Lexislación

Summary: 

Na súa última sentenza, o TSXG subliña que a Xunta actuou “conforme a dereito” e descarta que un único adxudicatario superara o máximo de adxudicacións previstas nos pregos de contratación

O fallo da sala, tendo en conta as alegacións e proba achegadas pola Administración, rectifica o criterio das sentenzas anteriores do mesmo tribunal emitidas en sentido contrario

Idioma Gallego

O Tribunal Superior de Xustiza de Galicia (TSXG) vén de avalar o proceso de adxudicación de transporte escolar realizado pola Xunta de Galicia, por realizarse conforme á legalidade e aos pregos de contratación aprobados. Na súa última sentenza, o TSXG subliña que a Xunta actuou “conforme a dereito” e descarta que se producira unha concentración de adxudicacións nunha única empresa adxudicataria que superase o máximo de oito previsto nos pregos, contradicindo neste sentido a tese que se mantiña no recurso dos demandantes.

 

A resolución atinxe á adxudicación do lote nº 50, e nela o TSXG finalmente conclúe que non se incumpriu o requisito do número máximo de oito adxudicacións previsto nos pregos. Así o estimou o Tribunal logo de analizar a proba achegada pola administración e as alegacións realizadas polos servizos xurídicos da Xunta, que advertían de que nas súas sentencias anteriores o tribunal non tiña aplicado a regra do prego de contratación que determinaba que no número máximo de adxudicacións non debían computarse aquelas relativas a lotes nos que se presentase un único licitador.

 

Así pois, este último fallo rectifica o criterio que o mesmo TSXG mantiña nas súas anteriores sentenzas, o que conduce ao “rexeitamento total” das pretensións do demandante. Contra as aludidas sentenzas (correspondentes aos lotes 40, 45, 51, 54, 55 e 57) ), a Xunta de Galicia presentou recurso de casación que se encontra pendente ante o Tribunal Supremo. Do mesmo xeito será presentado estes días recurso de casación contra a correspondente ao lote 46.

 

A Xunta de Galicia considera moi positivo que o Tribunal Superior de Xustiza de Galicia declare finalmente nesta sentenza a conformidade a dereito do proceso de contratación do servizo de transporte escolar, e insiste en que se fixo desde a máis absoluta rigorosidade e transparencia e de acordo coa normativa vixente. Non en balde, en todas as sentenzas emitidas, o Tribunal indica de forma expresa que non existen indicios fundados de prácticas colusorias (alteración do principio de competencia) no procedemento, aos que agora se suma a validación no que atinxe ao número máximo de adxudicacións por concesionaria.

 

Información xeral Consellería de Cultura, Educación, Formación Profesional e Universidades

Summary: 

Organizado polo Museo do Pobo Galego co apoio da Xunta, busca achegar aos escolares á lingua, á etnografía, á antropoloxía, á xeografía, á historia e á arte galegas

O secretario xeral de Política Lingüística participa na presentación desta convocatoria dirixida aos centros de Primaria e Secundaria

Idioma Gallego

A Xunta de Galicia e a Fundación Antonio Fraguas Fraguas convocan a XIII edición do Proxecto Didáctico Antonio Fraguas Fraguas, destinado a poñer en valor o patrimonio lingüístico e cultural galegos desde o ensino. Así o anunciaron hoxe en rolda de prensa o secretario xeral de Política Lingüística, Valentín García, e a presidenta da dita Fundación, Concha Losada, que animaron o profesorado e a rapazada a participar nesta iniciativa “que pon en valor e visibiliza o patrimonio material e inmaterial galegos así como a lingua propia de Galicia, que se abordará a través da toponimia, a antroponimia ou a fraseoloxía”.

O proxecto inclúe dúas modalidades de participación (ensino primario e secundario) dotadas con cadanseus 7.000 euros destinados a materializar os proxectos gañadores durante o vindeiro curso escolar 2024-25 en colaboración co Museo do Pobo Galego.

Poderán participar, ata o vindeiro 1 de xuño, os centros docentes sostidos con fondos públicos dependentes da Consellería de Cultura, Educación, FP e Universidades que impartan ensinanzas de Educación Primaria, Secundaria, Bacharelato, FP ou Educación Especial.

O ámbito temático dos proxectos abranguerá un ou varios destes campos: etnografía, antropoloxía, xeografía, historia ou arte da contorna inmediata do centro e un capítulo, ou a liña do traballo, dedicarase a abordar algún aspecto lingüístico relacionado co tema proposto. Ademais, valoraranse as accións que fomenten a educación en igualdade e o coñecemento do patrimonio material e inmaterial relacionado cos Camiños de Santiago.

As bases completas poden consultarse no Portal da Lingua Galega.

Información xeral Consellería de Cultura, Educación, Formación Profesional e Universidades

Summary: 

O conselleiro de Educación en funcións inaugura o novo salón de actos deste centro, que conta cun investimento de case 270.000€ do seu departamento

A Consellería ten encargado o proxecto para a remodelación do centro, unha obra cun investimento estimado de 1,5M€ que podería licitarse a partir de 2025

Idioma Gallego

O conselleiro de Cultura, Educación, FP e Universidades en funcións, Román Rodríguez, anunciou hoxe que a Xunta está a preparar un proxecto para a rehabilitación integral do Instituto IES Alfredo Brañas de Carballo. Nunha visita para inaugurar o novo salón de actos, o representante da Xunta explicou que o seu departamento ten xa encargado o proxecto para remodelación do centro, unha obra cun investimento estimado de 1,5M€ que podería licitarse a partir de 2025.

No referido ao novo salón de actos, que contou cun investimento de case 270.000€, Román Rodríguez explicou que con esta actuación se dá resposta a unha demanda do centro. “Grazas a esta reforma, o instituto conta agora cun espazo dotado de todo o necesario para que a comunidade educativa poida celebrar aquí diversos actos e reunións, dos que hoxe imos ver un pequeno adianto”, destacou Román Rodríguez.

Non en balde, varios alumnos do centro interviñeron no acto varios estudantes, que ofreceron actuacións musicais. Ademais, o director do Hospital Materno Infantil da Coruña, Alejandro Ávila, os actores Rober Bodegas e María Tasende e o catedrático de Física da Universidade de Santiago de Compostela Jorge Mira enviaron vídeos falando do seu paso polo instituto, do que foron alumnos no seu momento

A intervención incluíu a substitución do falso teito, mellora da acústica, acabados e instalacións básicas, cambio de pavimento, instalación de paneis de madeira pintados e renovación da instalación eléctrica. Ademais, mellorouse a accesibilidade do espazo, mudáronse as butacas e redeseñouse o palco superior.

Investimento de 1,7 M€

O conselleiro en funcións lembrou que a Xunta investiu nos centros educativos de Carballo un total de 1,7M€ desde 2009. “Ademais, neste momento temos en marcha a instalación dunha caldeira de biomasa no Instituto IES Monte Neme, cun investimento de máis de 400.000€, que está en adxudicación”, indicou.

Estas actuacións enmárcase no Plan de Nova Arquitectura Pedagóxica, a folla de ruta para renovar os 1.600 edificios que forman os máis de 1.000 centros educativos galegos e adaptalos ás necesidades do ensino do século XXI, ao tempo que se mellora a súa eficiencia enerxética e o confort da comunidade escolar.

Información xeral Consellería de Cultura, Educación, Formación Profesional e Universidades

Summary: 

A intención é poñelo en marcha, na modalidade dual, o curso que vén aproveitando as instalacións da Federación e do Concello de Mondoñedo

Idioma Gallego

O conselleiro de Cultura, Educación, FP e Universidades en funcións, Román Rodríguez, e o presidente da Federación Galega de Espeleoloxía, Gonzalo Villarmea, reuníronse para abordar a posta en marcha dun ciclo nesta materia. Tal e como explica o representante do Goberno galego, neste momento existe o título de técnico deportivo en Espeleoloxía, sen implantación en Galicia. 

