CEP Lois Tobío

As nenas e nenos de segundo e terceiro de primaria tiveron a sorte de poder desfrutar da Banda de Música O Landro de Viveiro no colexio. A banda falounos das súas funcións como dinamizadora da cultura na vila, dos seus compoñentes, tipos de instrumentos e mesmo deixou que o alumnado probara a tocar os instrumentos e sairá a producir sons ou cantar mentres tocaban. Un luxo polo que estamos moi agradecidos. Mambo!

O pasado mércores vivimos un día moi especial coa visita do futuro alumnado que se incorporará ao centro dende a EEI San Roque. 

Xogos populares, visita ás dependencias do centro e mesmo unha obra de teatro ofrecida polo noso alumnado de 1º e 2º.

Grazas pola visita e ata o curso que vén!

Ola:

Informase que o período de matricula é dende do día 22 de xuño ata o 

30 de xuño de 2023; no seguinte horario: de 10:00 a 13:00 h.

A documentación a aportar para a matrícula é:

- Volante do padrón

- Fotocopia DNI padres e do/-a neno/-a se o ten.

- 2 fotos.

- Copia tarxeta sanitaria.

- Copia libro de familia ou, no seu defecto, certificado de convivencia.

- Copia de ditame de custodia, se fora o caso.

- Informe médico.

- Copia de libro de vacinas.

Hoxe recibimos unha visita moi especial. Pablo Terroba Seara visitou o centro para falarlle a todo o alumnado sobre o seu traballo na fórmula 1. Pablo traballa para o equipo Red Bull e contounos múltiples aspectos do seu traballo, das características dos coches, das persoas que pasan polo box...

Grazas, Pablo, pola túa visita!

Dende Lugo recibimos a pasada semana a visita da Garda Civil de tráfico. Nas charlas teóricas e prácticas en aula aprendemos un pouco das normas básicas, funcións da Garda Civil de Tráfico... e logo baixamos ao patio para ver (e tocar) un coche oficial. Tedes máis fotos premendo na fotografía.

Grazas pola visita!

Grazas a todo o alumnado e familias que, espontaneamente, fabricáchedes esquemas, dioramas, xogos... co estudo nas clases do Sistema Solar. Hai verdadeiras obras de artesanía...

Xa está dispoñible o vídeo do Ourencanto 2023, no que participou parte do noso alumnado e que terán con este vídeo un recordo do seu paso polo certame.

Esta fin de semana vivimos dous eventos moi especiais relacionados coa música nos que tivemos a sorte de poder participar:

O venres ás 20:30, na igrexa de San francisco, o alumnado de primeiro e segundo tivo a oportunidade de cantar xunto á orquestra de corda do conservatorio. Foron tres cancións preparadas nas aulas que logo puxeron en común nun concerto que case encheu a igrexa.

Ao día seguinte, o sábado, unha boa parte do noso coro viaxou a Allariz para facer un concerto xunto aos coro da Escola Municipal de Música de Allariz e o coro Cantiga, de Ourense. Ademais do concerto, o coro tivo a oportunidade de visitar o Museo do Xoguete Galego e tamén visitar a fermosa vila de Allariz. Un fermoso día de música e convivencia.

O equipo de Dinamización da Lingua Galega propuxo un concurso de microrelatos que remata hoxe e no que a persoa gañadora verá publicado o seu relato na revista escolar "O Chalano".

Animádevos!

No día de onte Peque e Antía, xogadoras de fútbol sala de Burela visitaron o noso centro para contar a sáu experiencia no equipo e a recente consecución da súa sexta Copa da Raíña.

Grazas rapazas pola visita e por ser unha motivación para o noso alumnado!