O programa educativo eduMOTIVA ten como obxectivo ofrecer aos centros de ensino non universitario galegos experiencias de diferentes persoeiros de recoñecido prestixio e relevancia na sociedade galega e que destacan en diferentes campos profesionais, para así fomentar no alumnado valores como a motivación, o esforzo, a curiosidade, o pensamento crítico e o traballo en equipo.

Na sección bilingüe de Educación Plástica de 3º de Educación Primaria decídese solicitar unha das experiencias que se ofertan e na que se traballan contidos específicos da área.

A experiencia consiste na visita a Fundación Manolo Paz en Cambados, un escultor de recoñecido prestixio en Galicia. Na súa páxina web pódese consultar información da súa vida e obra.

Aproveitando a viaxe a Cambados contratamos unha visita guiada con Guimatur para facer un roteiro escolar e coñecer de primeira man o traballo das mariscadoras e de recollida das ameixas, longueiróns e navallas. Na galería pódense visualizar as fotos do alumnado recollendo ameixas.

Álbum: Curso 2016-2017 -> Saída a Cambados (3º Primaria) 2