O departamento educativo da Xunta de Galicia está a iniciar os trámites para intentar poñer en marcha este ciclo no curso 2024/25. Faríase na modalidade dual en colaboración coa Federación Galega de Espeleoloxía, aproveitando tanto as instalacións desta entidade, con sede en Mondoñedo, como as do Concello mindoniense.

“Estamos comezando xa a traballar nestes trámites e nos da elaboración do currículo galego destas ensinanzas deportivas”, afirma Román Rodríguez. No encontro participaron tamén a directora xeral de FP, Eugenia Pérez; o director do Instituto IES Plurilingüe San Rosendo de Mondoñedo, José Carlos García Barro; o concelleiro de Cultura, Educación e Novas Tecnoloxías de Mondoñedo, Alberto García Fernández, e a vicepresidenta da Federación Galega de Espeleoloxía, Noa Loira.

Información xeral Consellería de Cultura, Educación, Formación Profesional e Universidades

Summary: 

A primeira das sesións, ‘Que nos di a investigación sobre o uso da tecnoloxía na aula?’, desenvólvese o vindeiro xoves 4 da man de Héctor Ruiz Martín

Aborda prexuízos sobre unha posible incidencia negativa das pantallas na saúde dos nenos ou no seu razoamento, entre outros

Idioma Gallego

A segunda edición do Ciclo de Cultura Científica da Xunta arranca o vindeiro xoves 4 de abril desmontando mitos sobre o uso das tecnoloxías nas aulas e por parte dos máis novos. O investigador e director da International Science Teaching Foundation, Héctor Ruiz Martín, será o responsable de afondar nestas cuestións na conferencia Que nos di a investigación sobre o uso da tecnoloxía na aula?.

Baseándose na súa ampla traxectoria investigadora sobre a aprendizaxe e o ensino, Ruiz Martín abordará algúns dos prexuízos máis consolidados, como a diminución da atención da mocidade como consecuencia do uso da tecnoloxía dixital ou o risco que as pantallas na escola poden supoñer para a saúde dos nenos, no seu razoamento e forma de aprender. Tamén a falsa crenza de que a tecnoloxía redunda nun menor uso da memoria e, polo tanto, na súa mingua. 

Segundo o experto, autor de libros como Aprendendo a aprender, Como aprendemos? Unha aproximación científica á aprendizaxe e o ensino, ou Edumitos, estes mitos derivan de sesgos cognitivos e razoamentos mediante pensamentos falaces. No relatorio afondarase na orixe destas crenzas, por que e como nacen e que di a investigación ao respecto.

A conferencia é a primeira do ciclo que, baixo o título Tecnoloxía con sentidiño, ofrece ata o mes de xuño a visión de expertos sobre a Intelixencia Artificial ou a relación da tecnoloxía coa saúde infanto-xuvenil e a psicoloxía, entre outros. O obxectivo é ofrecer certezas e contribuír a unha reflexión seria, documentada e baseada en investigacións.

Didáctica baseada na ciencia

Héctor Ruiz Martín é director da International Science Teaching Foundation, onde investiga a memoria e a aprendizaxe en ámbitos educativos desde a neurociencia e a psicoloxía cognitiva. O seu obxectivo é desenvolver recursos didácticos, para desenvolver recursos didácticos baseados en la evidencia científica. 

Neste sentido, é director da colección Educación baseada en evidencias, e nas últimas dúas décadas ten impulsado numerosos proxectos en prol da mellora do ensino, proporcionando ferramentas e metodoloxías a docentes e alumnos sobre o modo de aprender das persoas. 

A súa traxectoria como divulgador científico é moi extensa, tanto como autor dos devanditos libros, como na dirección das revistas de divulgación Omnis cellula e Eureka, e como colaborador frecuente en prensa, radio e televisión.

Información xeral Consellería de Cultura, Educación, Formación Profesional e Universidades

Summary: 

Estes espazos permiten á cidadanía formarse en competencias dixitais para o aceso a servizos como a banca, a relación coas administracións ou o consumo telemático

En 2023 formáronse máis de 2.400 persoas nestas aulas e está previsto formar outras 2.792 en 2024

Idioma Gallego

A Xunta de Galicia incorpora 16 novos centros á Rede de Capacitación Dixital, de tal forma que son xa 71 os centros que imparten ensinanzas para persoas adultas de educación secundaria, bacharelato ou FP, que dispoñen destas aulas. A Consellería de Cultura, Educación, FP e Universidades destina un total 1.230.875€ para o conxunto destes espazos.

Esta actuación pon ao servizo da cidadanía as infraestruturas e dotacións dos centros educativos para formarse nas competencias dixitais transversais necesarias para desenvolverse de forma cotiá nunha sociedade cada vez máis dixitalizada, na que servizos esenciais, tales como a banca, o acceso ás administracións públicas ou o consumo se realizan de forma telemática.

As actividades van dirixidas, preferentemente, ás persoas maiores de 55 anos cun nivel baixo de cualificación neste eido, atendendo especialmente a fenda de xénero, á poboación vulnerable e ás zonas rurais, de acordo co establecido na Estratexia Edudixital 2030, que ten como eixo segundo a mellora das competencias dixitais da cidadanía no ámbito das súas competencias.

Durante o seu primeiro ano de funcionamento formáronse en competencias dixitais básicas nas 55 aulas habilitadas na primeira convocatoria un total de 2.409 persoas e agárdase chegar a 2.792 ao longo do ano 2024.

A relación de centros dotados con estas aulas, das que as marcadas en verde son de nova incorporación, é a que se reflicte no seguinte cadro:

