Actualización listaxes de espera comedor 2014/15

De momento non existen prazas vacantes no servizo de comedor e probablemente non as haxa ata o mes de outubro.

Xuntamos listaxes de espera de comedor actualizados a 12 de setembro de 2014.

Recordamos tamén a necesidade de presentar na dirección no centro a documentación acreditativa de méritos para ordenar o alumnado dentro de cada listaxes.

Documentación acreditativa a presentar antes do 28 de setembro:

-Documento que acredite unha minusvalía igual ou superior ao 33%

-Documento que acredite que o alumnado pertence a unha familia numerosa

-Documento que acredite incompatibilidade dos horarios laborais dos pais e nais coa saída do fillo/a ao mediodía.

O Consello Escolar reunirase unha vez pechado o prazo de presentación de documentación para determinar a orde nas listaxes de espera.

Brión, 12 de setembro de 2014

A dirección

Reunión titorías 1º Nivel de Primaria 2014/15

Convocamos ás familias do alumnado de 1º de Primaria a unha reunión informativa con titoras e profesorado sobre as normas do centro e a organización do curso 2014/15.

Data: Luns 15 de setembro

Hora: 16:45 h

Lugar: Biblioteca do centro

Menús comedor Setembro 2014

Xuntamos menús do mes de setembro do curso 2014/15.

Prema na imaxe para acceder ao arquivo.

Inicio de curso. Calendario escolar 2014/15

ACTIVIDADES LECTIVAS

No 2º ciclo de educación infantil e na educación primaria, a impartición efectiva de clases realizarase do día 10 de setembro de 2014 ao 19 de xuño de 2015, ambos inclusive.A xornada lectiva empezará ás 9:45h., rematando ás 14:30h (meses de setembro e xuño).De non ter servizo de comedor, as familias deberán recoller ao alumnado ás 14:30h.

Reunión 4º infantil: Periodo adaptación

Informamos da convocatoria de reunión coas familas de 4º de Ed. Infantil para tratar entre outras cuestións, o PERIODO DE ADAPTACIÓN e entrevista persoal.

Data: 4 de setembro de 2014

Hora: 16:30h

Lugar: Biblioteca do centro

 

Formalización de matrícula 2014/15

Do día 20 ao 30 de xuño ábrese o periodo de formalización de matrícula no centro.

Pode baixar os impresos dende esta mesma páxina para presentalo na secretaría do centro.

Tamén pode cumprimentar o documento de autobaremación para o servizo de comedor escolar.

DOCUMENTACIÓN:

  1. Anexos III Formalización de matrícula
  2. Autobaremación de comedor
Anexo III Matrícula

Autobaremación

comedor

Libros de texto Curso 2014/15

Xuntamos listados de libros de texto para o curso escolar 2014/15

Ed. Infantil Ed. Primaria

A nena e o grilo nun barquiño

Este xoves, como festival de fin de curso, tivemos a actuación de Magín Blanco e o seu grupo. O título da actuación:  A nena e o grilo nun barquiño. Música do século XXI con tintes de pop, rock, reggae ou bossa nova, relatos que nos falan de que podemos aspirar a un mundo mellor, imaxes que nos achegan ás novas linguaxes.

Os nenos e nenas acompañaron a estes músicos en moitas das súas cancións que tiñan traballado en música.

Non puidemos ter mellor remate de curso!

(Ver fotos)

 

Flash Mob

Este mércores, gravamos no colexio un flashmob. Empregamos a canción e a coreografía de Móvete que promove a Xunta de Galicia dentro dun proxecto de saúde.

Unha equipa composta por Pablo Garaloces, Pablo Fontenla e Gaspar Broullón foi a encargada de facer a parte técnica do vídeo. A través dun helicóptero drone dirixido por control remoto captaron imaxes aéreas espectaculares.

En breve teremos o vídeo para publicalo, como adianto podedes ver algunhas fotos. Moitos agradecementos a Pablo G., Pablo F. e Gaspar!

 

Making-of 2; un DRON chamado GARACÓPTERO

Asi fixemos o flash mob coa axuda inestimable de Pablo Garaloces e o seu "GARACÓPTERO, así chama ao seu dron, grabando fermosas imaxes aéreas de MÖVETE.

 

sentímolo, flash non está dispoñible.

Distribuir contido