Manter a porta e  algunha ventana aberta  que favorezan a ventilación cruzada, é unha das mellores formas de ventilar as aulas. Grazas á nosa ANPA Mosteiro, todos os cursos do centro dispoñen dende hoxe de medidores de dióxido de carbono (CO2) nas aulas.

Así o recomendan  desde "Schools for Health" de Harvard ou desde  o CSIC.

Ao respirar, entre outros gases e partículas, exhalamos dióxido de carbono. Cantas máis persoas, canto máis axitada sexa a súa respiración, canto máis pequena é a habitación e canto peor ventilada está, máis dióxido de carbono se irá acumulando. Por iso a concentración de CO2 serve para avaliar o potencialmente perigosa que é unha estancia, e se a estratexia de ventilación utilizada está resultando eficaz.

As principais autoridades sanitarias, como a OMS ou os CDC, coinciden en que a ventilación dos espazos de traballo é importante para mitigar a transmisión do coronavirus. Optar por espazos ao aire libre sempre que sexa posible, e no seu defecto favorecer a renovación do aire nos espazos cubertos. 

No noso centro ademais das recomendacións sanitarias de manter a hixiene de mans,  levar mascarilla e distancia social, agora contamos cun elemento máis  de seguridade a través destes medidores. 

Unha vez máis, o noso agradecemento á ANPA Mosteiro

Reserva de praza no Instituto:

Segundo a Orde do 18 de decembro de 2020 pola que se modifica a Orden de 12 de marzo de 2013 pola que se desenvolve o procedemento para a admisión de alumnado en centro sostidos con fondo públicos, o alumnado de 6º de primaria ten garantida unha praza no IES Antón Alonso Ríos de Tomiño.

Segundo o artigo 2 "o alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe ou a través da aplicación "admisionalumnado" (https://www.edu.xunta.gal/admisionalumnado) o formulario normalizado (ED550A) que se publica como anexo I desta orde.

O Prazo de presentación de solicitudes estará comprendido entre os días 11 de xaneiro e o 8 de febreiro. O último día de prazo para entregar cuberto este modelo é o luns 8 de febreiro.

Para efectos de confrmar que queredes escolarizar ao voso/a fillo/a neste instituto, debedes presentar cuberto aquí no colexio o modelo que vai anexo adxunto. Este modelo ten que estar asinado polos dous proxenitores.

En caso de que non queirades escolarizar ao voso/a fillo/a no IES Antón Alonso Ríos de Tomiño agradecemos que nolo comuniquedes por teléfono (886110738) ou cunha nota na axenda do voso/a fillo/a.

Un saúdo

O Equipo Directivo

Segundo a Orde do 6 de novembro de 2020 pola que se regulan os procedementos para a distribución de máscaras entre o alumnado matriculado no curso 2020/2021.

Prazo:

16/11/2020 - 27/11/2020

Alumnado destinatario:

a) Non ten que presentar solicitude:  Alumnado beneficiario  da axuda de material escolar no curso 2020/2021.

b) Ten que presentar solicitude:

O alumnado que non foi beneficiario de axuda de material no curso 2020/2021 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65

Presentación de solicitudes .a) No centro docente.

b) No portal educativo, enderezo http://www.edu.xunta.gal

Documentación:

1. As persoas interesadas deberán achegar a seguinte documentación:

 a) Solicitude (Anexo I)

b) Anexo II (comprobación de datos dos membros computables da unidade familiar).

 c) Copia do libro de familia ou documento equivalente, onde figuren o alumno e os demais membros computables da unidade familiar.

 d) En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/a menor.

 Renda per cápita da unidade familiar:

É o resultado de dividir a renda da unidade familiar do exercicio fiscal 2018, sumaranse a base impoñible xeral (Recadro 432) e a base impoñible do aforro (recadro 460) entre o número de membros computables.

Membros computables da unidade familiar:

a) Pais non separados legalmente nin idvorciados.

b) Fillos /as menores de idade con excepción dos emancipados.

c) Fillos/as maiores de idade discapacitados ou incapacitados xudicialmente.

d)Fillos/as solteiros/as menores de 25 anos e que convivan no domicilio familiar.

e) Os proxenitores separados legalmente ou divorciados con custodia compartida forman unha unidade familiar cos fillos que teñen en común.

f) A persoa que, por novo matrimonio, en situación de unión de feito ou en situación de afectividade análoga ás anteriores con convivencia, resida no domicilio familiar coa persoa proxenitora do alumnado, agás nos casos de custodia compartida.

g) Cando non exista vínculo matrimonial, a unidade familiar entenderase constituída polo pai, a nai e todos os descendentes que convivan con eles e que reúnan os requisitos do punto anterior.