Provincia

Concello

Nome do centro

A Coruña

Arteixo

IES de Sabón

A Coruña

Betanzos

IES As Mariñas

A Coruña

Carballo

IES Isidro Parga Pondal

A Coruña

Cedeira

IES Punta Candieira

A Coruña

Cee

IES Fernando Blanco

A Coruña

A Coruña

EPAPU Eduardo Pondal

A Coruña

A Coruña

IES Plurilingüe Eusebio da Guarda

A Coruña

Culleredo

IES Rego de Trabe

A Coruña

Curtis

EPAPU de Teixeiro

A Coruña

Ferrol

EPAPU Sta. María de Caranza

A Coruña

Ferrol

IES Concepción Arenal

A Coruña

Melide

IES de Melide

A Coruña

Muros

IES Plurilingüe Fontexería

A Coruña

Noia

IES Campo de San Alberto

A Coruña

Outes

IES Poeta Añón

A Coruña

As Pontes de García Rodríguez

IES Plurilingüe Castro da Uz

A Coruña

Ribeira

IES Nº 1

A Coruña

Sada

IES Isaac Díaz Pardo

A Coruña

Santiago de Compostela

IES Arcebispo Xelmírez I

A Coruña

Santiago de Compostela

IES Plurilingüe Rosalía de Castro

A Coruña

Santiago de Compostela

IES San Clemente

Lugo

Burela

IES Monte Castelo

Lugo

Chantada

IES Lama das Quendas

Lugo

Foz

IES de Foz

Lugo

Lugo

CIFP As Mercedes

Lugo

Lugo

EPAPU Albeiros

Lugo

Lugo

IES Muralla Romana

Lugo

Monforte de Lemos

IES Río Cabe

Lugo

Monterroso

EPAPU de Monterroso

Lugo

Outeiro de Rei

EPAPU de Bonxe

Lugo

Ribadeo

CIFP Porta da Auga

Lugo

Ribadeo

IES de Ribadeo Dionisio Gamallo

Lugo

Sarria

IES Gregorio Fernández

Lugo

Vilalba

IES Lois Peña Novo

Lugo

Viveiro

IES María Sarmiento

Ourense

O Barco de Valdeorras

IES Lauro Olmo

Ourense

O Carballiño

IES Manuel Chamoso Lamas

Ourense

Ourense

CIFP A Carballeira

Ourense

Ourense

CIFP A Farixa

Ourense

Ourense

EPAPU de Ourense

Ourense

Ourense

IES Ramón Otero Pedrayo

Ourense

Ourense

IES Universidade Laboral

Ourense

O Pereiro de Aguiar

EPAPU de Pereiro de Aguiar

Ourense

Verín

IES García-Barbón

Pontevedra

Bueu

IES Johan Carballeira

Pontevedra

Cambados

IES Francisco Asorey

Pontevedra

Cangas

IES de Rodeira

Pontevedra

A Estrada

IES Plurilingüe Antón Losada Diéguez

Pontevedra

A Guarda

IES A Sangriña

Pontevedra

Lalín

IES Laxeiro

Pontevedra

A Lama

EPAPU Nelson Mandela

Pontevedra

Marín

IES Chan do Monte

Pontevedra

Nigrán

IES Escolas Proval

Pontevedra

Ponteareas

IES Val do Tea

Pontevedra

Pontevedra

CIFP A Xunqueira

Pontevedra

Pontevedra

CIFP Montecelo

Pontevedra

Pontevedra

EPAPU Río Lérez

Pontevedra

O Porriño

IES Ribeira do Louro

Pontevedra

Redondela

IES Pedro Floriani

Pontevedra

Sanxenxo

IES de Vilalonga

Pontevedra

Silleda

IES Plurilingüe Pintor Colmeiro

Pontevedra

Tui

IES Indalecio Pérez Tizón

Pontevedra

Vigo

CIFP Valentín Paz Andrade

Pontevedra

Vigo

EPAPU Berbés

Pontevedra

Vigo

IES A Guía

Pontevedra

Vigo

IES Castelao

Pontevedra

Vigo

IES de Teis

Pontevedra

Vigo

IES Politécnico de Vigo

Pontevedra

Vigo

IES Santa Irene

Pontevedra

Vilagarcía de Arousa

CIFP Fontecarmoa

Pontevedra

Vilagarcía de Arousa

IES Armando Cotarelo Valledor

Información xeral Consellería de Cultura, Educación, Formación Profesional e Universidades

Summary: 

O Diario Oficial de Galicia publica a convocatoria destes galardóns, dirixidos aos estudantes que remataron o ciclo no ano 2023

Cada estudante premiado recibe 1.000€, un diploma acreditativo, e poderá concorrer ao correspondente Premio Nacional

Idioma Gallego

A Xunta de Galicia vén de publicar a convocatoria dos premios extraordinarios de Formación Profesional de Grao Superior para o alumnado que rematou os seus estudos no curso 2022/23. Son en total 23 galardóns, un por cada familia profesional, cos que se recoñecen e valoran publicamente os méritos excepcionais baseados no esforzo e no traballo do alumnado que cursou cun excelente resultado académico estas ensinanzas.

Poderán optar a estes premios as persoas que cursaran estudos de FP de grao superior durante o curso 2022/23 nalgún centro educativo galego, na modalidade presencial ou na modalidade a distancia, e remataran no ano 2023. Ademais, esíxese unha cualificación final igual ou superior a 8,5 puntos, entre outros requirimentos.

O prazo de presentación de solicitudes para optar aos galardóns estará aberto ata o día 25 de abril. As solicitudes presentaranse obrigatoriamente por medios electrónicos a través da sede electrónica da Xunta de Galicia, ou directamente desde a propia aplicación PremiosEdu.

Cada estudante premiado recibirá 1.000€ e un diploma acreditativo. Ademais, a obtención destes premios dálle dereito ao alumnado a concorrer, logo de inscrición, ao correspondente Premio Nacional de Formación Profesional de grao superior.

Información xeral Consellería de Cultura, Educación, Formación Profesional e Universidades

Summary: 

Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e gastos de funcionamento

Os clubs de lectura están concibidos como espazos de aprendizaxe e de convivencia, onde se fomenta a adquisición de competencias lectoras, o traballo en equipo e o intercambio de experiencias

Idioma Gallego

Un total de 431 centros escolares, 53 deles de nova incorporación, desenvolven clubs de lectura nas súas bibliotecas durante este curso grazas ao apoio da Xunta, que destina un total de 400.000 euros a este programa. O obxectivo desta iniciativa da Consellería de Cultura, Educación, FP e Universidades, enmarcada no Plan LÍA (Lectura, Información e Aprendizaxe) 2021-2025, é fomentar e consolidar os hábitos lectores e as competencias básicas do alumnado (comunicación lingüística, competencia social, cultural, artística...).

Por provincias, 162 dos centros integrados no programa son da Coruña (24 de nova incorporación este curso), 60 de Lugo (cinco novos), 54 de Ourense (seis novos) e 155 de Pontevedra (18 novos). Cada un deles ten asignada unha contía de entre 600 e 1.235€, en función do tipo de centro e do proposta presentada, para destinar fundamentalmente á adquisición de libros para as actividades do club, que pasarán posteriormente aos fondos da biblioteca escolar, así como para gastos derivados do funcionamento do club.

Compartir experiencias

Poñer en marcha un club de lectura nun centro educativo consiste, basicamente, en promover a participación dun grupo de alumnado para compartir as súas experiencias lectoras, coa mediación dun adulto que conduza todo o proceso.

Normalmente estes clubs de lectura -cuxo espazo natural son as bibliotecas escolares- vense enriquecidos polo emprego das tecnoloxías da información e a comunicación (que contribúen á lectura en diversos soportes, permiten introducir as narrativas transmedia e facilitan a difusión de actividades), así como pola participación de adultos da comunidade educativa que propician o intercambio de experiencias interxeracionais.

Ademais da dinamización a prol da lectura e ámbitos de aprendizaxe de competencias clave para a vida, os Clubs de Lectura tamén están concibidos como espazos de convivencia e de educación cidadá.

Centros de nova incorporación

Os 53 centros de nova incorporación este curso son os reflectidos na seguinte táboa:

