EI

Con motivo da conmemoración  do día de Rosalía  os nenos e nenas do Sto. André de Xeve  decidimos celebralo tuneando unha das súas fotografías. Traballamos moito nesta actividade, dende os máis cativos, que hai que ver que retratos lle fixeron, ata os maiores que tamén nos esforzamos o noso. Homenaxeámola porque  Rosalía deulle prestixio ó galego cando o usou como lingua para “Cantares Galegos”, afianzando así o rexurdimento cultural da lingua galega.

Quen lle diría a Rosalía que algún día tantos rapaces e rapazas conmemorarían o 24 de febreiro para  lembrarse dela!

 Pareceríalle incrible, verdade ? 

Pois  agora, se vos parece ben, vexamos a nosa  exposición fotográfica e que a gocedes todos.  

Aquí vos mostramos os traballos de Educación Infantil e os seleccionados de Educación Primaria.

Dentro do Proxecto "Aliméntate Ben" está o denominado "O sabor da aventura está no mar", o cal nos levou a semana pasada a realizar unha saída mariñeira. A primeira parada o itinerario foi Poio, alí coñecemos o primeiro paso guiados polas mariscadoras, e vivimos con elas un día do seu traballo na recollida de moluscos bivalvos. Despois pasamos ao punto de control onde nos ensinaron unhas máquinas que seleccionan as ameixas por tamaños (clase A,B e C) e explicáronnos  a pesada dos colleitas para non exceder a cota. Logo fomos ao porto de Campelo onde aprendemos as partes dun barco, contemplamos o traballo dos mariñeir@s en terra, tales como a reparación das redes e presenciamos a chegada dun barco de pesca con productos frescos do mar (polbos, centolas, chocos, peixes lúa). Posteriormente, na visita a lonxa, puidemos simular unha poxa empregando os mandos destinados a tal fin. Por último, na casa do pobo de Campelo ofrecerennos un menú de degustación con pratos elaborados con peixes e mariscos que nos encantaron como podedes apreciar nas imaxes. Na despedida agasalláronnos cuns contos, carteis e adhesivos do evento. Foi unha experiencia increíble.

Despois desta saída viñeron ao cole dous dos representates do programa, para reforzar os contidos xa aprendidos a través das aventuras e xogos da "Panda dos Arroaces".

Onte, xoves 14 de febreiro, celebramos no colexio o día de “San Valentín” con diversas actividades . Por unha parte ,os alumnos de 5º e 6º realizaron para a Cooperativa EVEX un mercado gastronómico  “ Batidos de amor” ,no que se degustaron produtos realizados por eles mesmos (paté con produtos do mar, biscoitos variados, madalenas, galletas, bombóns,filloas... e batidos de froitas frescas), todo a prezos moi   asequibles  Organizaron os postos de venda, fixeron o catálogo, colocaron etiquetas e venderon os produtos  , e todo o cole deu boa conta de tan deliciosos e caseiros manxares.

Para este día , os máis pequenos de Educación Infantil, xunto con terceiro e cuarto de EP fixeron “ O faro dos namorados”, mural onde colocaron uns corazóns de cartolina nos que escribiron mensaxes de amor. E para rematar cantaron unha canción  sobre o amor.

Na entrada da Biblioteca colocouse para este día tan especial o “buzón do amor” no que o alumnado podía deixar a súa misiva para quen quixera, anotando o nome do destinatario e o curso.

Para o remate das actividades anteriores , os alumnos de 6º fixeron entrega das cartas aos destinatarios , dando por finalizada unha xornada inesquecible para todos.Por último, queremos amosar o noso agradecemento ás familias, a todo o alumnado participante e ao profesorado pola súa colaboración  e implicación para que todo saíra tan ben . Grazas a todos/as.

 Aquí tedes inmortalizados distintos momentos do día.

FELIZ DÍA DO AMOR E DA AMIZADE!!!!!!

O 30 de Xaneiro, celebramos o Día da non violencia escolar e da Paz no cole. Nos días anteriores construímos un mural onde cada neno pegou o seu barquiño de papel, con palabras e frases relacionadas coa Paz.

Ese día xuntámonos para celebralo. Os alumnos/as de Infantil recitaron o poema "Branca Paloma" e despois cantamos e bailamos todos xuntos a canción "Viva a Xente".

Aquí vos deixo un vídeo con estes barquiños que navegan a toda máquina cara a paz mundial.

O día 20 de novembro, o alumnado de 3º e 4º de EP acudiu á sade de AFundación de Pontevedra a ver o concerto de "Fetén Fetén, o máxico planeta dos instrumentos insólitos". Con este concerto didáctico, os nenos emprenderon unha marabillosa viaxe a través dos diferentes ritmos e melodías da música popular española, transmitíndolles valores como a reutilización, a pobreza, a imaxinación e a importancia de coñecer as nosas tradicións empregando algúns dos instrumentos máis incribles da historia da música. 

Unha vez rematado o concerto os alumnos acudiron a ver a exposición "De la razón de Goya a los monstruos de Salvador Dalí" no Café Moderno. Alí os nen@s realizaron un obradoiro de gravados e participaron nun coloquio sobre estes pintores no cal mesmo tiveron  que cazar os monstros de Dalí.