Animación á lectura

O pasado mércores tivemos un novo encontro de "Lectura en Familia". Unha convivencia na que colaboramos pais-nais e fillos-fillas na elaboración dunhas cometas pola Igualdade. Cometas que lanzamos e lanzaremos a voar buscando momentos de risa, igualdade, colaboración, cooperación, creatividade... coma os que vivimos o mércores da man de Andrea. Grazas a todos e todas pola vosa participación e entusiasmo.

 Aínda que a Semana do Libro queda atrás, para nós aínda está presente. O pasado xoves tivemos a sorte de contar coa visita de Xosé Luna e Charo Golmar dous grandes poetas da nosa contorna. Con Luchi ilustradora de contos e antiga alumna desta escola e con Manoele de Felisa que ten o don de coller un poema e darlle vida coa súa guitarra.

Despois de tanto tempo separados pola pandemia foi un acto fermoso e entrañable que abreu a nosa imaxinación e a creatividade.

De momento deixamos un pequeno vídeo dun día que xa non esqueceremos.

A  Semana do Libro estivo marcada pola elaboración de varias actividades nos diferentes cursos: vídeos, recitados, programas de radio, caligramas, composicións plásticas, e mesmo a edición dun libro propio! Se queredes disfrutar de todo este traballo invitámosvos a que os pasedes polo Blog da Biblioteca premendo na imaxe do noso Hall.

Bos días, garabullos e garabullas !!

Esta última semana a Biblio preparou no hall do Centro  unha recopilación de libros no que destacan moitas  novidades que se incorporan:

lecturas de meeeeeedooooo, misterioooooosaaaaaaassssss, feitizaaanntessss, con segredos ocultosssss....                     

Mmmmm... pica a curiosidade, non si?

Pois xa sabedes,.... Para resistir a tentación, non hai mellor que deixarse caer pola Biblio, Animádevos!

Un ano máis celebramos a Semana da Prensa do 8 ó 12 de marzo. As novas foron estudadas e analizadas nas aulas cos titores e especialistas. Cada curso traballou a prensa dende distintos puntos de vista aproveitando os xornais que se mercaron ao longo da semana.

Aprendemos moitas cousas dos reporteiros e decidimos ser xornalistas e crear un pequeno xornal do cole centrado no noso proxecto: "Facendo Camiño". Participamos todos tanto infantil como primaria e todos levamos o noso xornal para poder ver coas nosas familias. 

Se queredes velo ou descargalo premede na imaxe:

Unha vez rematado o ciclo de actividades dedicadas a Rosalía e a muller, damos comezo a unha semana onde a prensa inundará o pensamento do noso alumnado aportándolle unha visión máis global do mundo.

No hall do centro o alumnado disporá diariamente de diversos xornais no recuncho de actualidade

 Preme na imaxe e verás como celebramos este ano o "Día das Bibliotecas".