Skip to Content

Enlace Aula Virtual

   

    

blogue deadmin

O xoves 14 imos ao teatro

Mér, 13/03/2024 - 06:31 — admin

O día 14 EPAPU vai de teatro. Todo o alumnado está moi ilusionado por ir ao Teatro Principal. As entradas están agotadas. A compañía As Silvardeiras vai representar "Os vellos non deben de namorarse" dirixidas por Ánxeles Álvarez.

 

O martes, día 12, a directora da obra veu ao centro para falarnos de Castelao, o autor, e do significado da obra de teatro. Deu unha charla á mañá e outra á tarde. As dúas charlas estiveron moi concorridas e foron interesantisimas. Agradecemos a Ánxeles por ilustrarnos tanto sobre Castelao e a súa capacidade artística. Todos estamos desexando ver a obra que será un éxito.

 

 

Actividades 8M do alumnado da quenda de noite

Mér, 13/03/2024 - 06:22 — admin

O día 8 de marzo o alumnado da quenda de noite celebraron o día da muller. Primeiro houbo unha presentación na que se explicaba por qué se escolleu o día 8 de marzo para conmemorar as mulleres traballadoras. A continuación dramatizouse unha escena da vida matrimonial de Einstein e a súa muller,  Mileva Maric, unha grande investigadora á altura do seu home pero que foi eclipsada por el e tivo que renunciar á investigación. Fíxose a lectura da carta que o científico lle fixo asinar á súa muller e na que demostraba a falta de respecto por ela.

Logo proxectouse un vídeo de mulleres ao longo da historia. Posteriormente tres alumnas cantaron unha bonita canción titulada "Brillo de mujer" de Iván Ricardi e fixérono moi ben. Para rematar cantamos todos a canción "Canción sin miedo".

O acto foi moi emotivo polo tema e porque todos participaron con ilusión.

Exposición 8M: mulleres anónimas

Lun, 11/03/2024 - 16:05 — admin

O Equipo de Dinamización Da Lingua Galega do Epapu de Ourense conmemorou o pasado 8M cunha exposición para dar visibilidade a algunhas das moitas mulleres anónimas que loitaron e/ou loitan a cotío na súa vida para construír o cambio e axudar a mellorar as vidas de todas as mulleres.

Grazas a todas elas.

Visita ao claustro de San Francisco e teatro en Inglés

Xov, 07/03/2024 - 14:02 — admin

O martes 5 de marzo alumnado  de ESA, de Bacharelato e dos cursos de adultos acudiu ao Auditorio Municipal de Ourense para asistir á representación da obra de teatro en inglés "Three Stories of Scotland" da compañía Theatre4Schools, organizada polo Concello de Ourense.

Previamente visitaron a Escolma de Escultura e participaron nunha visita guiada ao Claustro de San Francisco.

Despois da representación, as persoas que non dispoñían de carnet de lector tiveron a oportunidade de obtelo na Biblioteca Pública Nós.

Obra de teatro: Os vellos non deben de namorarse

Mar, 05/03/2024 - 09:18 — admin

O vindeiro xoves 14 de marzo ás 20:00 horas no Teatro Principal de Ourense, todo o noso alumnado poderá asistir gratuitamente a representación da obra de teatro "Os vellos non deben de namorarse", un clásico do teatro galego de Alfonso Daniel Rodríguez Castelao, adaptado pola Agrupación Teatral SILVARDEIRAS de Allariz.

Se estades interesados en acudir, poñédevos en contacto co voso titor/a para inscribirvos antes do venres 8 de marzo.

Les Trois Mousquetaires: Teatro en francés para o noso alumnado

Lun, 04/03/2024 - 16:20 — admin

O alumnado dos cursos de iniciación, intermedio e avanzado de francés da EPA de Ourense, asistiron o pasado xoves 29 de febreiro á representación da obra de teatro “LES TROIS MOUSQUETAIRES”, adaptación e representación da compañía BHM Producciones, basada na novela de Alejandro Dumas.

Ao final da representación os actores mantiveron un pequeno coloquio hispano-francés co público.

 

 

 

 

Calendario exames bacharelato 2ª Avaliación

Ven, 16/02/2024 - 16:16 — admin

Xa dispoñible para a vosa consulta o calendario de exames de Bacharelato da segunda avaliación. As probas realizaranse desde o luns 26 ao xoves 29 de febreiro.

Fai clic sobre as imaxes para consultar a información en pdf.

 

Vémonos o xoves 15 de febreiro

Dom, 11/02/2024 - 13:47 — admin

Actividade de Contacontos en francés

Xov, 08/02/2024 - 14:15 — admin

O alumnado de francés de 4º ESA e 1º BAC así como os grupos iniciación, intermedio e avanzado de francés participaron activamente na actividade do Conta Contos Camerunés Samuel  Mountoumnjou organizada pola EPA.

Os alumnos e alumnas de francés demostraron o seu talento sobre as táboas cunha importante colaboración nos tres contos africanos que Samuel interpretou de xeito interactivo e a modo de fábula cómica.

 

Podedes observalo nos seguintes enlaces:

 

Calendario final do primeiro cuadrimestre

Ven, 02/02/2024 - 05:50 — admin

Distribuir contido


by Dr. Radut