Saída ao Castro

Hoxe, os alumnos e alumnas de infantil e primeiro de primaria saímos a visitar a fortaleza do Castro. Paseamos polos seus camiños, visitamos os seus muros e miradoiros, conducimos polo seu circuíto de educación viaria e, sobre todo, xogamos nos seus parques.

Para conmemorar a semana do libro, en infantil inventamos o noso propio conto. Empezamos completando os ocos dentro dun texto, e rematamos inventando o noso propio desenlace. Na imaxe poderedes ler o conto coas partes inventadas polas nenas e nenos resaltadas en laranxa.

O pasado venres festexamos o Día Mundial da Saúde con un mural no que as alumnas e alumnos recoñecen e representan o que necesitamos para estar sans. Os nenos/as recoñeceron a necesidade de descanso, de actividade física, de respirar, de amor, de coidado, de ledicia, de hixiene dental, de coidados médicos e dunha dieta saudable.

A semana anterior celebramos o Día Mundial dos Dereitos do Consumidor mercando nunha tenda de xoguetes dentro da aula. 

Con motivo da semana da prensa, elaboramos este xornal con novidades que as nenas e menos escolleron da súa actualidade. Esperamos que vos guste!