Publicada a convocatoria de participación no fondo solidario, axudas para adquisición de libros de texto e material escolar para o curso 2022/2023.
O obxeto da Orde é convocar a participación no fondo solidario de libros de texto, axudas para adquisición de libros de texto e material escolar destinadas ao seguinte alumnado:
Fondo solidario: 3º, 4º de Educación Primaria.
Axudas para libros de texto: 1º e 2º de Educación Primaria e EE.
Material escolar: 1º, 2º, 3º, 4º, 5º e 6º.
Só será preciso presentar unha única solicitude, incluíndo nela a todos/as fillos/as que estean escolarizados no centro. (Se a presentación é por vía electrónica deben presentar unha solicitude por cada fillo).
As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal. Tamén poderán presentarse na secretaría do centro.
Prazo de presentación da solicitude: ata o 22 de xuño de 2022.
Documentación:
As persoas interesadas deberán achegar coa solicitude a seguinte documentación:
- Copia do libro de familia onde figuren todos os membros computables.
Nos casos en que non teñan libro de familia ou este non reflicta a situación en 31 de decembro de 2019, poderán acreditar o número de membros utilizando, entre outros, algún dos seguintes medios:
- Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
- Certificado ou volante de convivencia.
- Informe dos servizos sociais ou do órgano equivalente do concello onde resida a familia.
Artigo 24. 3.- Quedarán excluídas as solicitudes que non se puidesen validar por estar presentadas fóra de prazo, por falta de emenda das deficiencias da solicitude e/ou da documentación ou por falta da devolución dos libros de texto recibidos do fondo solidario adquiridos coas axudas nos cursos anteriores.
Para máis información dirixirse á secretaría do centro ou picar no seguinte enlace.
Documentos para descargar:
Publicación de listaxes definitivas de admitidos e non admitidos para o curso 2022/2023.
Están publicadas as listaxes definitivas de admitidos e non admitidos para o curso 2022/2023.
Póden consultalas no taboleiro de anuncios do centro.
Tamén son accesibles para a cidadanía con certificado dixital, DNI electrónico ou Chave365, a través do menú SOLICITUDES > AS MIÑAS SOLICITUDES.
Lémbrase que cada persoa, pode ver o estado da súa solicitude a través do menú SOLICITUDES > ADMISIÓN > RECUPERAR.
Os alumnos e alumnas que obtiveron praza no centro para o curso 2022/2023 deben pasar polo centro para formalizar a matrícula entre o 20 e 30 de xuño.
Visita ao Museo para ver a exposición de Laxeiro
Ao longo desta semana o alumnado do noso centro acudiu ao Museo Ramón Mª Aller de Lalín para visitar a exposición adicada a Laxeiro e realizar as actividades propostas polo persoal do museo. Agradecemos ao perosoal a iniciativa e tamén a atención recibida.
|
|||
Carriño de cultivo
Enviáronnos como medida de acompañamento do Programa escolar do consumo de foitas este carriño de cultivo que seguro lle sacarán os nosos alumnos moito proveito.
Lendo á sombra dúnha árbore
Celebramos o Día da Árbore e o Día do Libro.
Admisión de alumnado para o curso 2022/2023
A partir do 1 de marzo comeza o procedemento de admisión de alumnado para o curso escolar 2022/2023.
Para obter máis información dirixirse á Secretaría do Centro.
HORARIO DE ATENCIÓN AO PÚBLICO: DE 9:30h. a 13:30h.
CALENDARIO PROCESO DE ADMISIÓN CURSO 2022-2023 | |
Publicación vacantes | Antes do 1 de marzo |
Presentación solicitude de admisión | Do 1 ao 21 de marzo |
Presentación documentación xustificativa | Do 24 de marzo ao 6 de abril |
Publicación das listaxes provisionais de admitidos e non admitidos | 22 de abril |
Publicación das listaxes definitivas | Antes do 15 de maio |
Formalización de matrícula en EI e EP |
Do 20 ao 30 de xuño |
Pódense consultar e/ou descargar os documentos relacionados nas ligazóns seguintes:
- DECRETO 13/2022, do 3 de febreiro.
- ORDE do 12 de marzo de 2013.
- ORDE do 25 de xaneiro de 2017 que modifica a orde do 12 de marzo de 2013.
- ORDE do 18 de decembro de 2020. Modificación.
- Nota informativa.
- Resultado do sorteo anual das letras de prioridade.
- Relación de documentación xustificativa dos criterios do baremo.
- Postos escolares vacantes ofertados para o curso 2022/23.
- Zona de Influencia.
- Anexo-Impreso solicitude de praza.
ENTROIDO 2022
Chega un ano máis o entroido e con el Don Manoel e Dona Xertrudis.
Estade atentos aos seus mandados!
Esta semana de entroido imos viaxar no tempo e pasar por distintas épocas traendo o que manden os mecos. Comezamos: LUNS 21: O luns á Prehistoria volvemos e algo de cavernícola traemos. MARTES 22: O martes somos hippies* trae flores, cores, .... o que imaxines. MÉRCORES 23: O mércores soa o Rock & Roll* todos de "rockeros" no Manuel Rivero. XOVES 24: O xoves cara adiante seguro e disfrazámonos do futuro. VENRES 25: O venres o gran día chegará, todo o cole disfradazo virá.
FELIZ ENTROIDO!!!! |
Premio Especial do Público para a Árbore de Nadal do CEIP Manuel Rivero
A Árbore de Nadal decorada polos alumnos e alumnas de Educación Infantil para o Centro Comercial Pontiñas acadou o Premido Especial do Público. Recolleron o premio os alumnos e alumnas de 6º de Educación Infantil. Moitos parabéns a todos e todas e ás súas profes. Moitas grazas tamén a todos e todas as que nos votaron.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »