Ed. Primaria

O día 9 de Maio o alumnado de 5º de Educación Primaria participou nunha Xornada Deportiva arredor do deporte do atletismo. organizada pola Asociación de Deporte Escolar de A Estrada que tivo lugar nos Campo das Canteiras no concello de Cuntis. Esta xornada enmárcase dentro do programa XOGADE de deporte escolar. 

O alumnado participante practicou as modalidades de 50m, 4x50m, salto de altura, salto de lonxitude, lanzamento de peso e iniciación do lanzamento de xavelina. 

O alumnado do CPI participou nesta xornada con alumnado do CEIP Pérez Viondi, CEIP Figueroa, CEIP Villar Paramá, CEIP do Foxo, CEIPP de Oca e o Colexio de Lourdes.

Álbum: Curso 23-24 -> Encontro XOGADE Atletismo 5ºEP

O xoves 7 de marzo o alumnado de 1º ciclo de Educación Primaria participou nun encontro multixogo, dentro do programa XOGADE, xunto a outros centros da contorna: CEIP Figueroa, CEIP Pérez Viondi, CEIP Villar Paramá, CEIP O Foxo, CEIP Cabada Vázquez, CEIPP de Oca, Colexio de Lourdes e CPI Santa Lucía.

O alumnado xogou ao longo de toda a xornada a diferentes propostas que tiñan como obxectivo o xogo como proposta didáctica. Esta actividade foi organizada pola Agrupación Deportiva de A Estrada que está conformada por docentes destes centros.

Tamén deixamos unha ligazón na que a prensa faise eco desta iniciativa.

Álbum: Curso 23-24 -> Encontro Multixogo

O mércores 31 de xaneiro, o alumnado de 5° e 6° de primaria visitaron o Museo de Ciencias e a DOMUS en Coruña. Viviron diferentes experiencias relacionadas có corpo humano e a ciencia. tamén participaron nun obradoiro de disección. En relación co proxecto "Comer e rañar", visitaron a exposición interactiva "Bocados", coa que estimularon os seus sentidos na cociña.

Álbum: Curso 23-24 -> Visita aos museos científicos

Hoxe ao chegar a clase atopamos unhas caixas misteriosas. Ao abrilas, descubrimos unha serie de obxectos estraños. Que serán?

Reflexionamos por grupos sobre "Que vemos", "Que pensamos", "Que nos preguntamos"...

Álbum: Curso 23-24 -> Comer e rañar I

O martes 7 de novembro visitou o centro Óscar Vidal, cociñeiro do restaurante Asador O Pazo. O restaurante foi galardoado cunha estrela Michelín no ano 2022.

Esta visita forma parte do proxecto "Comer e rañar" que está a traballar o alumnado de 5º de EP. Este proxecto xira ao redor das profesións relacionadas coa cociña, no marco do PDI de centro que esta curso denomínase: "Que quero ser"

Na primeira parte da actividade Óscar falou da súa traxectoria como cociñeiro. Ao rematar a mesma o alumnado entrevistouno sobre aqueles aspectos que lle espertaban máis curiosidade.

Como sobremesa realizouse un obradoiro onde aprenderon a elaborar un petisco doce do menú do seu restaurante chamado "Peido de lobo".

Queremos agradecer a Óscar a súa participación desinteresada no noso proxecto.

Álbum: Curso 23-24 -> Comer e rañar