Becas e axudas para alumnos e alumnas con Necesidades Específicas de Apoio Educativo curso 2020- 2021 (Abrese enlace)

Convocatoria: 

Resolución da secretaría de estado de educación, pola que se convocan axudas para alumnos con necesidades específicas de apoio educativo para o curso académico 2020-2021

·       Convocatoria das axudas (abrese enlace)

·       Anuncio da convocatoria no BOE (Abrese enlace)

Prazo de presentación da solicitude:

Do 9 de agosto de 2020 ata o 30 de setembro de 2020.

Quen a pode Solicitar

·      Beneficiarios:

- Os alumnos que presentan necesidades educativas especiais derivadas de discapacidade ou trastorno grave de conduta:

a)    Alumnado con TDAH (trastorno por déficit de atención por hiperactividade) que requiran por un período da súa escolarización ou ao longo de toda ela, determinados apoios e atencións educativas específicas derivadas de discapacidade ou trastornos graves de conduta.

Tamén poderán ser beneficiarios de axudas directas os alumnos afectados por TEA (trastorno do espectro autista) non incluídos no parágrafo anterior e que requiran estes apoios e atencións educativas específicas.

b)    Subsidios por necesidades educativas especiais derivadas de discapacidade ou trastorno grave de conduta para familias numerosas. 

     Tamén poderán ser beneficiarios de subsidios os alumnos afectados por TEA (trastorno do espectro autista), pertencentes a familias numerosas, non incluídos no parágrafo anterior.

c)    Axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.

Pasos para solicitala

Cliquea sobre a imaxe e levarate a sede electrónica

Como se che indica máis arriba unha vez que a teñas impresa en formato pdf,

- Firmar todos os maiores de 18 anos

traea ao centro xunto con:

- Certificado de discapacidade de, ao menos, o 33 por cento en caso de alumnos ou alumnas con discapacidade.

- Certificado médico expedido polos servizos de saúde sostidos con fondos públicos.

- Memoria  expedida polo Gabinete reeducador que preste o servizo na que conste  información detallada das características dos memos, incluindo número de horas semanais e especialistas que o prestan así coma o coste mensual.

- Declaración responsable da  Gabinete que imparta a reeducación.

- Fotocopia da conta bancaria onde o neno/a figure como titular ou cotitular.

- Fotocopia dos DNIs de todos os membros computables.

http://www.educacionyfp.gob.es/contenidos/estudiantes/educacion-infantil/becas-ayudas-premios/necesidad-especifica-apoyo-educativo.html

Está aberto o prazo para solicitar praza no comedor escolar o próximo curso escolar 2020/21.

Deberedes presentar na Secretaría  o modelo que se adxunta, debidamente cuberto. 

Prazo 1º: ata o 10 de xullo (o día 29 de xuño non estará aberta a Secretaría)

Prazo 2º: Do 1 ao 8 de setembro

Impreso de solicitude (formato PDF)

Impreso de solicitude (formato DOC)

 INICIO CURSO

Estimadas familias:

Este curso escolar, como xa
sabedes, está cheo de novidades pola nova situación que estamos vivindo pola
pandemia do COVID-19.

En primeiro lugar
tranquilizarvos, xa que dende o centro se están tomando todas as medidas
necesarias para minimizar os riscos de contaxio (hixiene, organización...)

En todo momento estaredes
informados do protocolo existente, que estará colgado na páxina web do centro,
e dos cambios que se poidan producir debido á evolución da situación.

PRINCIPALES
CAMBIOS

ACCESO AO CENTRO

Os pais/nais/titores legais,
non poderán acceder ao centro por norma xeral. Toda comunicación co mesmo, será
a través de correo electrónico, chamada telefónica... (incluso as titorías cos
mestres priorizaranse de xeito telemático ou telefónico).

 Se chegades tarde, deixaredes ao alumno/a na
porta de acceso, e este entrará para o centro.

Se tedes que recollelo antes
do final da xornada, previa chamada ao centro, poderedes entrar a secretaría a
recoller ao neno/a.

Para recoller ao alumnado ao
final da xornada, para os que non se quedan ao comedor, teredes que esperalos
na verxa exterior do recinto do cole, e os mestres que os entregan darán a
volta ao edificio administrativo para ver aos pais e facer entrega dos
nenos/as.

A
principio de curso para traer o material escolar podedes mandarllo aos nenos/as
aos poucos.

MODELO AUTODECLARACIÓN

Cubriredes o Modelo de
declaración responsable que se vos adxunta, no que vos comprometedes a non
enviar ao alumno/a se presentara calquera tipo de síntoma compatible coa
COVID19 (e tomar a temperatura antes do inicio da xornada, a cal non pode
superar 37,5ºc).

MEDIDAS NAS AULAS

Material individual e
etiquetado.

Se hai necesidade de compartir
algún, este será desinfectado.

Uso de máscara.

Limpeza das mesas e material.

Ventilación.

