Taboleiro

O colexio CEIP Virxe da Pena da Sela (O Irixo) iniciou unha actividade solidaria de recollida de penso para os animais da protectora do Carballiño. 

Propúxeronnos colaborar tamén para que o día da convivencia, que terá lugar no Irixo a finais de marzo, fagamos unha cadea humana para entregarlle ao persoal da protectora o penso recadado por todos os colexios participantes.

A idea é superar a recadación do ano anterio e, para iso, estaría ben que cada neno trouxese un kilo de penso, para tal fin. É unha actividade completamente solidaria e voluntaria para quen queira participar e axudar aos animais da protectora, polo que non é obrigatorio traer penso. 

Non obstante, animámosvos a participar. 

Xa temos todo isto recadado!!!

O venres 9 de febreiro celebramos no cole o Entroido. Todos e todas nos disfrazamos de superheroes con disfraces que fixemos nós mesmos. Esperamos a que amainara a choiva e puidemos saír a desfilar polo pobo. Fomos á Casa do Concello, ao Centro de Saúde, á Residencia de Anciáns, ao supermercado e á panadería. Divertímonos moito. 

O xoves 1 de febreiro celebramos no colexio o Xoves de Compadres, unha tradición ourensá típica do Entroido, na que as rapazas deben correr cos seus "compadres" evitando que os rapaces llos quiten e destrocen. As rapazas demostraron ter moito aguante.

Pasámolo moi ben!!

Hoxe fixemos unha visita á Barcia na biblioteca con motivo da celebración do día da Ilustración e do nacemento de Castelao. Alí, recibimos a visita dun escritor do lugar, que se ofreceu a lernos un dos seus relatos para que nós despois o puidésemos ilustrar. Tamén, falamos de Castelao e mesmo comentamos aspectos sobre a súa peza teatral Os vellos non deben de namorarse. Velaí algunhas fotos. 

Estimadas familias:

Recomendámosvos que mañá e os vindeiros días mandedes ao colexio aos vosos fillos e fillas ben abrigados, xa que a caldeira da calefacción hoxe non funcionaba porque, parece ser, que foi encendida nas vacacións de Nadal por persoal alleo ao equipo docente cando nos encontrabamos de vacacións; razón pola cal descoñecemos por qué falla e non puidemos tomar as medidas oportunas antes. O técnico encargado de revisala e arranxala xa está avisado e pasará mañá sobre as 11:00h.

Un saúdo e desculpade as molestias.

A Responsable de centro