Provincia

Concello

Centro

A Coruña

A Coruña

CEE Nosa Señora do Rosario

A Coruña

A Coruña

CEIP Plurilingüe María Barbeito e Cervino

A Coruña

A Coruña

CEIP Rosalía de Castro

A Coruña

A Coruña

CIFP Paseo das Pontes

A Coruña

A Coruña

IES Fernando Wirtz Suárez

A Coruña

Betanzos

IES As Mariñas

A Coruña

Boimorto

CPI Armando Cotarelo Valledor

A Coruña

Boiro

CEIP Santa Baia

A Coruña

Boiro

IES A Cachada

A Coruña

Boqueixón

CPI Plurilingüe Antonio Orza Couto

A Coruña

Camariñas

CEIP Plurilingüe de Ponte do Porto

A Coruña

Carballo

CEIP Bergantiños

A Coruña

Carballo

CEIP Plurilingüe A Cristina

A Coruña

Fene

IES de Fene

A Coruña

Ferrol

CEIP de Pazos-Mestre García Niebla

A Coruña

Muros

CEIP Plurilingüe Ricardo Tobío

A Coruña

Muxía

IES Ramón Caamaño

A Coruña

Noia

IES Virxe do Mar

A Coruña

Ordes

CEIP de Mesón do Vento

A Coruña

Ponteceso

CRA Nosa Señora do Faro

A Coruña

Ribeira

CEIP Plurilingüe O Grupo

A Coruña

Rois

CEIP Plurilingüe de Pumar-Urdilde

A Coruña

Santiago de Compostela

CEIP Arquitecto Casas Novoa

A Coruña

Santiago de Compostela

CEIP Pío XII

Lugo

Cospeito

CEIP Plurilingüe de Muimenta

Lugo

Lugo

CEE Santa María

Lugo

Lugo

CEIP Sagrado Corazón

Lugo

Monforte de Lemos

IES Francisco Daviña Rey

Lugo

Pantón

CEIP Plurilingüe Monte Baliño

Ourense

Leiro

CEIP Emilia Pardo Bazán

Ourense

O Barco de Valdeorras

CEIP Plurilingüe Julio Gurriarán Canalejas

Ourense

Os Blancos

CEIP Plurilingüe dos Blancos

Ourense

Ourense

CEIP Plurilingüe Albino Núñez

Ourense

Ourense

CEIP Plurilingüe Inmaculada

Ourense

Ourense

CIFP A Farixa

Pontevedra

A Lama

CEIP A Lama

Pontevedra

Barro

IES de Barro

Pontevedra

Cambados

IES Francisco Asorey

Pontevedra

Lalín

CEIP Xesús Golmar

Pontevedra

Meaño

CEIP Plurilingüe de Meaño-As Covas

Pontevedra

Nigrán

CPI Plurilingüe Arquitecto Palacios

Pontevedra

O Grove

CEIP Rosalía de Castro

Pontevedra

Oia

CEIP Mestre Manuel García

Pontevedra

Ponte Caldelas

CEIP Manuel Cordo Boullosa

Pontevedra

Ponteareas

CEIP Plurilingüe Feliciano Barrera

Pontevedra

Pontevedra

CEIP Plurilingüe Praza de Barcelos

Pontevedra

Pontevedra

IES Frei Martín Sarmiento

Pontevedra

Redondela

IES de Chapela

Pontevedra

Salvaterra de Miño

CEIP Plurilingüe de Leirado

Pontevedra

Salvaterra de Miño

IES de Salvaterra de Miño

Pontevedra

Valga

IES Plurilingüe de Valga

Pontevedra

Vigo

CEIP de Coutada-Beade

Pontevedra

Vigo

CEIP Plurilingüe Pintor Laxeiro

 

Información xeral Consellería de Cultura, Educación, Formación Profesional e Universidades

Summary: 

Baixo o título ‘Tecnoloxía con sentidiño’, o 4 de abril comeza o ciclo de charlas con Héctor Ruíz Martin, investigador e director da 'International Science Teaching Foundation'

Tamén participan Luis Sánchez Santos, Laura Espido Freire, José César Perales, Juanjo Montiel Pérez, Javier Saéz de los Terreros e Francisco Bellas Bouza

As conferencias, dirixidas a público en xeral, poden seguirse de forma presencial no Gaiás e na canle de YouTube da Consellería de Educación

Idioma Gallego

A Xunta de Galicia lanza a segunda edición do Ciclo de Cultura Científica dirixida a público en xeral, comunidade educativa e aos docentes. Baixo o título Tecnoloxía con sentidiño, a partir do 4 de abril abordaranse varias temáticas en torno a o eixo común da tecnoloxía, como o uso da mesma nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros.

A Xunta organiza este ciclo nun momento no que o uso da tecnoloxías é motivo de debate, tamén no ámbito do ensino. O obxectivo é ofrecer certezas e contribuír a unha reflexión seria e documentada, con expertos do maior nivel, e baseada en investigacións.

Poderán seguirse de forma presencia no auditorio Neira Vilas da Biblioteca de Galicia, de 18,00 a 19,30 h., e tamén serán retransmitidas en streaming na canle de YouTube da Consellería de Cultura, Educación, Formación Profesional e Universidades.

Programa

Na primeira das sesións, o 4 de abril, Héctor Ruíz Martin, investigador e director da International Science Teaching Foundation, impartirá o relatorio Que nos di a investigación sobre o uso da tecnoloxía na aula?.

Pola súa banda, a escritora e columnista Laura Espido Freire será a encargada, o 22 de abril, da intervención Palabras e pensamento: a ciencia e o seu fio narrativo.

Xa en maio, o día 2, José César Perales, catedrático de Psicoloxía experimental da Universidade de Granada, afondará nos Mitos e evidencias sobre o uso intensivo de dispositivos e aplicación na rede; mentres que o día 16 Juanjo Montiel Pérez, enxeñeiro senior de software de Microsoft, aportará unha ollada desde a discapacidade e a plena integración da tecnoloxía na conferencia Tecnoloxía e accesibilidade.

O 28 de maio, Javier Saéz de los Terreros, responsable da comunicación dixital do Museo del Prado en Madrid, descubrirá aos asistentes como achegar a tecnoloxía cara un público que non visita os museos co relatorio Estratexias de comunicación dixital. As redes sociais do Museo do Prado.

O 4 de xuño será a quenda de Francisco Bellas Bouza, investigador e especialista en Intelixencia artificial do CITIC da Universidade da Coruña e do Centro de Innovación Educativa e Dixital, quen abordará o impacto das novas tecnoloxías na sociedade con Educación na era da Intelixencia Artificial: vaiamos a modo.

A última conferencia desenvolverase en xuño, con data aínda por fixar, da man de Luis Sánchez Santos, profesional sanitario do Sergas. Achegará unha visión desde a pediatría e as Ciencias da saúde co relatorio Cruzando saúde infanto-xuvenil e tecnoloxía.

Os docentes asistentes ao ciclo completo recibirán un certificado de 12 horas de formación do profesorado. Coas charlas configurarase un libro, cun artigo específico para cada unha delas. O libro que versa sobre o ciclo celebrado en 2023, baixo o título Ciencia parece pero non é, presentarase o vindeiro 4 de abril, na primeira das sesións.

Información xeral Consellería de Cultura, Educación, Formación Profesional e Universidades

Summary: 

Concedéronse premios a 430 alumnos e alumnas de diferentes titulacións de grao das tres universidades galegas, que obtiveron as mellores cualificacións durante o ano académico 2021/2022

Idioma Gallego

O presidente da Xunta en funcións, Alfonso Rueda, salientou hoxe que a medida de gratuidade da primeira matrícula en todos os cursos universitarios en Galicia demostra o compromiso do Goberno galego por un ensino accesible que recoñece o “esforzo”, a “preparación” e a “excelencia” do alumnado galego.

“É o xusto”, argumentou o mandatario galego en funcións sobre esta gratuidade que se implantará xa en setembro. Nese senso, defendeu que o deber das administracións é “poñerllo máis fácil” ao alumando que se esforza para que poida acadar a mellor formación posible. Nesta liña, ademais da gratuidade da matrícula universitaria, tamén salientou a conxelación das taxas universitarias en Galicia desde hai 13 anos, unha medida que non se dá “en ningún sitio de España”.

Rueda puxo en valor estas decisións do Goberno galego durante o acto de entrega dos Premios Excelencia Académica, que este ano levan por primeira vez o nome da mestra e inventora Ángela Ruíz Robles. Estas galardóns están impulsados pola Xunta para recoñecer aos mellores expedientes da universidade galega, situándose este ano todos por riba do 8 de media.

“Sodes o futuro de Galicia”

En total, concedéronse premios a 430 alumnos e alumnas de diferentes titulacións de grao das tres universidades galegas, e que obtiveron as mellores cualificacións durante o ano académico 2021/2022.

Neste senso, Rueda considerou “merecido” este tipo de recoñecementos. “Isto dura apenas unha hora, pero detrás hai moitísimas horas e anos de esforzo e tamén de renuncias”, valorou sobre o traballo e a dedicación do alumnado premiado, aos que lle deu os parabéns. “Sodes o futuro de Galicia e Galicia depende en gran parte do voso esforzo”, asegurou para concluír.

Información xeral Consellería de Cultura, Educación, Formación Profesional e Universidades

Summary: 

O secretario xeral técnico e a directora de Ordenación e Innovación Educativa informaron das mesmas, que serán o 10 e 11 de abril para 4º de Primaria e 2º de ESO

As probas, seguindo a lei educativa estatal, terán carácter orientador para o centro, que terá información sobre os resultados acadados

Idioma Gallego

A Consellería de Cultura, Educación, FP e Universidades vén de analizar coa Xunta Autonómica de Directores as probas de avaliación de diagnóstico que se aplicarán en toda España para 4º curso de Primaria e 2º curso de ESO, tal e como fixou o Ministerio de Educación a través da actual lei educativa Lomloe.

