SEGUNDA VISITA DA TROGLODITA

Hoxe pola mañá tivemos nova visita da troglodita. Cando chegamos ás aulas tiñamos dúas pegadas nos encerados cun código QR, que contiña un vídeo desta personaxe tan misteriosa e que achegamos nesta publicación.

 Nel contaba que viña recoller os debuxos que fixera o alumnado sobre como a imaxinaban. O resultado… auténticas marabillas!!! Moitas grazas polas vosas aportacións.

 Ela, a cambio deixounos nova información. Hoxe, día 20 de novembro é o Día Universal da Infancia, no que se lembran e defenden os dereitos dos nenos/as, sendo un deses dereitos o de ter un nome, unha identidade. Así que, aproveitou e compartiu con nós como se chamaba: “Kanda” que antigamente significaba “poder máxico”.

 Seguiremos informando das novas andainas de Kanda.

Equipo de biblioteca.