Eventos

O alumnado de 2º tamén sairá pola ribeira para ver como traballan as nosas mariscadoras, o porto, a lonxa...

O alumnado de 2º Ciclo tivo un periplo moi ligado ao mar no presente curso.Xa estiveron coas mariscadoras e as redeiras, no porto e na lonxa. Que mellor maneira de pechar o ciclo que adentándonos no mesmo mar a bordo dun catamarán ou contemplando a riqueza dos peixes e mariscos que alí viven no Acuario?.

Un ano máis virán de visita os pequerrechos da Pastora. Ou os maiores da Pastora como dirán eles. Sede benvidos, raparigos. Esperámosvos.

Neira Vilas estará con nós. Todo un luxo para o colexio contar cunha persoa tan ilustre nas nosas aulas. Virá acompañado de Manoele de Felisa, que tan bo recordo deixou nos nenos cando acompañou a Rosalía Morlán. Agardámolos cheos de ilusión.

Os maiores do cole, nenos e nenas de 6º, case mozos, irán visitar o instituto que os acollerá xa no mes de setembro. 

A profesora Dolores, da EEI "A Pastora" estará no noso colexio co alumnado de 2º para facelos disfrutar dunha especial sesión de contacontos.

Despois dun ano de implicación, traballo persoal e servizoá comunidade, o colexio quere agradecer especialmente a colaboración dos delegados e subdelegados de clase, dos mediadores, dos axudantes de biblioteca, dos asesores da reciclaxe e dos monitores de xogos. A todos, grazas mil.

As profesoras Rosa Fiel e Marina desprázanse a outros centros do Concello para contarlles contos aos nenos/as. Marina collerá camiño da Pastora e Rosa de San Tomé. Esperamos que disfruten da sesión.

Como non podía ser doutro xeito, tamén os que participaron na actividade de teatro teremos un encontro especial no recreo.  Ábrese o telón para vós, actores e actrices do Magariños.