O secretario xeral técnico da Consellería, Manuel Vila, e a directora xeral de Ordenación e Innovación Educativa, Judith Fernández, reuníronse cos representantes dos directores de colexios e institutos para informar sobre o proceso, que en Galicia será os días 10 e 11 de abril, así como para  resolver as posibles dúbidas.

Estas probas teñen un carácter informativo, formativo e orientador para os centros, que recibirán un informe de resultados sobre o conxunto do seu alumnado por nivel e por competencia avaliada. Non é, por tanto, unha avaliación de alumno, polo que non haberá datos nin cualificacións individuais. A información obtida ten unha finalidade estritamente diagnóstica, xa que os datos obtidos proporcionan unha información complementaria tanto aos centros como á Administración para deseñar accións específicas de mellora do sistema educativo.

Canto a contidos, avaliaranse as competencias matemática e en comunicación lingüística en Lingua Galega e Literatura, en Lingua Castelá e Literatura e en Lingua Estranxeira (que pode ser alemán, francés, inglés ou portugués, en función da lingua de escolla en cada centro).

Información xeral Consellería de Cultura, Educación, Formación Profesional e Universidades

Summary: 

A Consellería de Educación impulsa desde case hai dez cursos un modelo baseado na observación do traballo que se fai na aula entre centros de dentro e de fóra de Galicia

Trátase dunha das vías de formación mellor valoradas polos docentes para coñecer outras realidades educativas que poden aplicar despois nos seus colexios e institutos

Idioma Gallego

Tras preto dunha década de funcionamento, o programa Observa_Acción, de formación e intercambio de boas prácticas educativas, consolídase con máis de 2.000 profesores e 307 centros participantes. Esta iniciativa impulsada pola Consellería de Cultura, Educación, FP e Universidades fomenta a aprendizaxe conxunta entre o profesorado a través do intercambio de experiencias e a observación entre iguais.

O programa, que se enmarca nas accións de formación do profesorado do Goberno galego, implantouse por primeira vez, con carácter experimental, no curso 2016-17, con seis centros e 30 profesores. Instaurábase así unha nova vía de innovación educativa con intercambios entre docentes de distintos centros co fin de facilitar que observaran de forma directa metodoloxías, enfoques didácticos nos procesos de ensino-aprendizaxe, formas de relación e comunicación ou vías de xestión dos recursos propios e alleos que se desenvolven en colexios e institutos diferentes ao seu, fomentando a aplicación do aprendido despois nas súas aulas.

A Consellería de Educación deu conta ao Consello da Xunta da evolución do programa, que foi medrando de xeito exponencial ata acadar os 142 centros e 1.276 profesores participantes no actual curso 2023-24, cifra que se eleva a 307 centros e 2.031 docentes se se ten en conta todo o período de funcionamento desde o ano 2016.

Este modelo de formación baseado na observación tanto a nivel interno dos propios centros como en colaboración con outros de dentro e de fóra da Comunidade galega é unha das ferramentas formativas máis valoradas polo profesorado, que a consideran unha oportunidade valiosa para aprender novas estratexias de ensinanza, novos enfoques pedagóxicos e xestión da aula.

Internacionalización e estrutura do programa

Ademais, favorece a internacionalización na medida en que se abren as portas a proxectos transfronteirizos, tecendo redes de intercambio tanto entre docentes como entre equipos directivos de centros con proxectos comúns que propician o apoio mutuo e permanente.

Estrutura do programa

O programa estrutúrase en tres tipos de actuacións: o intercambio de boas prácticas profesionais, onde tanto os docentes como os centros intercambian información sobre as súas boas prácticas metodolóxicas ou organizativas; a formación entre compañeiros, onde os profesores que visitan e observan forman aos compañeiros dos centros visitados, e observación baseada no Job Shadowing ou período de observación profesional, que proporciona o achegamento a outras metodoloxías a través da observación e a reflexión conxuntas.

Todo iso organízase nun itinerario ao longo de dous cursos escolares. O primeiro é a fase 1, a autonómica, de carácter obrigatorio para todos os centros participantes. Esta fase divídese á súa vez na etapa Comparte, de observación entre docentes do mesmos centro educativo, e a etapa Acolle, de observación entre centros da nosa comunidade.

No segundo curso desenvólvese a fase 2, interautonómica e internacional e voluntaria para os centros que o elixan. Neste período ten lugar a etapa Conecta, de observación entre centros da nosa Comunidade e de sete comunidades autónomas (Castela e León, Madrid, Estremadura, Aragón, A Rioxa, Murcia e Cantabria) e a etapa Internacionaliza, de observación con centros doutros tantos países da Unión Europea (Escocia, Francia, Portugal, Italia, Finlandia, Estonia e Lituania, entre outros) a través do intercambio de experiencias e a observación con 14 comunidades autónomas e países estranxeiros.

Información xeral Consellería de Cultura, Educación, Formación Profesional e Universidades

Summary: 

Os estudantes poderán realizar mobilidades tanto nos países europeos pertencentes ao programa como nos asociados ao proxecto, fóra de Europa

A contía da axuda, que inclúe tanto a realización da viaxe como a estadía, oscilará en función da distancia, o país de destino e o número de días que dure a mobilidade

Idioma Gallego

A Consellería de Cultura, Educación, Formación Profesional e Universidades vén de publicar a convocatoria de mobilidades Erasmus+ para alumnado de ciclos de grao básico e medio de Formación Profesional, ao abeiro do programa KA121, e de grao superior, ao abeiro do programa KA131. O obxectivo é que o alumnado poida realizar formación práctica fóra de España, o que repercutirá positivamente tanto na súa competencia en linguas estranxeiras como na mellora da súa cualificación.

O departamento educativo da Xunta de Galicia destina así máis de 700.000€ a apoiar a participación dos estudantes galegos nestas experiencias. En ambos os casos, a contía da axuda para cada alumno, que inclúe tanto a realización da viaxe como a estadía, oscilará en función da distancia, o país de destino e o número de días que dure a mobilidade. Increméntanse as contías da axuda para a viaxe e as axudas individuais, dependendo do proxecto, para favorecer a inclusión de participantes con menos oportunidades.

O alumnado que reúna os requisitos para participar nestas convocatorias presentará no seu centro educativo a solicitude, nos prazos que o centro estableza. Serán os centros os que remitan a documentación á Consellería de Cultura, Educación, FP e Universidades para a tramitación da axuda.

FP Básica e grao medio

No caso dos alumnos de FP Básica e de grao e medio, os estudantes poderán realizar a mobilidade tanto nos 33 países europeos pertencentes ao programa, como nalgún dos 169 países non asociados ao programa, repartidos entre os cinco continentes.

Poderán concorrer a esta convocatoria as persoas matriculadas durante o curso 2023/24 nun ciclo formativo de grao básico ou grao medio de FP ou nun curso de especialización de FP de grao medio, nalgún dos 80 centros educativos que participan no proxecto KA 121. Ademais, deben estar en condicións de acceder á realización da Formación en Centros de Traballo (FCT) antes do comezo da mobilidade. Tamén poden participar as persoas que titularan nalgunha das devanditas titulacións neses centros durante os 12 meses anteriores á finalización da mobilidade prevista.

Ao abeiro destas axudas, os estudantes poderán realizar mobilidades educativas de curta duración (10 a 89 días) e de longa duración (90 a 365 días). En calquera caso, a estadía no estranxeiro dedicarase a realizar prácticas formativas relacionadas coas ensinanzas cursadas nunha empresa ou noutra organización activa no ámbito da FP. 

