Día da Internet Segura

O 6 de febreiro celébrase en todo o mundo o Día da Internet Segura ou o Safer Internet Day #SID2024. O Día da Internet Segura ou Safer Internet Day (SID) é un evento internacional organizado polas redes Insafe/INHOPE de Centros de Seguridade na Internet en Europa, co apoio da Comisión Europea.

O Instituto Nacional de Ciberseguridade (INCIBE) https://www.incibe.es/eventos/sid únese á iniciativa internacional e celebra o #DíaDeInternetSegura con actividades para fomentar, entre nenos, novos e as súas contornas máis próximas, un uso seguro e positivo das tecnoloxías dixitais, promocionando as súas competencias nesta materia e axudándolles a ser respectuosos, críticos e creativos, en liña cos principios dixitais europeos.

O alumnado de educación primaria do noso centro participou nos seguintes talleres:

• Taller en liña para alumnado de 1º, 2º, 3º e 4º de educación primaria: Respecto e res-ponsabilidade na internet.

• Taller en liña para alumnado de 5º e 6º de educación primaria: Protexe os teus dispositivos: aprende a realizar configuracións seguras.

Os talleres consistiron nunha actividade práctica por parte de cada alumno/a, e despois  unha dinámica gamificada con todas as persoas participantes.

Clica na imaxe paa ver a fotos 

Vídeo resumo da Día da Internet Segura 2023 

Mandados do Meco

Na celebración do Entroido deste curso proponse ao alumnado a participación, de maneira voluntaria, na actividade Os Mandados do Meco. Para cada día da semana O Meco realizará unha proposta ao alumnado para que este a cumpra. Os mandandos son acumulables, hai que incorporar o novo ao anterior.

        

Día da Paz

Na celebración do Día da Paz deste curso realizamos o ritual SadaBona, no que compartimos cos nosos e compañeiras as características positivas que todos e todas temos. Despois cantamos a canción Somos unha marea de xente, de Macaco.

Para completar as actividades relacionadas con esta conmemoración estamos elaborando un mural para poñer en valor a diversidade da nosa escola e do noso planeta.

SadaBona: respéctote, valórote, ti es importante para min.

Fotos Día da Paz

 

Fotos mural

 

Vídeo da xornada

ADMISIÓN DE ALUMNADO PARA O CURSO 2024-2025: RESERVA DE PRAZA NO INSTITUTO DO ALUMNADO DE 6º EP

Segundo se contempla na Orde de 21 de outubro de 2022, pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos, artigo 26.4 “Cando o alumnado teña prioridade para continuar estudos nun centro de adscrición, pode exercer o seu dereito á reserva de praza presentando solicitude de reserva (formulario normalizado ED550A que se remitiu hoxe a través do alumnado) no centro adscrito, isto é, no que está matriculado nese momento, e indicará o centro de adscrición que solicita”.

Tamén se poderá cumprimentar a solicitude través da aplicación admisionalumnado que deberán imprimir e entregar na Secretaría deste centro https://www.edu.xunta.es/admisionalumnado/   ou  formalizala en calquera dos lugares de rexistros establecidos na normativa reguladora do procedemento administrativo común, incluída a Sede Electrónica con certificado dixital ou a Chave 365 https://sede.xunta.gal/portada e neste caso xa non é preciso a entrega en papel na Secretaría do centro.

Xunto coa solicitude hai que presentar copia do libro de familia ou documento equivalente onde figure o/a alumno/a e as persoas proxenitoras. 

Aquelas familias do alumnado de 6º curso de Educación Primaria que desexen efectuar a reserva de praza para o vindeiro curso no IES Isaac Díaz Pardo de Sada deberán formalizar a reserva de praza. O prazo de presentación de solicitudes remata o 5 de febreiro.

En todo caso, a solicitude de reserva ou de admisión é única para cada alumno/a, ten carácter vinculante e a súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior, así como a existencia dunha solicitude de admisión sen ter renunciado á praza reservada en día 28 de febreiro (este incluído), poderán ser causa de perda do dereito a participar no procedemento nos termos previstos no artigo 8 da Orde de 21 de outubro de 2022.

SadaBona: Exposición 1º Trimestre

SadaBona, o noso proxecto de centro deste curso, ten a súa orixe na palabra africana Sawabona, que significa respéctote, valórote, ti es importante para min. Con el queremos promover e favorecer dinámicas inclusivas en todos os procesos de socialización, aprendizaxe e convivencia dentro da nosa escola.

Durante o primeiro trimestre cada curso investigou sobre as distintas nacionalidades do alumnado da propia aula e das súas familias. Con todos os traballos elaborados realizamos unha exposición. Aquí podedes ver o vídeo coas visitas que organizamos para coñecer todo o creado.

Festa de Nadal

Despedimos o trimestre cunha xornada de festa e alegría na que todos e todas gozamos cunha deliciosa chocolatada.

Programa O Tarabelo Nadal

Clica na imaxe para ver as fotos

Recollida solidaria de alimentos

Na tradicional recollida solidaria de alimentos que realizamos a favor de Cáritas e Cruz Vermella de Sada toda a nosa Comunidade Educativa participou activamente. Os representantes de ambas entidades pediron que se trasladara o agradecemento a todos e todas os que contribuíron nesta recollida.

 

Carreira ENKI

Dentro das actividades realizadas para conmemorar o 3 de decembro, Día Internacional das Persoas con Discapacidade, no día de hoxe celebramos a Carreira ENKI. Trátase dunha carreira de obstáculos adaptados para sensibilizar e concienciar a toda a nosa Comunidade Educativa sobre a realidade das persoas con diversidade funcional. Entre todos e todas, dentro dun ambiente festivo, compartimos unha gran xornada de convivencia.

Clica na imaxe para ver as fotos

 

25 de novembro: Día Internacional Contra a Violencia de Xénero

O 25 de novembro conmemórase o Día Internacional Contra a Violencia de Xénero e dentro das diversas actividades realizadas, hoxe tivo lugar o acto colectivo no que manifestamos o noso compromiso en prol da igualdade e o rexeitamento de calquera violencia cometida contra as mulleres. SAWABONA: Valórote, respéctote, es especial para min.

Manifesto 

Pica na imaxe para ver as fotos e vídeos da xornada

 

Festa do Samaín, Magosto e Halloween

As castañas, as cabazas, os disfraces e a diversión acompañáronnos na celebración do magosto, do Samaín e do Halloween que realizamos hoxe. Para rematar a xornada realizamos un desfile no que compartimos cos nosos compañeiros e compañeiras toda a nosa alegría nesta xornada de festa.

Clica nas imaxes para ver as fotos

            Exposición de cabazas                                   Photocall                                          Festa     

                                        

Distribuir contido