O 18 de maio de 2022, publicouse no DOG a convocatoria anual para solicitar axudas para a compra de libros de texto, material escolar e/ou participar no préstamo solidario de libros de cara ao vindeiro curso 2022/23. Estas axudas son exclusivamente para o alumnado que cursará estudos de Educación Primaria ou Secundaria o vindeiro ano académico.

Pola Lei Orgánica 3/2020 (LOMLOE) procederase á substitución dos libros de texto de 3º Ed. Primaria para adaptalos ao novo currículo.

 O prazo comeza o 19 de maio e durará ata o 22 de xuño de 2022.

Podedes descargar os Anexos I e II AQUÍ (xunto coa solicitude hai que achegar a documentación que se sinala no artigo 11 da convocatoria)

A solicitude podedes entregala de maneira TELEMÁTICA (A través da Sede Electrónica da Xunta) ou ben SOLICITAR CITA PRESENCIAL no noso cole para a Secretaría a través do teléfono 981617130, o horario será de 9:30 á 13:30h e os luns de 16:00 á 17:00h.

Os alumnos e alumnas que están admitidos noutros centros educativos ou que o vindeiro ano cursan os estudos Secundarios, deberán entregar estas solicitudes no centro onde estarán o próximo ano.

A continuación deixamos enlaces con información de interese para esta convocatoria.

Xa está publicada a LISTAXE DEFINITIVA de alumnado admitido para o curso 2022/23

As listaxes só se poden consultar no taboleiro de anuncios do colexio ou a través da  sede electrónica coa Chave 365 (Lei de Protección de datos)

O prazo de formalización da matrícula será do 20 ao 30 de xuño. Para realizala, o colexio poñerase en contacto telefónico coas familias no mes de xuño para concertar día e hora e realizala.

Publicadas as DIRECTRICES SOBRE O USO DAS MÁSCARAS NO ÁMBITO EDUCATIVO NA COMUNIDADE AUTÓNOMA DE GALICIA

da Dirección Xeral de Saúde Pública (20 de abril de 2022)

Estimadas familias,

Dentro do programa de colaboración e participación cos servizos externos ao centro, recollido no punto 8 da PXA do curso 2021/22, recollemos a invitación da Universidade de A Coruña para participar nunha actividade que nos parece de moita importancia para a nosa rapazada:

" O impacto dos medios de comunicación na sociedade: Os influencers infantís".

A intención é de escoitar ao alumnado e promover un debate que axude a acadar o obxectivo de favorecer o pensamento crítico de nenas e nenos.

Levarase a cabo durante a semana do 25 ao 29 de abril no marco das materias de Valores Sociais e Cívicos e Relixión a cargo do profesorado do centro, o Departamento de Orientación e dúas docentes da Facultade de Ciencias de Educación da UDC.

Para participar, fíxoselle entrega ao alumnado implicado dunha autorización, que deberá traer asinada antes da realización de dita actividade.

Carta de información ás familias

Proposta de actividade formativa: Desvelando o mundo dos influencers infantís

web do DO

Xa están publicadas as LISTAXES DE ALUMNADO ADMITIDO OU NON ADMITIDO PARA O CURSO 2022-23.

Poden consultarse de forma presencial, no taboleiro de anuncios do colexio, en horario de 9 a 14 horas ou a través da Sede electrónica coa chave 365. 

*Todo o alumnado que solicitou praza para a etapa de Educación Infantil está admitido no noso centro.

(Por mor da Lei de Protección de datos non é posible tomar fotos de ditas listaxes e difundilas, nen comunicalas por vía telefónica, correo electrónico ou similar. As familias ou quen os represente poden vir consultalas ao colexio)

Tal como establece a convocatoria, ábrese un período de cinco días hábiles para reclamacións desde o 22 ao 28 de abril, ambos inclusive.

As listaxes definitivas serán publicadas antes do 15 de maio.

Chegou o Real Decreto tan esperado. Non menciona aos centros educativos de maneira particular. Guiarémonos pola normativa estatal esperando un novo protocolo por parte da Administración galega. Deixámolo aquí para que o leades. Un saúdo. 

Como cada ano, no noso cole dedicámoslle un tempo a traballar os súperpoderes que teñen as persoas con TEA. Tratamos a diferenza coma unha fortaleza e o respecto como un lema. Seguiremos insistindo na "concienciación" deste Trastorno do Espectro Autista. Sabemos que canto máis coñezamos do tema mellor nos relacionaremos e os nosos pequenos e pequenas máis sabios os faremos!

Por unha semana azul! Entre todos e todas podemos!

Que vos parece se nos vestimos con algunha prenda azul?

https://view.genial.ly/6239a59a2c94460011229bc1/presentation-tea-2022-2-abril

Chega o mes de abril cheo de música nova... Queredes sabes que festexamos este mes?? Mirade a nosa Playlist de Abril!!!

Unha vez rematado o prazo de presentación de solicitude de admisión de alumnado, ábrese un prazo de 10 días comprendidos entre o 24 de marzo ao 4 de abril de 2022 (ambos incluídos) para que a persoa solicitante a baremar presente a documentación xustificativa dos criterios xerais de admisión alegados (ante calquera dúbida chamar ao teléfono do centro 981617130 en horario de 9:00 a 14:00 horas)

Antes do 25 de abril publicaranse as listaxes provisionais de admitidos e non admitidos.

ORDE do 12 de marzo de 2013  pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Estimadas familias:

Esta mañá, venres 18 de marzo, no portal de edu.xunta.gal, acaban de publicar unha comunicacion conxunta das consellerías de Sanidade e Educación onde veñen de acordar "deixar de recomendar o uso das máscaras nos espazos ao aire libre dos colexios".
Por elo, o alumnado, a partir do luns 21 de marzo, terá que contar cunha caixa portamáscaras ou similar onde gardala no tempo de recreo, xa que deberán entrar e saír do edificio con ela posta.

(Podedes consultar a comunicación premendo AQUÍ)