Entroido

O pasado venres 16 de febreiro puidemos realizar o desfile de entroido, que de novo tivo lugar no exterior do cole, facendo un recorrido polo paseo do Lagares. O alumnado e o profesorado disfrutouno moito, esperamos que as familias tamén!

Chega o entroido a Balaidos e con el, chega tamén o Meco. 

E trae, como todos os anos, as súas ordes.

O LUNS, TODOS EN PIXAMA AO COLE!!!

O MARTES, UNLLAS PINTADAS!!

O MERCORES: ALGO NA TESTA!!!!

O XOVES: DISFRAZ LIBRE!!!!

O pasado venres 17 de febreiro celebramos o desfile de ENTROIDO, recuperando a vella tradición de desfilar por fora do cole. Disfrutade do vídeo!!!!

O pasado venres 25 de febreiro celebramos no cole o desfile de entroido. Debido á situación sanitaria foi só para o alumnado, pero puxéronlle as mesmas ganas e ilusión.

Para respectar a normativa vixente fixémolo en dúas quendas, así o meco tivo dous xuizos e acabou destruído en ámbalas dúas ocasións. 

Esperemos que disfrutedes das fotos e qué o próximo ano poidamos disfrutalo xuntos de novo.

O pasado venres 25 de febreiro celebramos no cole o desfile de entroido. Debido á situación sanitaria foi sólo para alumnado, pero puxéronlle as mesmas ganas e ilusión.

Para respectar a normativa vixente fixémolo en dúas tandas, de modo que o meco tico dous xuizos e acabou destruído en ámbalas dúas ocasións.

Esperemos que disfrutedes das fotos e qué o próximo ano poidamos disfrutalo xuntos de novo.

O venres 12 de febreiro celebramos no cole a festa do Entroido!

Este ano seguindo o tema "Superheores e superheroinas na pandemia" fixemos cos nosos disfraces un homenaxe a tantas persoas e colectivos que nos fixeron e están a facer máis levadeira esta pandemia, polo que o cole encheuse de superheroes e superheroinas, bombeiros e bombeiras, policías, traballadores de supermercado, hosteleiros e hosteleiras, repartidores e sanitarios e sanitarias.

Para cumprir o protocolo e todas as precaucións dividimos o desfile, primeiro desfilaron os grupos A e despois os B, coas súas zonas delimitadas para gozar del. Non podemos esquecer o noso presentador, que con moito agarimo e entusiasmo ía comentando, animando e dando comezo a cada desfile.

Queremos compartir con vos ese día, xa que este ano non puidestes facernos compaña.

Para ver as fotos, só tedes que clicar aquí e levaravos a nosa galería (que tamén a podedes atopar na marxe superior dereita desta páxina). 

                          DESFILE DOS GRUPOS A

                                                                                                           DESFILE DOS GRUPOS B

No colexio Balaídos temos ben claro que a pandemia do coronavirus non ten porque amolar ás nosas nenas e nenos. Cumprimos protocolos, pero adaptamos as festas e tradicións celebrándoas dun xeito distinto co obxectivo de que estean presentes, algo diferentes... pero presentes.

Cada mes de febreiro chegaba e chega ao cole o TEMPO DE ENTROIDO presidido sempre polo MECO, un boneco que representa case sempre o “malo e ruín vivido ao longo do ano anterior”.

Nesta ocasión non había dúbida, era doado escoller! Non si?

Por iso o noso Meco é o Coronavirus, que xa nos fixo vir desde setembro coa incómoda máscara posta, e nesta semana, aínda por riba, mandounos traer: zapatos cambiados, cousas en cintura e pescozo,...

Por todo iso, foi xulgado no XUÍZO DO MECO polo alumnado de 6º de EP, como xa é tradición desde sempre, que diante da imposibilidade de facelo no patio coma noutrora argallouse unha videomontaxe na que tamén participaron todas os grupos de Infantil e Primaria, a fin de coñecer a súa opinión para sentencialo á QUEIMA ou salvalo.

Ah! Que estades a pensar? Que vos gustaría velo? Pois.... tendes sorte! Aquí vos deixamos o video. Desexamos que gostedes del!

Esquecíamos de dicirvos que o venres 12 de febreiro, sairemos ao patio coma un ENTROIDO calquera, cos nosos disfraces de homenaxe a tantas persoas e colectivos que nos fixeron e están a facer máis levadeira esta pandemia. Sentimos que neste ano non poidan facernos compaña AS FAMILIAS (nais, pais, avós e avoas) para gozar do desfile e do xuízo do Meco.

De todos os xeitos, xa vos informaremos de como resultou todo.

Os nosos nenos e nenas van ter ENTROIDO  no COLE! Iso é o que realmente importa, verdade?

 Apertas e VIVA O ENTROIDO!!!!!