Hixiene de mans a entradas e
saídas así como noutros momentos da xornada escolar.

ACTIVIDADES EXTRAESCOLARES

Non haberá actividades
extraescolares nin deporte escolar á espera da evolución da pandemia.

A biblioteca do centro, non
abrirá polas tardes ata o 1 de outubro. A partir desa data, só permitiremos un
aforo máximo de 10 nenos/as. Para poder facer uso deste servicio, haberá que
solicitalo cun día de antelación chamando a secretaría. En caso de superar ese
aforo, quedará fóra o alumno/a que máis días do curso leva acumulados fixera uso
da mesma. En caso de empate priorizaranse os cursos baixos e por último a orde
de presentación da solicitude.

"RIÑONERA"

Cada alumno/a terá que traer
ao colexio unha "riñonera" cun bote de xel hidroalcohólico, unha
máscara de reposto e un paquete de panos desbotables.

TRASPORTE ESCOLAR E COMEDOR

O trasporte escolar seguirá
funcionando con todas as medidas de prevención: subir ordeadamente, sentarse
sempre na mesma praza e levar sempre a máscara. Non se poderá facer uso de
autobuses diferentes.

O comedor escolar usará
bandexas individuais con tapa, estarán separados por mamparas de policarbonato
e agrupados por clase.

ABALAR MOBIL

Sería convinte que todas as
familias tiverades activado o Abalar Mobil para recibir notificiacións, e
intentar reducir dende o centro as notas impresas.

O documento Plan de adaptación á situación COVID 19 no
curso 2020/2021 estará sempre actualizado na páxina web do cole e debedes
coñecelo xa que nel se contemplan todos os aspectos relacionados coa
seguridade.

Festivo

O luns 14 é festivo en Tomiñoi polo que non haberá clase.

FOLGA

O xoves 10 de setembro hai convocada unha folga de docentes. Dende o centro garantizase os servizos mínimos.

Atentamente o Equipo Directivo

Temos xa á vosa disposición os vales de axudas para adquisición de material escolar e de libros de texto.

Se polas condicións da convocatoria, tedes dereito a algún destes vales, podedes pasar polo colexio entre o luns 13  e o venres 17 de xullo,  en horario de 9:00 a 14:30 h.

Non precisades pedir cita previa, aínda que deberedes respectar as medidas habituais de seguridade:

• Levarase mascarilla
• Tedes á vosa disposición hidroxel para desinfectar as mans ao chegar.
• Traede bolígrafo propio para asinar a recollida
• Se hai que facer cola, gardarase en todo momento a distancia de seguridade.

A quen afecta?

Vales de axudas de material:  Todos os cursos teñen dereito a esta axuda, dependendo das condicións da convocatoria.

Vales de axuda para adquisición de libros de texto: alumnado de  1º e 2º curso.

 Fondolibros:

Os libros de texto para 3º e 4º serán adxudicados como préstamo  en función do baremo correspondente.  Temos publicada a listaxe provisional de reparto de fondos, que podedes consultar na Secretaría ou chamando aos teléfonos 886110737 e 886110738. O prazo para reclamacións está aberto ata o xoves 9,  incluído. O venres 10 publicarase a listaxe definitiva.

Nestes momentos non saiu a convocatoria.

Quen ten que realizar este trámite?

Todo o alumnado que se escolarice por primeira vez no colexio.  Os nosos alumnos/as xa renovan automáticamente a matrícula sen precisar ningunha xestión.

Cando hai que facelo?

O  prazo establecido pola Consellería de Educación vai dende o día 20 ao 30 de xuño. Podedes empezar a traer a documentación a partir do luns 14 de xuño. No colexio establecemos un horario de 10:00  a 12:00 horas

Que documentación hai que traer?

Para a formalización de matrícula teredes que traer ao CEP Plurilingüe Pedro Caselles Beltrán a seguinte documentación:

• Anexo III de formalización de matrícula 
• Folla Complementaria de matrícula
• 2 fotos de carnet.
• 1 fotocopia do DNI dos titores legais.
• 1 fotocopia do libro de familia de tódalas páxinas que estén cubertas.
• 1 fotocopia do DNI do alumno/a (se o ten)
• 1 Fotocopia da cartilla sanitaria.
• Certificado de matrícula do centro no que estaba escolarizado.
• Certificado de empadronamento (solicitádeo no concello de Tomiño dicíndolle que é para o noso cole

Casos especiais:

• En caso de separación ou divorcio  Sentencia Xudicial e/ou convenio regulador onde conste a custodia do menor (En caso de separación)
• En caso de Alumnado ACNEAE: informes médicos achegados pola familia.

Como podo resolver calquera dúbida?

Podes enviar un correo a cep.pedro.caselles@edu.xunta.gal, ou chamar aos números 886110737 ou 886110738,  no mesmo horario de 10:00 a 12:00 h.