ACTUACIÓN DE MINI E MERO NO NOSO COLEXIO

O pasado venres, día 5 de abril, foi un día moi especial para todos nós. Despois do recreo, os nosos profesores programaron un concerto musical de MINI e MERO, dentro do proxecto educativo dos ANDRADE, incluído nas actividades da Biblioteca do Centro para o presente curso escolar. Nos días previos ao concerto, en cada clase estivemos coñecendo un pouco maís a Mini e Mero. Decubrimos que os seus verdadeiros nomes son Xosé Luis Rivas Cruz -MINI- e Baldomero Iglesias Dobarrio -Mero-. Tamén soubemos que ambos son chairegos: Mini, naceu en Pacios-Baamonde, e Mero é viciño noso, de Vilalba. Os dous son músicos, poetas, mestres e investigadores da cultura e do folklore galegos. Coñecemos que ambos foron hai xa anos dous dos principais compoñentes do grupo FUXAN OS VENTOS na súa época de esplendor. Máis tarde, formaron o grupo A QUENLLA, grupo no que están na actualidade. No mes de abril de 2009 foilles concedido o Pedrón de Ouro como recoñecemento á súa traxectoria de corenta anos de investigación musical. En setembro de 2011 concedéuselles o X Premio Ramón Piñeiro-Facer País, organizado pola agrupación cultural Val de Láncara.

A medida que se ía acercando o momento da súa actuación, os nervos ían tamén en aumento pero ao mesmo tempo estabamos moi ilusionados en poder escoitar a súa música. E podémosvos dicir que foi unha actuación marabillosa, emocionante e participativa. Oímos dende cancións medievais ata outras máis populares, nas que non nos foi nada difícil poder acompañalos nos seus estribillos. Todos participamos de xeito espontáneo e abofé que non nos saía mal de todo. O peor foi que o tempo pasóusenos moi rápido e ás 14:30, hora da comida, tiveron que rematar a actuación a pesares dos nosas peticións de "outra, outra, outra".

En fin, que o pasamos moi ben con Mini e Mero e coa súa música. Agardamos poder volver a velos no noso Colexio o máis pronto posible. Graciñas por facernos pasar unhas horas tan agradables e máxicas. 

 

ÁLBUM DE FOTOS Nº 2: CONCERTO DE MINI E MERO COS MÁIS GRANDES (preme na imaxe)

O pasado venres, 22 de marzo, celebramos no noso Colexio o Día da Árbore, plantando varios arbustos e unha bidueira. Alumnos de 5º e 6º de Primaria participamos nas tarefas de plantación que levamos a cabo con moito gusto: Primeiro cavamos na terra para facer os ocos onde irían as plantas, que deben ser dúas veces máis ancho que o cepellón, ou o groso das raíces. A continuación removemos un pouco a terra. Logo sacamos as plantas e máis a bidueira dos testos e introducímolas no furado feito, de xeito que quedasen ao nivel do chan. A continuación, enchimos os ocos con terra e reafirmamos o terreo pisando ben ao redor. Para finalizar a operación, démoslle un bo regado á zona. A partir de agora, teremos que prestarlle a atención necesaria para que medren e vivan o maior tempo posible.

Para ver o álbum de fotos completo, prema AQUÍ

FOTOS DA NEVADA DO 13-03-2013

IMAXES DA SESIÓN DE CONTACONTOS A CARGO DE MANOLO FERREIRO ORGANIZADA POLA BIBLIOTECA DO COLEXIO ENMARCADAS NO PROXECTO DIDÁCTICO DOS ANDRADE. 

DESEÑO COMPARTIDO POLOS COLEXIOS CEIP MATO VIZOSO, ESCOLA DE EDUCACIÓN INFANTIL E CEIP INSUA BERMÚDEZ PARA CONMEMORAR O DÍA ESCOLAR POLA PAZ 2013.

OS ALUMNOS E ALUMNAS NAS RESPECTIVAS AULAS DEBUXARÁN, COLOREARÁN E ENGADIRÁN AS MENSAXES QUE ESTIMEN CONVENIENTE. 

A COMUNIDADE EDUCATIVA DO CEIP ANTONIO INSUA BERMÚDEZ DESÉXAVOS A TOD@S UN MOI FELIZ ANO 2013.

 PREMIOS CONCURSO DE POSTAIS

Nadal'2012
ASOCIACIÓN DE NAIS E PAIS DE ALUMNOS - A.N.P.A.
C.E.I.P. “A. INSUA  BERMÚDEZ” - VILALBA
 
PREMIO EXTRAORDINARIO
ÉRICA CURRÁS BLANCO, 4ºA

RESTO DE PREMIADOS
 EDUCACIÓN INFANTIL
YERIAM GATO FERNÁNDEZ, INF-4 ANOS
1º CICLO PRIMARIA
ÓSCAR VEIGA GONZÁLEZ, 1ºA
   2º CICLO PRIMARIA
ÉRICA CURRÁS BLANCO, 4ºA
3º CICLO PRIMARIA
RARES MEZDREA, 5ºA 

Visítanos, Javier Gómez Noya, un supercampión do Triathlon.

Nunha xornada na que a climatoloxía non axudaba nada ao viaxe, o triatleta ferrolano D. Javier Gomez Noya, a quen non se lle soen facer moitas presentacións por ser ben coñecido; no seu palmarés conta entre outras cunha medalla de prata na Olimpiada de Londres 2012 e foi  campión de Europa e Campión do Mundo en varias ocasións.

A sua chegada, con movementos fan incluidos, foi o preludio dunha charla amena na que se lle tratou como a un superhome. acompañado pola súa moza e por Adrián, das escolas de triatlon, conseguiu que puideramos ver ademais do superdeportista a unha persoa humilde, sinxela e traballadora que nos animou a buscar e a traballar polos nosos obxectivos na vida, a levar unha vida sana, facer un bo desaiuno e tomar alimentos saudables. Fixo un breve repaso da sua vida deportiva comezando pola etapa escolar ata a actualidade e ao rematar respondeu ás preguntas que lle fixo o alumnado:

Os alumnos preguntaron sobre o que se sinte ao estar no poium, á súa dieta e alimentación, as calorias consumidas nun dia duro de entrenos, ás horas de entreno, sobre o tema cardiaco que o tivo apartado da competición fai uns anos, sobre os seus competidores e os famosos irmáns británicos de Yorkshire, Jonathan e Alistair Brownlee.

Ao rematar deixounos unha dedicatoria para o alumnado do centro e fixo unha foto de grupo con tódolos asistentes.

Moitas grazas pola visita desinteresada e por ser tan bo exemplo de esforzo e superación na vida e no deporte. Grazas Javi seguiremos as túas andainas e a polo ouro nas olimpiadas de Rio de Janeiro 2016. 

 VER CARTAZ