Ciclos de grao superior

No caso do programa KA131, para alumnos de ciclos de grao superior, hai dous tipos de mobilidades. As de longa duración para formación práctica (dous a 12 meses) permiten a realización de períodos de formación práctica no estranxeiro nunha empresa, un instituto de investigación, un laboratorio, unha organización ou calquera outro lugar de traballo. Estas estadías poderán realizarse en países da UE e nalgúns países fóra dela.

As combinadas inclúen unha mobilidade física de curta duración (cinco a 30 días) para a realización dos devanditos períodos de formación práctica e unha compoñente virtual obrigatoria que facilite o intercambio educativo e o traballo en equipo en liña de maneira colaborativa. Esta compoñente poderá ter lugar antes ou despois da mobilidade física. Estas estadías poderán realizarse en países de todo o mundo. 

Poderá participar o alumnado matriculado durante os cursos 2023/24 ou 2024/25 nun ciclo formativo de grao superior de FP ou nun curso de especialización de Formación Profesional de grao superior nalgún dos 43 centros que participan no proxecto KA 131. Deben estar en condicións de acceder á realización da Formación en Centros de Traballo (FCT) ou de realizar un período de formación en empresa antes do comezo da mobilidade. Tamén poden participar as persoas que titularan nalgunha das devanditas titulacións neses centros durante os 12 meses anteriores á finalización da mobilidade prevista.

Información xeral Consellería de Cultura, Educación, Formación Profesional e Universidades

Summary: 

A directora xeral de Ordenación e Innovación educativa da Consellería de Educación transmítelles as felicitacións do Goberno galego a estes rapaces do Instituto IES Río Cabe “por ter superado este reto co mellor resultado”

Proclamáronse gañadores tras superar unha disputada final que consistiu nun concurso de preguntas e respostas fronte a outro centro de Cáceres 

Idioma Gallego

A directora xeral de Ordenación e Innovación educativa, Judith Fernández, visitou hoxe aos membros do equipo do Instituto IES Río Cabe de Monforte de Lemos gañador do concurso nacional Coñecemento financeiros, organizado polo Banco de España e a Comisión Nacional do Mercado de Valores.

A representante da Consellería de Cultura, Educación, FP e Universidades transmitiulles as felicitacións da Xunta “por ter superado co mellor resultado este reto, no que non só tiveron que amosar unha gran solvencia a nivel de coñecementos, senón a capacidade de facer fronte aos nervios”. “Sodes un exemplo para os voso compañeiros”, afirmou.

Non en balde, o equipo monfortino proclamouse gañador tras superar unha disputada final que consistiu nun concurso de preguntas e respostas sobre cuestións financeiras no que se enfrontaron ao Colexio Santísima Trinidad, de Plasencia (Cáceres). Ademais dunha tablet para cada integrante do equipo, o centro recibiu 3.000€ para material escolar. 

Precisamente co gallo deste triunfo, a OCDE decidiu celebrar o primeiro acto da 12ª edición da Global Money Week no Instituto IES Río Cabe, cun taller sobre cultura financeira. O obxectivo deste campaña mundial é fomentar a educación financeira, unha liña de actuación que tamén desenvolve a Xunta de Galicia con formación específica para os docentes e unha materia na ESO.

Información xeral Consellería de Cultura, Educación, Formación Profesional e Universidades

Summary: 

Na modalidade de FP Dual ofértanse 60 prazas, cunha parte de formación no país de orixe e a outra en centros de ensino e empresas en Galicia

Os estudantes seleccionados neste eido percibirán unha bolsa de 10.800 € de apoio

Outras 48 prazas son para formación específica básica, onde os alumnos recibirán 6.500€ de apoio económico para viaxe, aloxamento e manutención durante o curso

A Consellería destina case 1M€ a esta iniciativa enfocada a incentivar que os galegos no estranxeiro se formen en Galicia e se incorporen ao noso mercado laboral

O prazo de presentación de solicitudes está aberto ata o 12 de maio

Idioma Gallego

A Xunta vén de abrir a convocatoria para solicitar algunha das 108 bolsas Retorna Talento FP para o vindeiro curso 2024/25, dirixidas a que os galegos do exterior poida realizar estudos de Formación Profesional que lles permitan mellorar a súa cualificación e volver á súa terra de orixe.

O Goberno galego destina case 1M€ a esta iniciativa, que forma parte da Estratexia Galicia Retorna, coa que o Goberno galego quere incentivar que os galegos residentes no estranxeiro -tanto emigrantes coma descendentes destes- a formarse en Galicia e incorporarse ao noso mercado laboral.

A través desta acción, enmarcada na Estratexia Galicia Retorna 2023-2026, búscase tamén que a sociedade galega se enriqueza cos coñecementos e as experiencias profesionais internacionais que acheguen estas persoas que residiron ou naceron no estranxeiro e que agora retornan a Galicia, ao mesmo tempo que se reforza a súa vinculación coa Comunidade Autónoma.

Como novidade fronte ás convocatorias anteriores, amplíase a idade límite das persoas solicitantes, pasando dos 40 aos 45 anos, favorecendo así que un maior número de persoas galegas que queiran retornar a Galicia poidan facelo acadando unha formación profesional recoñecida que posibilite a súa incorporación ao mercado laboral.

FP Dual á distancia

Nesta modalidade de FP Dual á distancia ofértanse 60 prazas para o vindeiro curso 2024/25. Neste caso, os seleccionados poderán iniciar a súa formación académica no país de orixe e completala coa parte práctica en empresas en Galicia, en función da estrutura dos dous cursos que compoñen cada ciclo.

Así pois, durante o primeiro curso, os estudantes realizarán a primeira parte a distancia desde o país de orixe e unha segunda parte presencial nas empresas seleccionadas a través de convenios con firmas referentes das contornas dos centros e dos sectores correspondentes.

No segundo curso académico, haberá unha primeira parte en modalidade semipresencial no centro de formación e unha segunda parte presencial na empresa. Recibirán unha bolsa de 10.800 euros cada un para afrontar os gastos asociados como a viaxe desde o seu país de procedencia, aloxamento e manutención en Galicia e subscrición dun seguro médico, de ser o caso.

Os ciclos ofertados son os reflectidos na seguinte táboa:

Concello

Centro

Ciclo de FP Dual

Prazas

Ferrol

CIFP Ferrolterra

Ciclo superior de Deseño e amoblamento

12

A Coruña

CIFP Someso

Ciclo superior de Proxectos de edificación

12

Culleredo

CIFP Universidade Laboral

Ciclo superior de Desenvolvemento de proxectos de instalacións térmicas e de fluídos

12

Vilamarín

CIFP de Vilamarín

Ciclo superior de Xestión de aloxamentos turísticos

12

Redondela

IES de Chapela

Ciclo medio de Atención a persoas en situación de dependencia

12

Formación específica básica

Nesta modalidade, ofértanse un total de 48 prazas para cursar Programas específicos básicos de FP durante o curso 2024/25. Neste caso a bolsa é de 6.500 euros por alumno e a relación de programas formativos ofertados é a seguinte:  

Concello

Centro

Programa formativo de formación específica básica

Prazas

A Coruña

CIFP Someso

Albanelaría e fontanería

16

Culleredo

CIFP Universidade Laboral

Fontanería, calefacción, electricidade e telecomunicacións en edificios

16

Ferrol

CIFP Ferrolterra

Fontanería, calefacción, electricidade e telecomunicacións en edificios

16

Prazo ata o 12 de maio

O prazo de presentación de solicitudes está aberto ata o 12 de maio e deberán facerse a través da aplicación  informática Ciclosadmisión. Os requirimentos son os establecidos na convocatoria: con carácter xeral non ter gozado destas bolsas en convocatorias anteriores, ser residente no estranxeiro e ter nacionalidade española, ter menos de 45 anos e ter algunha relación de orixe ou consanguinidade con Galicia.

