Blog da Biblioteca do CEIP de Belesar

Belesar, 21 de Novembro de 2022

Presentan o proxecto “Os camiños da memoria”

O colexio de Belesar en Baiona acaba de dar a coñecer o seu Proxecto Documental Integrado “Belesar, Camiños da memoria”. O seu obxectivo é vincular ao alumnado coas persoas maiores da contorna a través das súas historias, creando logo rutas polos lugares onde estas sucederon.

A primeira fase do proxecto, para a que acaban de lanzar un vídeo publicitario, consistirá en localizar persoas maiores dispostas a ser entrevistadas e gravadas en vídeo contando as súas historias e anécdotas da xuventude.

No centro estarán as próximas catro semanas publicitando o proxecto para captar o máximo número de historias posibles.

A iniciativa, dinamizada dende a biblioteca escolar e que vai ser levada a cabo polo alumnado, rematará coa creación dos “Camiños da memoria”. Estes serán diferentes rutas pola contorna de Belesar onde a persoa camiñante, a través de códigos QR, poderá visualizar co seu móvil aos protagonistas das historias que alí sucederon hai máis de 60 anos.

Ademáis, organizarán unha exposición co resultado do traballo realizado e completarán este traballo de recuperación do vinculo xeracional coa creación de cartéis con “consellos de vida”, onde aparecerán, ademáis, os nenos e nenas xunto coa persoa maior que regala ese consello.

 A historia comeza nunha pescadería

Calquera momento é bo para escoitar unha boa historia e sempre é de agradecer situarse no lugar axeitado para poder desfrutala. En ocasións esas historias piden a gritos ser compartidas e nesa nos atopamos no noso colexio.

O primeiro paso foi debatir e decidir a rasgos moi xerais a temática do Proxecto Documental Integrado que pretendiamos desenvolver. Acordado no claustro presentámolo ao Consello Escolar cun calendario fixado. A partir de aí, terán que ser os nenos e nenas os encargados de continualo.

A sociedade actual, entendida como sociedade global e postmoderna, resulta á súa vez fragmentada no seu ámbito máis local.

A este feito desgarrador contribúen moitos elementos. Entre eles a crise no tratamento de contidos humanísticos como a filosofía ou a literatura e á súa vez un auxe de contidos específicos e tecnicistas, que pola súa característica obsolescente (caduca) impiden o desenvolvemento de vínculos xeracionais locais onde os máis maiores poidan transmitir as súas propias experiencias ás xeracións máis novas.

O feito de que estes vínculos interxeracionais se atopen en especial crise dificulta o desenvolvemento dun sentimento de comunidade forte e resistente, preparado para facer fronte a discursos externos de moi diverso tipo que son perxudiciais para a construción da sociedade local: o pacifismo, a tolerancia ou a participación democrática social son valores que están sendo atacados e non se están a atopar unha resistencia suficientemente forte.

Con este proxecto documental integrado pretendemos investigar para actuar no entorno social máis local do propio centro. Transformando a información recollida en coñecemento a través da súa organización e difusión.

Estamos a preparar a nosa biblioteca para poder poñela en funcionamento canto antes.

Actualmente seguimos co proceso de recatalogación. A pesares, de estar pechada ao público, esperamos poder levar a cabo actividades para dinamizar a nos a biblioteca, durante o curso.

O noso colexio vai medrando, e por iso vemos a necesidade de ampliar o espazo adicado a albergar a biblioteca, polo que a nosa biblioteca vai ser unn espazo aberto onde daremos vida aos nosos corredores. Iremos informando de todas as novidades.

ESPERAMOS POÑELA EN MARCHA CANTO ANTES.

08.30 - Imagine Dragons - Believer - https://www.youtube.com/watch?v=7wtfhZwyrcc

08.40 - Destripando la historia - El Origen de Goku - https://www.youtube.com/watch?v=mdoNlV9GH6E

08.50 - Migallas - Miña abuela Manuela - https://www.youtube.com/watch?v=ZMz7FHjSlqw

11.15 - David Rees - De ellos aprendí - https://www.youtube.com/watch?v=lEyMmDYXHS4

11.45 - Elton John - I'm Still Standing - https://www.youtube.com/watch?v=ZHwVBirqD2s

12.15 - Siniestro Total - O tren - https://www.youtube.com/watch?v=Sgoa52uGr6Q