Estimadas familias. Coa finalización deste primeiro trimestre queremos informarvos dalgunhas cuestións de interese:

• O martes 22 terminan as clases deste primeiro trimestre. De momento, a pesar dos rumores, non hai modificación no calendario escolar, e polo tanto a volta ás clases será o venres 8 de xaneiro. 
• Este martes 22 todo o alumnado recibirá o boletín de avaliación en papel, e ademáis levarán a tradicional postal navideña coa que felicitamos a toda a nosa comunidade educativa, e por último tamén levarán o díptico de recomendación de libros por idades, elaborado pola biblioteca do centro.
• Máscaras da convocatoria da Xunta: Este luns 21 entregarémolas ao alumnado beneficiario desta convocatoria. Levarán cinco máscaras cada un-unha. Son reutilizables ata 25-30 lavados, e polo tanto a súa utilización alcanzará ata final de curso. As instruccións de uso e colocación están no embalaxe orixinal.
• COVID: A incidencia no colexio durante o trimestre foi baixa, arredor do 2%. Quero agradecer ao alumnado, profesorado e ás familias o seguimento dos protocolos e normas de actuación, e que continuemos na mesma liña ata a suspensión da alerta sanitaria.
• Festival Virtual de Nadal: Mañá teredes dispoñible na web os vídeos coas actuacións que prepararon nos diferentes niveis, con elas pretendemos transmitir unha mensaxe de alegría e optimismo, a pesar das circunstancias. 
• Activ Extraescolares: A partir do luns 11 de xaneiro está previsto o comezo das mesmas según a planificación da ANPA. Por suposto cumplirán os protocolos esixidos para este tipo de actividades

Para terminar, quero desexarvos unha Felices Festas e un Feliz ano 2021 con moita saúde para todos-as.

Estimadas familias:

A crise global do coronavirus fai que institucións benéficas, como a Cociña Económica, teñan unha altísima demanda de solicitudes de axuda por parte de moitas familias.

Este ano non podemos promover unha recollida de alimentos como as de anos anteriores. Para non deixar de colaborar con eles cando máis falta fai, queremos pedirvos a todas-os os que poidades, que fagades un donativo coa cantidade que cada quen considere oportuna.

Aquí deixamos o enlace seguro, onde poderedes acceder directamente sen necesidade de rexistro, e realizar a vosa aportación: http://www.cocinaeconomica.org/donacion-online.asp

tamén podedes indicar no apartado de comentarios “Campaña do Fdez Latorre”, para que vexan que un curso máis seguimos a colaborar con eles

 Aproveitamos a ocasión para saudarvos e agradecervos a vosa implicación e colaboración nesta campaña solidaria do nadal.

A Coruña, 16 de decembro de 2020.                           A dirección.

Dende o Servizo Municipal de Educación do Concello de A Coruña comunícannos o envío de materiais para entregar a todo o alumnado nos próximos días:

1. Botellas de aluminio para 5º e 6º de Infantil e 1º e 2º de Primaria.
2. Máscaras reutilizables para 3º e 4º de Primaria.
3. Botes portátiles de hidroxel para 5º e 6º de Primaria.

Como vedes son materiais para colaborar na consolidación de hábitos de prevención e saúde entre o alumnado.

Na situación actual, co acceso ao recinto educativo bastante restrinxido para as familias, pensamos que sería unha boa idea ter toda a información habitual do taboleiro do colexio volcada nun taboleiro virtual, onde toda a comunidade educativa poda consultar información de interese, circulares, convocatorias, etc. O enlace estará permanentemente no menú lateral na esquerda da páxina https://drive.google.com/drive/folders/1PPoW5AZb8I4xNH5yaaFjoS7WiVwi-DPx?usp=sharing

O Secretario do centro realizou esta presentación sobre aspectos e recomendacións a ter en conta na vida diaria dentro e fora da escola. Un interesante documento para ler e revisar de vez en cando como recordatorio de moitas das medidas que coñecemos, e de outras que non tanto.

Aqui tedes as listaxes de material para este curso. Lembramos que este ano non haberá entrega previa. O alumnado deberá traer o material e libros o primeiro día de clases, debidamente identificado.

• ED. INFANTIL (se utilizan mascarilla traer outra de reposto na mochila, nun sobre de papel)
• 1º ED. PRIMARIA
• 2º ED. PRIMARIA
• 3º ED. PRIMARIA
• 4º ED. PRIMARIA
• 5º ED. PRIMARIA
• 6º ED. PRIMARIA

Chegounos este vídeo das nosas amigas as "Meigas do Castrillón". Xa as coñecedes, sempre visitan o colexio polo samaín, pero nesta ocasión, e como agora todo é algo diferente, quixeron mandar unha mensaxe de ánimo e felicitar a todos-as o Día das Letras Galegas que celebraremos este domingo. Moitas gracias, por acordaros de toda a comunidade educativa do Fdez Latorre.

Xa estamos na terceira semana de quedar en casa!!. Estamos algo cansados de non poder sair pero animados porque cada día queda menos para volver a vernos no colexio, no parque, na rúa... Dende aquí moito ánimo e forza para todos.E seguimos recollendo as vosas imaxes e aportacións, que sirven para amosar a motivación e coordinación que estades a levar a cabo estes días. Para mostra este increible vídeo que nos aportan as familias do lazo amarelo e a mensaxe de ánimo no vídeo do profesorado do colexio.

Ola alumnado e familias. Pasou a primeira semana de estar na casa e queremos darvos as gracias polo seguimento das normas e a vosa colaboración coas tarefas dos vosos fillos e fillas. Sabemos que as veces custa un pouco pero confiamos na vosa forza e ilusión para superalo co éxito. Polo cole todo moi baleiro e triste. O Concello avisou de que desinfectará todos os coles da cidade, non sei cando lle tocará ao noso. 

De momento nada máis e déixovos algúnhas aportacións do alumnado dende as casas, e así dámoslle máis visibilidade e sirve  para animarnos a todos e todas. Se queredes mandar unha aportación, unha mensaxe ou algo divertido, non dubidedes en facelo a través do correo do cole: ceip.fernandez.latorre@edu.xunta.es

LAS VACACIONES DE LUCÍA from Mª Dolores Mantiñán Loureiro on Vimeo.

SAÚDO DE ÁLEX from Mª Dolores Mantiñán Loureiro on Vimeo.

Foi este venres soleado do 21 de febreiro cando os 489 alumnos-as do colexio acompañados do profesorado e as familias demostraron todo o seu poderío. Aquí no seguinte vídeo e galería de imaxes podedes ver unha boa selección dos mellores momentos. Norabóa!!

ALBUM DE FOTOS