Información xeral Consellería de Cultura, Educación, Formación Profesional e Universidades

Summary: 

Explica que os centros contan con recursos como os Polos Creativos e materias que afondan na Intelixencia Artificial e as Tecnoloxías Intelixentes

Máis de 1000 docentes abordan nesta xornada de formación os aspectos éticos e mecanismos de regulación e protección de datos, entre outros asuntos

Idioma Gallego

O conselleiro de Cultura, Educación, FP e Universidades en funcións, Román Rodríguez, inaugurou hoxe o Congreso Intelixencia Artificial e Educación, onde destacou a aposta da Xunta por garantir un acceso equitativo ao uso das tecnoloxías na escola. “A equidade e a accesibilidade son piares básicos do sistema educativo galego, polo que traballamos para compensar as posibles desigualdades no uso das tecnoloxías”, salientou.

Neste sentido, explicou que os centros contan con recursos de equipamento, como os Polos Creativos, que se complementan cun amplo programa de actividades formativas, entre elas a celebrada hoxe na Cidade da Cultura, “cun éxito de participación que fixo que tivéramos que ampliar ata máis de 1000 as prazas”. Así mesmo, sinalou que o sistema educativo galego conta con materias específicas como Intelixencia artificial para a sociedade e Tecnoloxías intelixentes, ademais de cun grao universitario en Intelixencia Artificial.

Finalmente, lembrou que xa está en fase inicial o desenvolvemento dun proxecto pioneiro en España, EdugalIA, para aplicar as vantaxes da Intelixencia Artificial á Administración educativa dixital para mellorar a toma de decisións de cara ao éxito escolar e crear un expediente académico único, entre outras melloras

Nesta xornada de formación do profesorado abórdanse os aspectos éticos e mecanismos de regulación da Intelixencia Artificial, as ferramentas para aplicala á docencia e a protección de datos. O obxectivo é que os docentes coñezan os conceptos fundamentais desta disciplina e da súa aplicación ao ámbito educativo, coas correspondentes ferramentas e analizar os aspectos éticos, de seguridade e legais.

Información xeral Consellería de Cultura, Educación, Formación Profesional e Universidades

Summary: 

Román Rodríguez e Mariano Jabonero asinan un acordo en Madrid para impulsar actividades para a promoción de programas de innovación educativa

O acordo contempla tamén a celebración dun foro de alto nivel sobre PISA e un seminario para fortalecer a gobernanza e o liderado educativo pedagóxico e inclusivo

Idioma Gallego

O conselleiro de Cultura, Educación, FP e Universidades en funcións, Román Rodríguez, e o secretario xeral da Organización de Estados Iberoamericanos (OEI), Mariano Jabonero, asinaron esta mañá en Madrid un acordo de colaboración para planificar accións conxuntas na promoción de programas de innovación educativa.

Ao abeiro desta cooperación, a Xunta e a OEI organizarán en Santiago de Compostela neste 2024 un seminario iberoamericano sobre transformación dixital e Intelixencia Artificial na educación, con expertos e personalidades destacadas do ámbito educativo e empresarial. O obxectivo é a mellora das competencias dixitais de toda a comunidade educativa para responder axeitadamente ao contexto dixitalizado global.

Román Rodríguez destacou a importancia deste evento internacional “para continuar fortalecendo as competencias profesionais docentes en todo o relativo ao imparable proceso de transformación dixital que estamos a vivir”. “A Xunta de Galicia ten en marcha a Estratexia de Educación Dixital 2030 para, precisamente, mellorar as capacidades dixitais da comunidade educativa, con actuacións para alumnos, profesores, familias e centros, que inclúen desde a dotación de equipamentos ata a formación, imprescindible neste contexto no que cada día xorden novos desafíos”, explicou.

“Agardamos que este encontro marque un novo fito no traballo que desde os centros se está a facer para integrar na práctica educativa a Intelixencia Artificial e as novas ferramentas dixitais”, afirmou o conselleiro en funcións.

Previamente, unha delegación do Goberno galego visitará a sede da Organización para a Cooperación e o Desenvolvemento Económicos en París, co obxectivo de manter unha reunión co equipo de educación e definir cuestións de importancia no proceso de traballo a favor da transformación dixital en educación. Ademais, froito da celebración do seminario, elaborarase un informe sobre Intelixencia Artificial en educación, o seu desenvolvemento e posibles aplicacións.

Avanza na educación de calidade

No marco deste convenio tamén se organizará un foro de alto nivel sobre avaliación educativa. Nel farase unha análise exhaustiva do informe PISA, da súa metodoloxía e procedementos, e de como esta ferramenta de avaliación pode empregarse para mellorar a evolución de alumnado, profesorado, directores e centros.

Esta actividade enmárcase no papel da OEI dentro do Comité Directivo de Alto Nivel do Obxectivo de Desenvolvemento Sostible 4 que promove a UNESCO, que pasa por garantir unha educación inclusiva, equitativa e de calidade e promover oportunidades de aprendizaxe durante toda a vida. En concreto, a Organización de Estados Iberoamericanos  ocúpase de dar voz aos avances e retos de América Latina e Caribe na consecución deste obxectivo, ao tempo que proporciona orientación estratéxica para lograr a consecución destas metas.

Mellora da gobernanza

O acordo inclúe, así mesmo, a celebración dun seminario Galicia-Portugal para fortalecer a gobernanza e promover un modelo de liderado escolar pedagóxico e inclusivo entre todos os integrantes da comunidade educativa, unha das cuestións consideradas fundamentais para a mellora da calidade da educación en Iberoamérica.

Este evento, dirixido a directores de centros educativos de Galicia e Portugal técnicos da Consellería de Educación e do Ministerio portugués, celebrarase de xeito compartido entre Tui e Valença do Minho.

Información xeral Consellería de Cultura, Educación, Formación Profesional e Universidades

Summary: 

A directora xeral de Ordenación e Innovación Educativa, Judith Fernández, participa na entrega dos premios en homenaxe á que foi alumna do centro

Idioma Gallego

A Xunta de Galicia destaca o labor do Instituto IES Eusebio da Guarda polo fomento da lectura e da escritura a través do XIX certame literario Rita Suárez Amado en memoria da que foi alumna do centro.

A directora xeral de Ordenación e Innovación Educativa, Judith Fernández, participou hoxe na entrega dos galardóns, unha cita anual que é posible grazas á implicación do equipo directivo encabezado por Isabel Ruso e do conxunto do alumnado e do profesorado do instituto “e que hoxe é un referente para a comunidade educativa”, salientou. 

A representante da Consellería de Cultura, Educación, FP e Universidades gabou tamén a importancia deste tipo de certames como “aliciente e revulsivo” para que a mocidadede ESO e Bacharelato se inicie na escritura a través de propostas de relatos curtos e de poesía. Así mesmo, amosou o seu agradecemento á familia de Rita, que doa parte dos premios e á anpa, encargada de organizar o taller de escritura creativa para os gañadores.

Información xeral Consellería de Cultura, Educación, Formación Profesional e Universidades

Summary: 

Educación traballa na configuración deste espazo que se publicará na primeira quincena de abril e funcionará como punto de encontro de estratexias, ideas e recursos á disposición do profesorado

Os profesionais educativos terán acceso libre e gratuíto a recursos innovadores creados por profesorado con experiencia e testados en contextos reais de aula

Os próximos días procederase ao seu lanzamento público con 90 publicacións de diversa índole coa previsión de acadar as 150 antes de que remate o curso

Incluirá un espazo sobre a implementación da Intelixencia Artificial a nivel docente

Trátase dunha ferramenta de apoio ao proceso de aprendizaxe do sistema educativo galego onde o analóxico e o dixital se complementan entre si

Idioma Gallego

A Xunta está ultimando a posta en marcha de Ágora Dixital, unha plataforma especializada en recursos tecnolóxicos e dixitais ao servizo da docencia en Galicia, da cal deu conta hoxe a Consellería de Cultura, Educación, FP e Universidades a través dun informe elevado ao Consello.

