Dende o centro hoxe luns 9 de Marzo fixemos a celebración do Dia da Muller,  os alumnos mais maiores do noso centro investigaron a vida das mulleres representadas na nosa Biblioteca, mural feito pola artista Laura Duben, pero os pequenos tamen fixeron traballo de aula para tomar conciencia sobre a necesidade de ter unha sociedade igualitaria.

Destacar que en prensa da comarca sale a autora dos nosos murais en unha entrevista:

A artista Laura Duben celebra o 8M cun mural adicado ás mulleres que “arriscan a vida por un mundo máis xusto”

Realizaba esta obra no interior do CEIP Plurilingüe Virxe do Camiño de Rubiá

A través da pintura e usando un entorno cotiá como lenzo (un armario de parede), a artista arxentina Laura Duben, afincada no Barco, celebraba este 8M, Día Internacional da Muller. Creaba unha pintura mural cunha serie de retratos de figuras femininas de referencia a nivel mundial (dende Rosalía de Castro e Frida Khalo ata Teresa de Calcuta) e dedicada a “todas as mulleres que no só soñan cun mundo máis xusto, senón que arriscan as súas vidas, loitan nas adversidades, traballan e arríscano todo”.

Esta é unha escolma simbólica de mulleres, xa que son “tantas” que “só puiden plasmar e unir na obra a unhas poucas, nelas están reflexadas milleiros de loitadoras”, di a artista. Entre elas destaca a Berta Cáceres “de Centroamérica, ecoloxista asasinada e líder na loita por reivindicar ás mulleres aborixes lencas”.

Este fermoso mural pode verse no interior do CEIP Plurilingüe Virxe do Camiño de Rubiá.

Fotos cedidas.

Estamos de celebración e para conmemorar este día o Equipo da Biblioteca ofreceunos unha actividade abraiante, a construcción de unhas tablillas para marcar o libro que recollo na biblioteca para poder despois colocalo no seu sitio unha vez que o lea, unha idea espectacular. A verdade que todos traballaron moito e fixeron unhas tablillas moi chulas, cada nivel fixo as tablillas seguindo un autor e un estilo de pintura diferente.

O mestre Miguel explicou a todos a nova norma para a lectura na biblioteca, a cal aprenderon rapidamente.

Como todos os anos o noso colexio aventúrase nun novo proxecto nesta caso relacionado coas artes, chamámoslle   "GEZELLIGUEID"    no cal estan inmersos toda a comunidade educativa a primeira actividade do proxecto foi a realización dun mural de madeira dividido en celdas para formar o nome do noso proxecto, cada neno elaborou a sua táboa en colaboración coa súa familia. A verdade que nos quedou espectacular.....

PARABÉNS A TODO O ALUMNADO POLO TRABALLO REALIZADO O LONGO DO ANO. ESTE É O RESULTADO: AS VOSAS ACTIVIDADES PUBLICADAS NO PORTAL DA LINGUA GALEGA.

E TAMÉN NO PORTAL PRIMAVERA DAS LETRAS DA REAL ACADEMIA GALEGA:

http://primaveradasletras.gal/o-voso-dia-das-letras-2019/

Antes de rematar o segundo trimestre, gravamos o conto dos tres porquiños, na versión en galego (con todo o alumnado da etapa de infantil) e inglés (co alumnado de educación primaria).