Outras novas

Hoxe tivo lugar o Consello Escolar no que se solicitou,por unanimidade, a apertura do comedor escolar. Queda pendente completar o proceso administrativo e de inspección para que poida procederse ao inicio do seu funcionamento.

O  luns día 3 de outubro iniciouse un ano máis o Plan Madruga, organizado polo Concello, que acolle ao alumnado de 7:45h ata as 9:00 h.

Para inscribirse no Plan Madruga han de solicitar e entregar os impresos correspondentes nas dependencias do Concello de Cambados.

Este martes, día 11 de maio, estivo no centro o Xefe Territorial de Educación acompañado do Alcalde de Cambados, o Arquitecto do Concello e a directiva da ANPA. Logo de percorrer as instalacións do centro acordaron que se iniciase a realización dos planos para a primeira etapa da reforma do centro, que incluirá o acondicionamento e cubrición do patio no que se imparte Educación Física e a ampliación da Biblioteca ata a Rúa Pardo Bazán, espazo no que se acollerá tamén o comedor escolar. A realización dos planos correrá a cargo do Concello.

Tamén se acordou revisar e mellorar a instalación electrica do centro para que poidamos participar na primeira fase do proxecto ABALAR, proxecto polo que se lle facilitarían ordenadores a todos os alumnos de quinto e sexto curso de Primaria.