CEIP da Barqueira | CEIP DA BARQUEIRA

Entroido 2013

Como xa sabedes o Trasno Trouleiro quere aprender un montón de cousas sobre os insectos. Para axudarlle e con escusa do entroido o alumnado elaborou chamativos disfraces de bolboretas, abellas e cabalos do demo. Tamén aprenderon unha cantiga que cantaron diante dos seus pais e nais.

Animalando. Programa "Insectos"

O alumnado de 4º, 5º e 6º aceptou o reto do Trasno Trouleiro! Ese que os animaba a investigar sobre os insectos, recordades? Buscaron información na biblioteca e logo de traballala na clase prepararon este vídeo para darlle saída a todo o aprendido da maneira máis orixinal. Son uns máquinas!!!

Primeiro programa: "Animalando"

Unha árbore pola Paz

Facíanos ilusión transplantar esta árbore que tan ben coñecemos todos e todas o pasado 30 de Xaneiro, día da Paz pero por mor da choiva insistente que nos acompaña dende fai uns días non puido ser. Por iso ontes, 5 de Febreiro, primeiro día no que o ceo nos da unha tregua aproveitamos para transplantalo todos xuntos. Cantamos arredor del e o decoramos con pombas cargadas de bos desexos.

Día da Paz 2013

Hoxe, día da Paz festexamos o día cantando en corro unha cantiga que nos aprendeu a mestra de múscia e nos enxoiamos con pulseiras e diademas que fixemos cos nosos mestres e mestras. Despois os maiores do cole, coa colaboración dalgún meniño formaron con cordas, picas e ata co seu propio corpo a palabra Paz que tan presente debemos ter todos os días. Aquí podedes ver algunhas fotos.!!!