O pasado venres tivemos unha gran sorpresa, viñeron a visitarnos algúns dos xogadores e entrenadores do RACING CLUB VILLALBÉS. Estivemos compartindo un tempiño con eles preguntándolles dúbidas, vendo como controlaban o balón... e ata nos asinaron autógrafos!!!!!!

Ademáis do recordo que nos queda deixáronnos un agasallo como recordo do seu paso polo cole.

MOITAS GRAZAS!!!

O alumnado de 5º curso de Primaria visitou na Cidade de Santiago O Parlamento de Galiza coñecendo o Edificio, as funcións do Parlamento e os parlamentarios, logo viaxamos ao edificio do Goberno Autonómico, a Xunta de Galiza onde nos explicaron particularidades do edificio ata a actualidade e o traballo que alí se desenvolve, sentamos na sala do Presidente e Conselleiros e fomos repasando as funcións e presupostos de cada Cansellería.

Pola tarde logo de xantar acudimos a Catedral de Santiago de Compostela, subimos aos tellados, visitamos o museo e o Pórtico da Gloria coa policromía restaurada.

Un día pletóorico cheo de vivencias, experiencias e información.  

BASES DO XXV CERTAME BENXAMÍN PAZ DE NARRATIVA, POESÍA E DEBUXO

PRIMEIRA.-
Poderá́ concorrer ao Certame todo o alumnado de Educación Infantil e de Primaria pertencente a centros educativos Do Concello de Vilalba.

SEGUNDA.-
Establécense tres modalidades: POESÍA e NARRATIVA, para Educación Primaria, e DEBUXO, para Educación Infantil.

TERCEIRA.-
Os traballos de Poesía e Narrativa (PRIMARIA), de temática libre, estarán escritos en lingua galega conforme á normativa vixente. Os textos deberán ser inéditos e totalmente orixinais. Cada participante pode presentar un único traballo. Poderán presentarse a ordenador ou manuscritos, en papel DIN A-4, por unha soa cara. Enviarase SOAMENTE O ORIXINAL, figurando na parte traseira do folio os DATOS PERSOAIS, O CICLO, O COLEXIO E A MODALIDADE á que concorre. (PRÉGASE NON GRAMPAR)

CUARTA.-
Os Debuxos (INFANTIL) presentaranse en cartolina formato DIN A-4. Poderá́ empregarse calquera técnica e a temática será́ libre. Os DATOS PERSOAIS, O NIVEL e O COLEXIO figurarán na parte posterior da cartolina.

QUINTA.-
Os traballos serán dirixidos a:

CEIP “Antonio Insua Bermúdez”, Rúa Cuart de Poblet, s/n,
27800 Vilalba

SEXTA.-
O prazo de admisión de traballos rematará ás 15 HORAS DO DÍA 24 DE MAIO DE 2024.

SÉTIMA.-
O Certame estará dotado cos seguintes premios:

1.     

MODALIDADE POESÍA E NARRATIVA; BENJAMIN PAZ (Primaria)

• 1º e 2º  de Ed. Primaria: Lote de material e diploma.
• 3º e 4º  de Ed. Primaria: Lote de material e diploma.
• 5º e 6º  de Ed. Primaria: Lote de material e diploma.

2.     

MODALIDADE DEBUXO-PREMIO DAVID DÍAZ VÁZQUEZ (Infantil)
Infantil 3 anos: Lote de material e diploma.
Infantil 4 anos: Lote de material e diploma.
Infantil 5 anos: Lote de material e diploma.

3.     

MODALIDAD LIBRE PARA ALUMNADO CON N.E.E.

OITAVA.-
O Xurado, se o estima oportuno, poderá declarar os premios desertos, distribuír a contía dos mesmos ou aumentalos con accésits. En calquera caso a súa decisión será inapelable e polo feito de concorrer ao Certame así deberá aceptarse.

NOVENA.-
O Xurado estará formado por persoas de recoñecida competencia nas materias ás que se refiren as presentes Bases. A súa composición ha ser dada a coñecer xunto coa emisión do resultado.

DÉCIMA.-
O ditame do Xurado será difundido a través dos distintos medios de comunicación. A entrega de premios efectuarase nos centros educativos no mes de  xuño.

ADMISIÓN ALUMNADO 2024-2025

Dende hoxe, 25 de abril, publicaranse no taboleiro do colexio as listaxes provisionais de alumnado admitido para o curso 2024/2025. 

Dado que en ningún dos cursos se superou o número de vacantes, TODAS AS SOLICITUDES QUEDAN ADMITIDAS. 

O 15 de maio, publicaranse as listaxes definitivas e o prazo de formalización de matrícula abrangue do 20 ao 30 de xuño.

DÍA DO LIBRO 2024

Hoxe celebramos no cole o DÍA DO LIBRO con dúas actividades diferentes, na primeira actividade puidemos desfrutar coa profe Susana narrándonos o conto do que é autora "Aurora Conductora e Dragoncín Cantarín". E na segunda, o alumando de 6ºA representaron con títeres "El Castillo de Piedra".

