Eventos

O alumnado de 3º A e 3ºB visitou no día de hoxe o Concello de Cambados. Alí recibiunos o noso alcalde, D. Luis Aragunde e estivemos no salón de Plenos. Explicounos moitas cousas interesantes sobre Cambados, algunhas delas xa as estudaramos na clase: cantas parroquias ten, cales son os monumentos máis importantes, cales son as principales actividades económicas ...

O escritor Ramón Caride estará no centro e poderemos coñecer máis de cerca e falar co autor de obras como "Perigo Vexetal", "Catro amigos pillabáns",  "Micifú e os seus amigos" "A pomba Dona Paz" ... e moitos outros. 

A escritora Rosalía Morlán, achegaranos ao mundo da beleza nos escritos e ensinaranos como crear poesía. Vai acompañala o cantautor Manuele e poderemos escoitar e coñecer a través da súa voz os escritos de outros poetas galegos. Disfrutaremos da súa presenza. 

O alumnado de 3º sairá a mariscar!... A ver o traballo das mariscadoras, a lonxa, o porto ... Que emoción!

A Escola Municipal de Música de Cambados vainos agasallar aos escolares cambadeses cun concerto didáctico no que poderemos coñecer en directo o son característico e as posibilidades de moitos e variados instrumentos musicais. 

Como ven sendo tradición ás portas da celebración das Letras Galegas, o alumnado do centro acudirá onda o monumento a Ramón Cabanillas para facer a ofrenda floral e recitar, con outros centros do Concello, poemas dos nosos máis importantes escritores e en especial de Xosé María Díaz Castro, autor ao que se lle adica este ano este día tan especial.