Samaín e plasmaron con distintas técnicas o mundo "dos seres terroríficos" (pintaron pedras, fixeron banderíns, pintaron rolos de papel, confeccionaron carautas...)   Nenos e nenas de 1º e 2º de Educación Primaria traballaron na área de plástica (materia impartida en inglés) a festividade de Halloween e confeccionaron cabazas con cartolina. En 4º de Educación Primaria xogaron cos famosos "hama-beads" para realizar caveiras, bruxas...,  Samantha, a nosa auxiliar de conversa, realizou presentacións adaptadas aos distintos niveis (2º, 3º, 4º 5º e 6º de primaria), para ensinarlles aos alumnos/as como se celebra a festividade de Halloween, ademais de xogos, cancións... e realizou tamén un concurso para todos os alumnos/as de primaria do cole. E por suposto na biblioteca do centro non faltaron as actividades relacionadas con estas celebracións: concurso de carteis sobre os personaxes malvados dos contos, taller de confección de cabazas, terceira edición do concurso de contos de medo e unha ampla exposición dos fondos existentes na biblioteca relacionados con esta temática.   E como sempre non faltou a decoración en todo o colexio: murais, debuxos, guirnadas... polas aulas e corredores!!

No deixedes de visitar o blog da biblioteca escolar, os blogs de infantil, o de inglés e o blog de dinamización da lingua galega, alí podedes atopar máis información e/ou imaxes sobre esta celebración. 

II EXPOSICIÓN DE FROITOS DO OUTONO

Xa temos na entrada do colexio a II Exposición de Froitos de Outono. Premede nas imaxes para enlazar co blogue do Equipo de Dinamización da Lingua Galega para coñecer todos os detalles da mesma. 

Un ano máis participamos no Plan Director para a Convivencia e Mellora da Seguridade nos Centros Educativos e nos seus Contornos. Este plan, promovido polo Ministerio de Interior en colaboración coas Comunidades Autónomas, pretende dar, coas actuacións recollidas no mesmo, respostas coordinadas e eficaces a todas as cuestións relacionados coa seguridade dos nenos/as nos centros educativos e nos seus arredores. 

Dentro das actuacións ofertadas neste plan, o pasado mércores, 6 de outubro, os alumnos/as de 5º e 6º de primaria asistiron no centro  a unha charla impartida por un membro do Corpo Nacional de Policía sobre o uso das novas tecnoloxías e os seus riscos. Os nenos coñeceron cales son os perigos cos que se poden atopar ao navegar por Internet e polas redes sociais, como evitar o "grooming" ou acoso sexual a menores, como elexir páxinas máis seguras, os riscos das páxinas de descargas de Internet, etc.  

Na seguinte imaxe tedes uns pequenos consellos para disfrutar dunha navegación segura pola rede e o vídeo títulado "Las 10 claves para usar Internet con seguridad":

(Premede na imaxe para acceder a máis información)                (Vídeo de www.pantallasamigas.net)

Ao longo deste curso escolar, e por segundo ano consecutivo, o noso centro forma parte da comunidade de VOZ NATURA. Voz Natura é un programa de educación medioambiental posto en marcha pola fundación Santiago Rey Fernández-Latorre no curso 1997-1998. A súa finalidade  é "implicar á comunidade escolar de Galicia na recuperación e defensa da natureza da nosa Comunidade".

Cada ano o programa está centrado nun tema concreto, o curso pasado estivo adicado aos hortos escolares, e o presente está adicado á protección de todos os ecosistemas autóctonos de Galicia "coa finalidade de fomentar, en particular, o desenvolvemento de actividades que repercutan na protección dos chans". Desta forma o programa tamén se suma á declaración realizada por parte das Nacións Unidas de proclamar o ano 2015 como Ano Internacional dos Chans.

O noso proxecto deste curso titúlase "Re-xeneración: verde no canto de marrón", e aínda que continuaremos coas nosas actividades do horto escolar, "escola pote guapa", talleres, etc. e centrándonos tamén no lema deste curso, adicarémonos á limpeza e recuperación do recinto do noso centro, plantando árbores autóctonas e froiterias.

Se queredes seguir o noso traballo ao longo do curso accedede ao blog do noso proxecto de Voz Natura onde podedes ver o traballo que realizamos cada semana: 

 Premede na imaxe da cabeceira do blog para acceder ao mesmo 

O xoves, 24 de setembro, os alumnos de 1º, 2º e 3º de Educación Primaria participaron no recinto escolar na actividade PROTEXENDO O CAMIÑO. O obxectivo desta actividade era dar a coñecer aos cativos o Camiño de Santiago e que valoren o seu poder cultural, económico, patrimonial e social, fomentando valores de respecto e posta en valor do mesmo. Foi realizada polo grupo POLO CORREO DO VENTO, colectivo especializado en actividades pensadas para o público máis novo co fin de promover a lectura, a comprensión oral en galego e o desenvolvemento da creatividade e a expresión artistica dos nenos e nenas. 

Os nenos/as coñeceron a historia de Iago e Peregrina, debuxante e fotógrafa, que realizan o Camiño de Santiago tentando protexer as rutas dos riscos que poden sofrer (lixo, feísmo, falta de civismo cos peregrinos ou dos peregrinos, etc...).

Participaron tamén activamente realizando debuxos e reflexionando dun xeito lúdico sobre o que podemos facer para protexer o Camiño.

O mércores, 23 de setembro, os alumnos/as de 6º curso disfrutaron dunha xornada "saudable" grazas a colaboración da cadea de supermercados EROSKI. Co fin de promover nos rapaces/zas unha alimentación equilibrada e uns hábitos de vida saudables, o programa desta actividade contou con dous momentos diferenciados:

1º- Persoal do supermercado acudiu ao noso centro para explicar aos alumnos/as a organización de todo o hipermercado, como se realiza o traballo en equipo, as diferentes seccións ... Tamén lles explicaron as claves dunha alimentación saudable, os distintos tipos de nutrientes, a pirámide dos alimentos, a frecuencia de consumo...

2- A actividade completouse coa visita ao centro Eroski situado no barrio da Ponte. Alí coñeceron as distintas seccións: froitería, carnicería, peixería... falaron cos encargados de cada unha e comprobaron, por exemplo, os utensilios que empregan na carnicería, na peixería, as medidas de seguridade... como se conservan os produtos conxelados,  a sección de hixiene...

Remataron a xornada coa degustación dunha merenda saudable a base de froitas, zumes e iogures. Durante a mesma o nenos/as participaron en diversos xogos nos que trataban de adiviñar diferentes alimentos polo tacto ou polo gusto.