XORNADA B CLASIFICATORIA ATLETISMO ESCOLAR  BENXAMÍN, ALEVÍN e INFANTIL. Domingo 28 abril 2024

LUGAR DA PROBA: Estadio Atletismo Gregorio Pérez Rivera de Lugo, xunto ao Pavillón Novo do Breogán.

HORARIO: Non temos transporte desde Vilalba. Debemos estar 30 minutos antes de cada proba, vide con tempo para coller dorsal e estar na cámara de chamadas para cada proba. O Horario definitivo sairá o venres antes da proba e pode haber cambios a posteriori. Controlade as vosas probas, marcádeas no horario e contade cos 20 min antes da cámara de chamadas. Enlace para ver as series, resultados na web da FGALugo

XORNADAS COMPETICIÓN

• Domingo  28 abril – 2ª CLASIFICATORIA  Xornada B
• Domingo 2 xuño _ CAMPIONATO PROVINCIAL

CATEGORÍAS ( Non existe competición cadete)

•  BENXAMÍN: Nados nos anos 2015-2016 masculino e feminino
•  ALEVÍN......: Nados nos anos 2013-2014 masculino e feminino
•  INFANTIL...: Nados nos anos 2011-2012 masculino e feminino

PROBAS: En todas as xornadas cada atleta poderá participar como máximo en dúas probas. Neste caso, unha delas será unha carreira e a outra poderá ser un concurso (salto ou lanzamento). As remudas non contabilizarán como proba, serrá mixta e limitada a dous equipos máximo por proba.

 En cada xornada  combinaránse as tres categorías e as modalidades segundo os tipos de xornada:

INSCRICIÓN  Gratuíta.  Límite ate o luns, 22 abril, anterior á proba. Precisamos enviar Nome, Apelidos, data de nacemento ao whastapp 616501003 Agradécese facelo o venres pola tarde e o finde previos.

EQUIPACIÓN DO INSUA: levade a equipación do Insua se a tedes. Camiseta do Insua e lembrade devolvela ao final dos campionatos de atletismo.

COMPORTAMENTO: agárdase comportamento exquisito de tódalas persoas deportistas, representamos ao Insua Bermúdez e calquera acción que perxudique a imaxe do centro educativo, levará a non contar coa persona infractora en próximas ocasións. Na pista soamente poden estar atletas participantes na proba e entrenadores, resto gradas ou detrás valados.

SERIES DE SAÍDA E RESULTADOS:      Enlace PENDENTE para ver as series, resultados na web da FGALugo . As series onde pon RESULTADOS(Cando o habiliten)    WhatsApp Suso616501003.

CLASIFICACIÓNS : Clasificarán para o campionato provincial un máximo de 16 atletas por proba que corresponderán coas mellores marcas (ou puntuacións nos concursos benxamíns) realizadas na fases previas correspondentes ao programa XOGADE. Na final provincial realizarase o programa completo de probas. Unha xornada o programa benxamín e alevín e noutra xornada o programa infantil.

HORARIO PROVISIONAL da XORNADA B

INSCRICIÓN. As inscricións, de balde para todas as categorías, serán do 15 ata o 25 de abril (ambos inclusive) exclusivamente a través do centro educativo co/a docente especialista en Educación Física/ dos distintos centros.

DATA e LUGAR DO EVENTO.

A XIV Carreira Popular das Letras Galegas, vaise celebrar o 10 de maio de 2024 no estadio da Madalena (pista de atletismo), a partir das 11:00 horas.

No caso de que existan inclemencias meteorolóxicas adversas, o evento terá lugar en datas posteriores (data a escoller, por consenso, entre o Concello e os colexios)

CATEGORÍAS, DISTANCIAS E HORARIO APROXIMADO.

ATENCIÓN Á DIVERSIDADE.

A distancia en cada categoría poderase axeitar as necesidades dos participantes, con especial atención a aqueles que presenten diversidade funcional, ou outras características.

O alumnado participante matriculado nos CEIPS nado en anos anteriores ao 2012 participará na categoría alevín.

ITINERARIO DE ACCESO E SAÍDA DA PISTA.

Os participantes, ante a chamada para o inicio da súa categoría, accederán á pista baixando polas escaleiras centrais da grada. Unha vez rematada a proba,

retornarán ao seu espazo reservado polo lateral das gradas situado ao carón da liña de meta.

AVITUALLAMENTO E PREMIOS.

Os participantes recibrán unha auga e unha peza de comida. Ao ser probas participativas non competitivas, todo o alumnado participante recibirá unha medalla.

CONTROL DE ACCESOS.

Acceso permitido para pais/nais/titores ou familiares do alumnado á grada pequena do Estadio da Madalena. A grada principal estará reservada para o alumnado e profesorado.

OUTRAS DISPOSICIÓNS.

