curso 22-23

2ºB Planta tirabeques e chícharos.

O pasado mércores, día 1 de marzo de 2023, o alumnado de 2ºB de Educación Primaria, sacou para o horta, os tirabeques e chícharos que xa creceran no interior da escola. Tamén aproveitaron para regar as plantas da horta. Aquí vos damos conta do ben que o fixeron.

Medran os xirasois, os tirabeques,

os chícharos e as fabas do alumnado de 4º.

Durante o mes de febreiro foron nacendo as plantas que o alumnado de 4º sementou en botes de reciclaxe. Apareceron as plantiñas de xirasois, tirabeques, chícharos e fabas e case están listas para levar á horta.

SEMILLEIROS

Curso 22-23

Os terceiros xa plantaron as súas sementes. Fixeron semilleiros de  cenorias, canónigos, leitugas, espinacas, chícharos.

Teñen pensado facer unhas estupendas receitas con todos estes alimentos. Aínda que primeiro, terán que transplantalos á horta.

COMPOSTEIRO

Curso 22-23

O noso composteiro está a funcionar perfectamente grazas ás patrullas ecolóxicas dos alumnos e alumnas de 4º e 5º de primaria.

Hai unhas semanas estivo a mestra composteira do concello de visita para comprobar qué tal iba o noso compost, e a nosa sorpresa foi inmensa ao saber que estando a 4º a temperatura ambiental, o compost estaba a 35º.

O proceso fano todo eles mesmos. Todo o alumnado do colexio leva os restos orgánicos aos puntos de recollida, as ecopatrullas levano dos puntos de recollida ao composteiro e comproban que non teñan restos doutros materiais que poidesen ser perxudiciais para a vida dos bichiños que elaboran o compost. Bótanlle estructurante ( follas secas) e tres días á semana remexen co aireador.

Dende aquí queremos agradecerlle a súa labor. Con este compost teremos unhas colleitas moi saudables.

Moitas grazas a todo o alumnado!!!

Semana da Educación en Tomiño.

6-9 febreiro.

Do 6 ao 9 de febreiro, levouse a cabo no Concello veciño de Tomiño a Semana da Educación é ciencia. Unha clara aposta de este concello pola formación de mestres e familias.

Mestres coordinadores do Plan Proxecta+ Aliméntate ben, estiveron nestas xornadas. Mostrando especial interese, na ponencia de José Manuel López Nicolás: Alimentos do século XXI: verdades e mentiras.

José Manuel abordou diversidad de temáticas alimentarias. Alimentos saudables, publicidade, aditivos, etc..

PLANTAMOS CENORIAS

Curso 22-23

Aproveitando que esta semana fai Sol, os nenos e nenas de 4 anos sairon á horta a plantar cenorias.

Visitar a horta sempre é unha actividade que lles gusta moito. 

Xornadas de Formación Nutriescolas 1 para docentes.

Escola de Saúde Pública.

Santiago de Compostela

21 de xaneiro de 2023.

O pasado 21 de xaneiro de 2023, profesarado coordinador do Plan Proxecta+ Aliméntate máis, asistiu a unha xornada de formación para docentes, na Escola de Saúde Pública en Santiago de Compostela. Nesta formación os docentes recibiron directrices para levar a cabo os diferentes proxectos nos centros educativos, onde o obxectivo fundamental de unha vida saudable pasa por unha alimentación sa e equilibrada. Tomar conciencia que o período de crecemento do alumnado vai ser fundamental para adquirir o hábito alimenticio, descubrir os sabores...

MESA CON PRODUTOS DE OUTONO

As familias colaboraron traendo produtos típicos do outono para expoñer no recuncho de Voz Natura E Aliméntate ben e que todos puidesen tocar, cheirar e incluso probar: castañas, noces, piñóns, follas, espigas, cabazas…