Este novo espazo educativo, no que actualmente está traballando o Centro de Innovación Educativa e Dixital, publicarase á volta das vacacións de Semana Santa e concíbese como unha praza aberta da comunidade educativa na que, á semellanza da ágora da Antiga Grecia, os docentes poden achegarse aos últimos recursos sobre temática STEM e dixital creados por profesorado de diversas materias de niveis non universitarios da educación obrigatoria.

Trátase, por tanto, dun espazo de creación, de coñecemento e de diálogo colaborativo entre o profesorado con máis experiencia docente nestas temáticas cunha proposta de traballo en equipo no que se podan achegar ideas, estratexias e recursos de calidade e fiables previamente testados en contextos reais na aula.

Esta nova acción está concibida como unha ferramenta máis de apoio ao proceso de aprendizaxe dentro do sistema educativo galego, que se caracteriza pola convivencia dos métodos analóxico e dixital, que se complementan entre si.

Nos próximos días está previsto o seu lanzamento público a través do web do Centro de Innovación Educativa e Dixital. Inicialmente a plataforma incluirá 90 publicacións de diversa índole que se verán incrementadas ata 150 antes de que remate o curso.

Así pois, logo da súa posta en funcionamento, a dinámica de funcionamento de Ágora Dixital centrarase na colaboración e creación de redes de docentes que poidan enriquecer o ecosistema educativo e dixital galego e a visibilización de boas prácticas de calidade do profesorado do sistema educativo autonómico.

Estrutura en seis laboratorios

As publicacións estarán estruturadas en seis apartados ou laboratorios, denominados LAB: LAB-Microsecuencias, LAB-Espazos, LAB-Estratexias, LAB-Expert, LAB-Ideas e LAB-IA. Estes LAB están configurados como axudas metodolóxicas de distintos tipos (experimentos, propostas de boas prácticas...) de apoio aos docentes para enriquecer o seu labor na aula a través dunha clase guiada. Todos eles presentan unhas características comúns, con etiquetas para clasificar, organizar e facer buscas entre todas as publicacións que se recollen.

O primeiro apartado, LAB-Microsecuencias, consiste en pílulas en aberto e reutilizables, tanto para aprender de maneira flexible como para levar á aula. Están baseadas na micro-aprendizaxe experimental e caracterízanse polo seu formato curto e pluridisciplinar, están categorizadas por nivel educativo e relacionadas co currículo con correspondencia coas competencias clave e son facilmente replicables na aula. Poden ser presentadas como unha pregunta, un reto ou unha afirmación. A modo de exemplo, pódese partir da afirmación O poder desoxidante da vitamina C. A partir de aí, ofértase ao docente unha pequena introdución do experimento, unha cesta de materiais (laranxa, exprimidor, auga, pinceis...), recomendacións técnicas e guía para que o experimento se poda levar a cabo con toda a seguridade e cumpra coa súa función didáctica.

No apartado LAB-Espazos, o profesorado atopará consellos para a transformación de espazos educativos innovadores, así como para a creación de novos espazos de aprendizaxe explorando propostas novidosas de experimentación dentro e fóra da aula. Por exemplo, pódese acceder ao proxecto Espazo de lecer no instituto xerado por un instituto concreto onde se describa a orixe da idea, as necesidades do alumnado e a mellora da contorna. O resto do profesorado ten acceso a esta proposta que pode servir de guía para replicar no seu centro educativo.

O LAB-Estratexias configúrase como pequenas achegas, moi resumidas, para coñecer e implementar diversas estratexias de aprendizaxe na aula. O seu formato é comprimido e está composto dun plan sinxelo cun vídeo curto explicativo con puntos clave e elementos descargables para unha aplicación doada na aula. Trátase de estratexias docentes con ideas e recursos para captar a atención do alumnado e manter o seu interese.

LAB-Expert abrangue entrevistas e pequenas achegas sobre tendencias emerxentes na educación en formato vídeo curto onde persoas expertas dan a súa opinión e aportan a súa experiencia en diversos campos temáticos relacionados co mundo dixital e STEM e a educación. Son propostas específicas complementarias sobre temáticas innovadoras e emerxentes que poden resultar de interese para o alumnado. Por exemplo, unha proposta pode ser Que é a intelixencia artificial verde. Neste apartado, os docentes teñen acceso a documentación de expertos así como a unha guía metodolóxica para abordar o tema na aula sacándolle o máximo proveito.

O apartado de LAB-Ideas está concibido como punto de reunión e participación para compartir e recomendar información valiosa para o profesorado en forma de recursos, convocatorias, premios, formacións e proxectos entre outros. Aquí inclúese a posibilidade de acceder a laboratorios virtuais ou de participar en feiras científicas tamén en modo virtual.

Por último, LAB-IA é un espazo que amosa pequenas achegas sobre a implementación da Intelixencia Artificial a nivel educativo para persoas que desexen iniciarse nesta temática. A integración da IA na educación supón un reto, pero tamén un novo mundo de oportunidades de soporte das tecnoloxías intelixentes no labor docente. Isto é, que o profesorado disporá dun espazo virtual no que, a través deste LAB, teña a oportuniddae de atopar, acceder e explorar información actualizada sobre este tema e que lle resulte de interese para a súa aplicación na aula.

 

Información xeral Consellería de Cultura, Educación, Formación Profesional e Universidades

Summary: 

O proxecto da Xunta inclúe a renovación de case 1.500m² de cubertas, a mellora do illamento térmico e a instalación de novos falsos teitos, luminarias, alicatado e portas

A maiores, renóvanse as instalacións de electricidade, fontanería, calefacción e protección contra incendios en toda a área de actuación desta terceira fase

Idioma Gallego

Un total de catro empresas de construción presentaron as súas ofertas para realizar a terceira fase da rehabilitación integral do Colexio CEIP Froebel de Pontevedra. Cómpre lembrar que a Consellería de Cultura, Educación, FP e Universidades licitou esta obra en febreiro, por un importe de 1.170.948,58€ e, para axilizar os trámites, remitiu xa ao Concello de Pontevedra o proxecto básico e de execución para que conceda a licenza de obras no prazo máis breve posible.

Na sesión celebrada hoxe da mesa de contratación, os técnicos constataron a presentación de ofertas por parte das empresas Construcciones Castro Figuero S.L., Construcciones Jesús Naray S.L., Construcciones y Obras Taboada Ramos S.L.U. e Obras y Servicios Gómez Crespo S.L. A partir de agora, revisarase a documentación presentada para proceder a realizar a proposta de adxudicación e que a obra, que ten un prazo de execución de seis meses, poida comezar no verán, sempre e cando o Concello teña outorgado a licenza de obras.

Melloras en cubertas e aulario

O programa de necesidades inclúe tanto as necesidades iniciais detectadas pola Unidade Técnica como melloras suxeridas polo propio centro e ocúpase da parte do colexio que aínda non foi reformado, que se corresponde coa parte do volume central que dá á rúa Xeral Martitegui, incluíndo as aulas de Primaria e a zona cuberta do patio central, así como o distribuidor que rodea todo o patio central.

Deste xeito, o proxecto contempla a renovación das cubertas que aínda non foron mudadas, cunha superficie total de case 1.500m², unha actuación que se completará co reforzo estrutural das cerchas e a renovación dos correspondentes canlóns e baixantes. Incorporarase, ademais, illamento térmico nas novas cubertas, de xeito que se reduzan as perdas de calor e colocarase un pararraios.

Así mesmo, colocarase trasdosado de xeso interiores en fachadas exteriores para incrementar o illamento térmico e melloraranse os acabados interiores, co cambio de falsos teitos, alicatados, luminarias e portas, tanto en zonas comúns como en aulas. No que atinxe aos aseos, acometerase a remodelación dos situados na torre central.

A maiores, renovaranse as instalacións de electricidade, fontanería, calefacción e protección contra incendios en toda a área de actuación desta terceira fase.

Información xeral Consellería de Cultura, Educación, Formación Profesional e Universidades