Skip to Content

Libros de texto curso 2016/17

Lembramos que o prazo para a solicitude das axudas para libros e material escolar para o curso 2016/17  remata o próximo 23 de xuño.

Listado de libros

EXCURSIÓN FIN DE CURSO DE 4º DE PRIMARIA

O pasado mércores, 1 de xuño, todo o alumnado de 4º de Primaria e cinco profes fomos a Marín.

O primeiro que fixemos foi ir a ver os petróglifos de Mogor e debuxamos un con forma de laberinto. Despois explicáronnos o significado de cada un. Logo sentámonos a merendar.

Cando rematamos, baixamos á praia de Mogor. Máis tarde José Antonio, o director, deunos permiso para meternos na auga. Uns bañáronse e outros xogaron coa area.

A cotinuación, fomos ao Parque dos Sentidos. Alí comemos e os que acabaron foron a un tobogán enorme. Tamén había moita vexetación.

Finalmente fomos ao Ecoparque Multiaventuras que está nas aforas de Marín. O primeiro que fixemos foi colocar as mochilas nunha caseta. Logo baixamos e puxéronnos os arneses. Fixéronnos unha proba para ver como poñiamos os mosquetóns e o buo. Quen o aprobase pasaba a fase 1, logo á 2 e así sucesivamente.

O que máis me gustou foi a tirolina do Ecoparque. Eu recomendariallo a todos os nenos e nenas do mundo.

Premer na imaxe para acceder á galería de fotos.

Manuel Alonso

Xornada Portas Abertas

A próxima semana terán lugar as xornadas de portas abertas que todos os anos se realizan preferentemente para as familias de nova incorporación no centro. Nestas xuntanzas falarase de aspectos importantes no funcionamiento do centro e realizaremos unha visita polas instalacións.

Luns 6 de xuño ás 5 da tarde na biblioteca para Educación Primaria

Martes 7 de xuño ás 5 da tarde na  biblioteca  para Educación Infantil

Axudas libros de texto e material escolar. Fondo de libros. 2016/17

Resumo da ORDE do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolarcurso escolar 2016/17.

 A-FONDO SOLIDARIO ( 3º, 4º, 5º e 6º de primaria)

 A participación no fondo solidario de libros de texto do alumnado matriculado en 3º, 4º, 5º e 6º de educación primaria.

Festa das Letras Galegas na Carballeira

A semana adicada ás Letras Galegas  pechouse cunha gran Festa na Carballeira de Santa Minia, o venres 20 de maio. Todas as actuacións xiraron arredor da figura do poeta chairego Manuel María. Incluiron poesía, música, baile e canto tradicional. Participou todo o alumnado do CEIP de Pedrouzos, escolas unitarias e algúns grupos do IES Brión.

Agradecemos a colaboración do concello, de protección civil e policia Local na organización desta actividade e a participación da escola de música e baile das actividades extraescolares e do grupo folclórico de Brión. (máis fotos)

Listaxes definitivos do alumnado admitido curso 2016/17

Informamos que todo alumnado que solicitou praza para o curso escolar 2015/16 foi admitido.

As familias do alumnado admitido deberá formalizar a  matricula  do 20 ao 30 de xuño na secretaria do centro.

 Documentación      Impreso formalización matrícula

De momento non podemos informar sobre a situación das solicitudes de servizos complementarios, transporte e comedor.

 

Listados definitivos admisión Infantil

Listados definitivos admisión Primaria

Letras Galegas 2016 Manuel Maria

As Letras Galegas 2016 son adicadas ao escritor Manuel María, poeta da Terra Chá.

No CEIP de Pedrouzos quixemos facer unha homenaxe a este escritor facendo diferentes traballos coma un almanaque coas súas poesías ilustradas polo alumnado e a elaboración de gaiolas decoradas con poemas do autor.

O venres, día 20 de Maio, compartiremos  a Festa das Letras cos outros centros educativos do Concello. Realizando un encontro-recital no que participará todo o alumnado así como o grupo de baile e música tradicional galego das actividades  extraescolares do Concello.

 

O invernadoiro

Por fin, o sementado comeza a dar os seus froitos.

Os primeiros produtos da nosa colleita xa están listos para degustar.

Aquí temos un bo exemplo coas leitugas que plantaron os nenos e nenas de infantil.

leituga 

Seguimos con boas novas !!!!

Estamos moi orgullosos e orgullosas do noso alumnado!!

No XIII Certame Literario de Ames foi premiada na modalidade Narrativa a alumna de quinto de primaria Sofía Álvarez Castro co traballo titulado "Memorias da señora Cupcake". Na modalidade de Poesía obtivo un segundo premio Daniel Souto Pazo, ex-alumno do centro e que na actualidade cursa 1º da ESO no IES de Brión.

PARABENS A ESTES FUTUROS ESCRITORES!!!

Campión de España Infantil de Piragüismo

 
O ex-alumno do centro, Luís Guilbert Pérez do Club Ribeiras do Tambre, acaba de vir de Sevilla vencedor do III Campionato de España Infantil.

Cunha saída precipitada, polas malas condicións do tempo, Guilbert inicio a escapada na segunda volta, nunha proba na que participaron 78 palistas, na categoría K-1 Infantil B (13 anos), no Campionato de España sobre a distancia de 3.000 metros celebrado este domingo 8 de maio en Sevilla, en augas do río Guadalquivir.
PARABENS  LUIS !!!
 
 
Distribuir contido


by Dr. Radut