•  Os centros educativos contarán cun servizo de autobuses para participar no evento, a cargo do Concello de Vilalba.

• A proba conta cun seguro de Responsabilidade Civil e un seguro de accidentes deportivos obrigatorio para os participantes.

• Cada centro educativo dispoñerá dun espazo reservado para os seus alumno.

ACEPTACIÓN DO REGULAMENTO DAS CARREIRAS.

A inscrición e participación na XIV Carreira Escolar das Letras Galegas supón a aceptación das normas.

A organización da proba reservarase o dereito de decidir sobre calquera aspecto ou circunstancia non contemplada neste regulamento.

You Tube censura por Dereitos de Autor a Canción de AC DC, polo que polo momento subímolo ao Drive de Google e a ABALARBOX compartillamos dende aquí. Estudaremos outras formas de compartillalo.  

• ENLACE GOOGLE DRIVE https://drive.google.com/file/d/1I_LLc816qgas19oLo-NA6GW-u0Wc3Z_d/view?usp=drive_link
• ENLACE ABALAR BOX https://abalarbox.edu.xunta.gal/index.php/s/fxkTgqXQJpRe3fx

Descargade o Arquivo de 1.7 Gb e abrideo co voso reprodutor multimedia habitual.

O Domingo 21 de Abril de 2024 o alumnado AUTORIZADO do CEIP A. Insua Bermúdez e invitados asegurados en XOGADE, participarán no PROVINCIAL XOGADE DE DUATLÓN en XERMADE(Lugo) .

 Inscrición: o alumnado do cole e os invitados/as apuntaranse co profe Suso ata o luns anterior 15 de abril. Precisamos nome, apelidos, Data de Nacemento e DNI se o ten. Mandar estes datos ao tlfno 616501003, profe Suso antes dese luns 15 de abril, logo será imposible inscribir a ninguén. 

 Alumnado participante: Aberto a tódolos atletas que desexen participar. Alumnado que se inscriba para a proba no XOGADE co cole pero competimos co clube filial Triatlón Vilalba, alumnado de 2ª a 6º máis a ESO.

Transporte: Gratuito desde o CAMPO DA FEIRA  de Vilalba, ás 9:15 h do domingo 21 abril a Xermade Ida e Volta. Indicar ao inscribirse se se fará uso do bus de transporte ou non. As Bicicletas irán no maleteiro do Bus. 

 Lugar da proba: XERMADE. Saída transición e meta Praza de Xermade.

 Material:

• DNI ou documento no que figure Nome Apelidos e foto (carnet biblioteca...)
• Casco de bicicleta.
• Bicicleta (con rodas e frenos en bo estado e manetas sen furados polos lados). Sería bo que tivera marchas. Non se admiten: patas de cabra, cestas portaobxectos ou accesorios que sumen peso ou sexan perigosos para resto participantes, retirádeos na casa.
• Dorsais e Verificacións: Unha hora antes da primeira proba recollida por nome e apelidos na carpa de organización. 10 minutos antes de cada proba por categoría ábrese a verificación técnica, por orde de dorsal, deberase presentar o atleta co casco posto e a bicicleta na fila de entrada ao aparcamento de bicis, zona de transición. Despois de chegar a meta lembrade recollelas.
• O tráfico pecharase unha hora antes do comezo da primeira proba. SE queredes aparcar preto chegade antes do peche do tráfico. 

Distancias das probas por categorías  Horario aproximado :  

• Benxamíns: (nados 2015 ao 2016[curso 2º e 3º ]). Proba: 400m. carreira + 2.000m bici + 200m de carreira. Hora de 10:50 a 11:00.
• Alevíns: (nados 2013 ao 2014. {curso 4º e 5º}). Proba: 800m carreira + 4.000m bici + 400 m de carreira. Hora de 11:20 a 11:30.
• Infantís: (nados 2011 ao 2012. {curso 6º e 1º ESO}- Proba 1200m carreira + 6000m bici + 600m de carreira. Hora 11:50 a 12:00.
• Cadetes: ( nados  2009 ao 2010. {curso 2º e 3º ESO}- Proba 2000 m carreira + 8000m bici + 1000m carreira. Hora 12:20 a 12:30.

Rematar a proba recibirán auga e algo para repoñer forzas, se queredes podedes levar algo máis de auga e comida.

PREMIOS: os que rematen a proba quedarán clasificados para os premios individuais e por equipos.Este provincial é aberto a tódolos participantes, os que se clasificaron na primeira carreira e os que queiran participr sen estar clasificados anteriormenet.  O equipo configurase cun mínimo de 3 participantes e cun máximo de 6.

Os tres primeiros recibirán medalla no acto de premiación ao final do evento, se quedades entre os 3 primeiros debedes quedar á entrega oficial, así como os tres primeiros equipos de cada proba categoria e sexo,  senón debería pagar multa de 30 a 50 euros. Non haberá campionato Galego XOGADE a posteriori.