Un ano máis co alumnado de 6º, finalizamos a UD de atletismo con esta xornada lúdico deportiva no estadio de atletismo da UDC en Elviña.

Hoxe - 20 de outubro- os nenos e nenas de 6º fomos a Pablo Iglesias a facer orientación. Tratábase de que cun mapa tiñamos que orientarnos e atopar as pistas que nos puxera Pablo, o profesor de educación física, as preguntas e os debuxos trataban sobre probas relacionadas co atletismo. Foi moi divertido. (Andrea 6ºB)

Despois de mes e medio de clases, entrenamentos e competicións, hoxe 29 de maio fixemos a fase final do torneo. Aqui tedes algúns momentos.

Entre o luns 18 e o venres 22 de maio deste 2015 celebramos unha semana especial, desenvolvendo actividades moi relacionadas coa expresión da nosa cultura  e tradición. Nesta ocasión falamos da actividade de xogos tradicionais que durante todos os recreos tivo lugar no patio para o alumnado de primaria. Contamos coa colaboración da A. C. "A Modiño" que prestounos parte do material utilizado, e tamén coa implicación de alumnado de 6ºEP na monitorización dos xogos. A outra actividade, consistía na realización de talleres de oleiros, impartidos por un experto artesán de Buño, e como protagonistas, o alumnado de infantil e 6ºEP. Ademáis a exposición do autor homenaxeado, e como guinda teremos o Festival das Letras o vindeiro luns 25.

O Teatro Rosalía de Castro foi o escenario da Gala Final dos Xogos Escolares do Concello, na que o Colexio estivo ben representado polos integrantes do equipo de volei, que acadou un meritorio terceiro posto. Nesta edición houbo alumnado do Centro participante, tamén en balonmán, baloncesto e tenis. Norabóa a todos-as os participantes, e para o vindeiro curso + deporte, + compañeiros, + diversión, + felicidade.

Cunha xornada pre olímpica nas pistas de atletismo do Campus de Elviña, finalizamos a unidade didáctica. Salto de lonxitude, lanzamento de peso, velocidade, relevos, resistencia,... unha xornada para disfrutar da actividade física en grupo, e nun entorno diferente e motivador.

Neste inicio de curso 2014-15, contamos coa colaboración do clube OAR CORUÑA de balonmán para animar ao alumnado a practicar este deporte. Borja e Hugo, xogadores e monitores, realizaron unha sesión práctica co alumnado de 2º a 6º de primaria.

Por segundo ano consecutivo o alumnado de sexto realizou no terceiro trimesre, a unidade didáctica de Educación Deportiva na especialidade de balonmán. O mércores 28 de maio fixemos a final do torneo entre as dúas clases e nos acompañaron na festa deportiva o alumnado de 3º, 4º e 5º. Norabóa pola participación e o compromiso.